حــــالة الدنيـــا.......؟

[راعي الرايــــه]

ويلاه من طـــــــبع الليالي والأيـــــام
أحد تبرى منه واحــــــــــــــد تماشيه
واحــــد تـــــــــمر أيام... وأيام مانام
سود الليالي عن منامه تـــــــقــــزيه
يطوي على همه ضلوعه ويــــنضام
ولا يشتكي للناس من مايـــــــــعانيه
يخاف من هرجة عدو ونــــــــــــمام
يضحك ومافي داخل القلب يخــــــفيه
واحد عثر حظه ونوخ ولا قــــــــــام
لوصاح بأعلى الصوت مـحد بيوحيه
يمضي عليه اليوم في حسبه أعوام
كـــن الزمـــن قيد يـــــــجود خطاويه
أحـــــــد تهفهف له ذعاذيع الأنسام
وتمشي على كيفه ودايم تـــــــباريه
ماعض يوم من الندم راس الابهام
حـظه على طول الليالي مـــــصافيه
ولا تعلى طير فكره ولا حــــــــــــام
ولا كفـخ من جور خل مـــــــــجافيه
وذي حالة الدنيا بها حظ واقـــسام
أحد تــسومه هم واحد تــــــــواسيه
ومن لا عرف طبع الليالي والأيام
إن مــــاتبرت منه عيت تــــــــماشيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ

هذه القصيدة من أختياراتي وبصراحة أعجبتني مره مره وأتمنى أن تعجبكم،،،،
وتقبلو تحياتي ،،،،،

[هادي]

الحلووو ما يجي منه الا الحلووو
عمرك شفت عكس هالقول
تسلم اخوي على هذا الاختيار والكلام الجميل لا يختاره الا من كان اجمل منه

فالف شكر لك وتسلم لنا

سلام

[راعي الرايــــه]

الله يسلمك أخوي هاااااااااااااااادي وتستاهلون أكثر واجمل والقول الحلو اللي اقوله لك هو (الحي يحيك والميت يزيدك غبن) ولك تحياتي ،،،،،،;)