الحنظله لو هي على شاطي النيل زادت مرارتهـا القديمـه مـراره

[النادر]

شعرٍ مثـل يافاهميـن التماثيـل
كلٍ يجي شعره بحسـب اقتـداره

من عاش ينظر بالسنين المقابيـل
يذوق من عقب البـروده حـراره

الطيب يخلق من قلوب الرجاجيـل
ماهوب في بنك التجـاره تجـاره

والرزق من عند الولي بالتساهيل
ماهـوب بالقـوه ولا بالشطـاره

من عاش في حيله وكذب وتهاويل
ياسرع من عقب الطلوع انحـداره

والشور ماينفع قلـوب المهابيـل
كالزند وان حرك تطايـر شـراره

لو تامره بالعدل يعرض عن الميل
يمشي على رايه بربح وخسـاره

والطبع ماينـزال غيـره ابتبديـل
مثل الجدي مرساه ليلـه نهـاره

والحنظله لو هي على شاطي النيل
زادت مرارتهـا القديمـه مـراره

هـذا مثـل يافاهميـن التماثيـل
كلٍ يجي شعره بحسـب اقتـداره

[» اِلـَوَفْآءْ بـِنْـتْ]

الله عليك أخي النآدر ،
آحترت وش آقتبس ، كل بيت أجمل من اللي قبله ،
ذائقة مترفه ،
لاتحرمنآ لآهنت ،

[سُلاَفْ القَصِيدْ]

الطيب يخلق من قلوب الرجاجيـل
ماهوب في بنك التجـاره تجـاره

والرزق من عند الولي بالتساهيل
ماهـوب بالقـوه ولا بالشطـاره

من عاش في حيله وكذب وتهاويل
ياسرع من عقب الطلوع انحـداره

ابيآت من ذهب .. ابدعت بـ آختيار القصيدهه
سلمت يمناك وصح لسان شاعرها ..ولآتحرمنا جديدك ... كل الشكر لك ..

[النادر]

الله عليك أخي النآدر ،
آحترت وش آقتبس ، كل بيت أجمل من اللي قبله ،
ذائقة مترفه ،
لاتحرمنآ لآهنت ،

حيا الله اختي الوفاء وعلى الرحب والسعه
شكرا لهذا الحضور الجميل لاعدمنا تواجدك

[النادر]

الطيب يخلق من قلوب الرجاجيـل
ماهوب في بنك التجـاره تجـاره

والرزق من عند الولي بالتساهيل
ماهـوب بالقـوه ولا بالشطـاره

من عاش في حيله وكذب وتهاويل
ياسرع من عقب الطلوع انحـداره

ابيآت من ذهب .. ابدعت بـ آختيار القصيدهه
سلمت يمناك وصح لسان شاعرها ..ولآتحرمنا جديدك ... كل الشكر لك ..

هلا بأختي الراقيه وعلى الرحب والسعه
شكرا لحضور والتشريفك والله يحييك اليوم ودوم