تسجيل الدخول

مشاهدة النسخة كاملة : لاهنت ياراس الرجاجيل لاهنت

توليب2
15 / 03 / 2017, 29 : 09 AM
يسعد صباحكم
قصيده من شعر صاحب السموالملكي الامير خالد الفيصل بن عبد العزيز
في وفاه والده المرحــــــــوم باذن الله الملك فيصل بن عبد العزيز ال سعود

لاهنت ياراس الرجاجيل لاهنــــــــــت
لاهان راس في ثــــــراء العود مدفون
والله ماحطك بالقبــــــــر لاكن امنـــت
باللي جعـــــــل دفن المسنين مسنون
منزلك ياعـــــــز الشرف لو تمكنــــت
فوق النجـــــوم اللي تعلت على الكون
سكنت دار المجد ياشيخ وسكنــت
شعبك معك في منزل العز ممنــــــون
صنعت العهد ياوافي العهـــــد ماخنت
علمتنــــا وشلون الاشراف يوفــــــون
كم ظالمــــا عاداك واعفيت واحسنت
واخلفت ظن ادموع ناس يضنــــــون
شلت الامانه حافظـــا ماتهــــــــاونت
شفنا بك ارجال على النفس يقوون
ياللي طلب علمك بالحب زينـــــــــت
عرشك بتاج اقلوب شعب يحبـــــون
لوون تاج الملك ماقد تلونــــــــــــــت
ماغرتك دنياك ماصرت مفتــــــون
بالصدق والمعروف والصبر كـــــــــونت
منهاج فيصل منهج اللي يعرفـــــون
» اِلـَوَفْآءْ بـِنْـتْ
15 / 03 / 2017, 45 : 09 PM
والله ماحطك بالقبــــــــر لاكن امنـــت
باللي جعـــــــل دفن المسنين مسنون

الله على هـ البيت .. صح لسانّ شاعرنا العذب .. !
الله يرحم الملك فيصل وجميع ملوكنا .. وأمواتنا .. وأموات المسلمينّ أجمعين ،
قصائد الرثاء دايماً تكونْ صادقة .. أبيات جداً معبرة .. سلمتِ يمناكِ يّ الغالية ..!
لآهنتِ ،
أبـوحـمـد
15 / 03 / 2017, 50 : 09 PM
ياللي طلب علمك بالحب زينـــــــــت
عرشك بتاج اقلوب شعب يحبـــــون

لوون تاج الملك ماقد تلونــــــــــــــت
ماغرتك دنياك ماصرت مفتــــــون

اختيار وذائقه جميله

تسسلم الايادي يا توليب

والله يرحم الملك فيصل
عزوف
15 / 03 / 2017, 20 : 10 PM
رحمه الله الملك فيصل واسكنه الفردوس الاعلي

وجميع موتى المسلمين....

ابيات رثاء جياشه من قلب صادق

تسلمي ع الانتقاء
سُلاَفْ القَصِيدْ
15 / 03 / 2017, 29 : 10 PM
ابيآت مؤثره
رحم الله الملك فيصل واسكنه فسيح جناته وجميع اموات المسلمين
تسسلمين تولييب ع آلآختيار ..
توأم الجود
15 / 03 / 2017, 34 : 11 PM
رحم الله الملك فيصل ؛ و كافه ملوكنا وغفر لهم و اسكنهم الجنة

اختيار متميز اختي توليب ؛ فالشاعر رمز من رموز الشعر ؛ و الرثاء في ملك تسيد قلوب العرب و كسب احترام العالم

دائما ننتظر اختياراتك و حضورك اختي توليب

تحياتي
قالب ثلج
15 / 03 / 2017, 44 : 11 PM
تعازينا الحاره لخالد الفيصل في وفاة أبيه
ولو انها جت متأخره
😢😢😢😢😢😢
النادر
16 / 03 / 2017, 22 : 06 AM
والله ماحطك بالقبــــــــر لاكن امنـــت
باللي جعـــــــل دفن المسنين مسنون

منزلك ياعـــــــز الشرف لو تمكنــــت
فوق النجـــــوم اللي تعلت على الكون

هالبيتين اختصرت قصيدة الفيصل
عافاك الله وماقصرتي
توليب2
20 / 03 / 2017, 41 : 07 AM
يسلمو ع التواجد والردود التي اسعدتني