دمعة فراق

[العالمي]

ياغايبة مادامك اخترتي البين
واقفلتي ابواب الغرام ورحلتي
مااقول لك عودي ورحتي على وين
لكن تعالي اهمسك لو سمحتي
كيف استحليتي دموع المسيكين
وعلى غلاف مفارقك وش كتبتي
وين العهد واحلامنا والدواوين
وين الغلا ودموعك اللي نثرتي
والله لوك تسألين الشرايين
او تدخلين بخافقي لاعتبرتي
والا افهمي كلمة قبل لاتروحين
هذا اذا عندك شعور وفهمتي
انا بعد ضيعت كل العناوين
وصبرت مادامك ببعدي صبرتي
لكن قسم بالله ياشيخةالزين
مايسكن بقلبي احد غيرك انتِ
لك صورة مرسومة داخل العين
لو ينمسح نور البصر ماانمسحتي

[&بنت تمير&]

جممممميل ماخطته المشاعر هنا 🌹

سلمت يمناك اخوي عالقصيدة الحزينه 💔💔

[» اِلـَوَفْآءْ بـِنْـتْ]

صح لسآنك ،
وسلمتّ على هـ الأبيآت .. !
لآهنت ،

[سُلاَفْ القَصِيدْ]

آبيات جميله ..
صح لسآنك وسسلمت يمنآك ...