[ - تفاهمنا علـى حسـم الامـور وكلنـا راضيـن .. وتوادعنـا مـا كـن قلوبنـا خضـر وهواويـه ..!

[» اِلـَوَفْآءْ بـِنْـتْ]

http://www.up-tumaer.net/up/uploads/1486957100391.jpg


،


على عيد انكساري في غرامك قبل تسع سنيـن
تذكرتـك وقـلـت أكلـمـك والنـيـه النـيـه

الو لبيه يا اغلى من ذبحني قبـل عـام الفيـن
ومـت ولا حييـت الا علـى ذكـره وطـاريـه

احبك وين ما سجت عيوني في الزمـان الزيـن
وسججنـي زمـان اللـي متاهـاتـه خيالـيـه

ولا سجيت عن آخـر لقـى عطـارة البحريـن
ودهـن العـود واشيـاء الشيـوخ الارجوازيـه

رعى الله كل يوم مرنـا مـا قبـل ذاك الحيـن
علـى زمـة صبـا الايـام والاحـلام ورديـه

يوم انك تستحي لا تذكر ان عمرك وصل عشرين
وانا ما طاب لي الا ما ورى العشريـن بشويـه

يا حلـو احلامنـا ومراهقتنـا والبلـى بعديـن
كشفنـا ضحكـة اول حلمنـا ودمـوع تالـيـه

ولكن مـا ندمنـا ليـه ؟ لان العالـم الحلويـن
يعيشـون الغـلا وفـق القوانيـن السعـوديـه

عفى الله عن ملذات الهوى والعشق والتخميـن
وسجـات الغـرام ولــذة الـحـب الحقيـقـة

فديتك يوم تاخذني على كيفـك ولا ادري ويـن
معك من وين ما ذعـذع هـواك ومالـت الفيـه

غدينا كنك الشاعر وانـا واحـد مـن الغاويـن
نهيـم بـكـل واد مــن العلـيـا للعزيـزيـة

وبعد ما فاتنا ركب الحياة وشفت شـوف العيـن
مسـارات الطريـق والاتجاهـات المصيـريـة

عرفت ان كل شي لهـا نهايـة والنيـا والبيـن
مصير الشاعـر اللـي خانـت اوزانـه قوافيـه

خلاص اعزم على الفرقى ولا لك في رقبتي دين
تـرى حنـا تعدينـا الخـطـوط الاستوائـيـة

تفاهمنا علـى حسـم الامـور وكلنـا راضيـن
وتوادعنـا مـا كـن قلوبنـا خضـر وهواويـه

ومع هذا عجزت اسج وانسى واتـرك المقفيـن
اغصـب القلـب لكـن الغـلا قـدره آلاهـيـه

اعن لكل ما فـي نجـد حتـى شاعـر الستيـن
واحن ان ذعذع الغربي على اهل الشرق عصريه

والى منه سرى من كـل ليـل حلـوة الثلثيـن
عرفت ان نسبة النسيان دونك اثنين في الميـه

وفكرت اتبدوى مع اهل الابل واترك اهل الضين
يجوز الابل تنسي مـن تبعهـا عـن مشاهيـه

وشريت الوضح لعل وعساي اسلى مع الساليـن
وقعدت اشـد وانـزل فـي التهاتيـه الخلاويـه

ولكن ما تغير حـال هـذا انـت تحدانـي ليـن
نويـت اتـم نصـف الديـن والنيـات مقفيـه

وخذيت من البنات الغيد عقبـك وحـده وثنتيـن
عساي اسج عن طاري الهوى وطيـوف غاليـه

لكن الوضع هو هو ما تغيـر والزمـان يشيـن
وحبك كل يـوم يزيـن فـي العيـن الشقاويـه

عسى ربـي يعافينـي ولا يبـلاك قـول آميـن
تراني كنـي اللـي واطـي لـه جمـرة ٍ حيـه

وتراني يوم كلمتك فديتك عقـب تسـع سنيـن
مـا غيـر اهيـض العبـرات ولا النيـه النيـه




الشاعر: ضيدان قضعان

[كلاش تمير]

انتقاء موفق
يعطيك العافيه

[توأم الجود]

في عالم الشعراء ؛ يقولون قصيدة كتبها عفريت من الجن ؛ لمدح القصيدة و صعوبتها ؛ او حقيقتها

هذه احد قصائد عفاريت الجن ؛ ان صح الوصف

رسمت حال الكثير من عشاق ( القوانين السعودية ) ؛ تماما ؛ و كأنه معهم ؛؛ و كانه العفريت

___________________
عفى الله عن ملذات الهوى والعشق والتخميـن
وسجـات الغـرام ولــذة الـحـب الحقيـقـة

فديتك يوم تاخذني على كيفـك ولا ادري ويـن
معك من وين ما ذعـذع هـواك ومالـت الفيـه

غدينا كنك الشاعر وانـا واحـد مـن الغاويـن
نهيـم بـكـل واد مــن العلـيـا للعزيـزيـة
_______________

اختي الوفاء ؛ اختيار موفق و ذائقة مميزة ؛؛

تحياتي

[» اِلـَوَفْآءْ بـِنْـتْ]

انتقاء موفق
يعطيك العافيه

نورتّ أخي بـ حضورك .. 🌹

[سُلاَفْ القَصِيدْ]

لكن الوضع هو هو ما تغيـر والزمـان يشيـن
وحبك كل يـوم يزيـن فـي العيـن الشقاويـه

عسى ربـي يعافينـي ولا يبـلاك قـول آميـن
تراني كنـي اللـي واطـي لـه جمـرة ٍ حيـه

الله ع هــ آلآبيات وجمالهآ
آنتقآء رآئع وذووق عالي سلمت آلآيادي ..

[» اِلـَوَفْآءْ بـِنْـتْ]

في عالم الشعراء ؛ يقولون قصيدة كتبها عفريت من الجن ؛ لمدح القصيدة و صعوبتها ؛ او حقيقتها

هذه احد قصائد عفاريت الجن ؛ ان صح الوصف

رسمت حال الكثير من عشاق ( القوانين السعودية ) ؛ تماما ؛ و كأنه معهم ؛؛ و كانه العفريت

___________________
عفى الله عن ملذات الهوى والعشق والتخميـن
وسجـات الغـرام ولــذة الـحـب الحقيـقـة

فديتك يوم تاخذني على كيفـك ولا ادري ويـن
معك من وين ما ذعـذع هـواك ومالـت الفيـه

غدينا كنك الشاعر وانـا واحـد مـن الغاويـن
نهيـم بـكـل واد مــن العلـيـا للعزيـزيـة
_______________

اختي الوفاء ؛ اختيار موفق و ذائقة مميزة ؛؛

تحياتي


حيآك الله أخي توأم الجود .. وأسعدنيّ حضوركّ المميز .. الله يسعدك .،
لآخلا ولاعدم ،

[» اِلـَوَفْآءْ بـِنْـتْ]

لكن الوضع هو هو ما تغيـر والزمـان يشيـن
وحبك كل يـوم يزيـن فـي العيـن الشقاويـه

عسى ربـي يعافينـي ولا يبـلاك قـول آميـن
تراني كنـي اللـي واطـي لـه جمـرة ٍ حيـه

الله ع هــ آلآبيات وجمالهآ
آنتقآء رآئع وذووق عالي سلمت آلآيادي ..

الأجمل هو حضورك أختي الراقيه ،
لآهنتي ،

[النادر]

وتراني يوم كلمتك فديتك عقـب تسـع سنيـن
مـا غيـر اهيـض العبـرات ولا النيـه النيـه

قصيدة رائعه جدا لشاعر مميز
والشاعر ضيدان بن قضعان تكفي منه قصيدة (ياعظيمه )
عافاك الله يالوفاء والصدق تحتار في ابيات هالقصيدة من جمالها وتصوير احداثها بدقة

[» اِلـَوَفْآءْ بـِنْـتْ]

وتراني يوم كلمتك فديتك عقـب تسـع سنيـن
مـا غيـر اهيـض العبـرات ولا النيـه النيـه

قصيدة رائعه جدا لشاعر مميز
والشاعر ضيدان بن قضعان تكفي منه قصيدة (ياعظيمه )
عافاك الله يالوفاء والصدق تحتار في ابيات هالقصيدة من جمالها وتصوير احداثها بدقة





الأجمل هو تواجدك الجميل أخي النادر .. الله يعافيك ويسعدك على هـ الحضور
لاهنت ،

[أبـوحـمـد]

الوفاء بنت لا تكتبين غير الشعر والشعر الجميل
يعطيك العافيه يا المبدعه
ادام الله هذا الابداع وتسسلم الايادي ,,,

[» اِلـَوَفْآءْ بـِنْـتْ]

الله يسعدك يّ الطيب .. شهادة أعتز بهآ من مبدع ،
الف شكر لـ حضورك
ولآهنت ،