الحجاج السمح والكف البخيل

[النادر]

ياصاحبي غابت على الشمس بأطراف النخيل
وامسيت اشوف الباسقات اللي تميل عذوقها

وانا على بشت حساوي..لا قصير ولا طويــل
والمزنه الغرا على راسي تلوح بروقهـــا

والعالم الله يدرك العطشان منهاسلسبيل
ولا يوقف يومه الموعــود قــبل يذوقهــا

ياصاحبي.ياناس.ياللي فوق.ياللوزن الثقيل
لد النظر للعالم اللي ماتبل حلوقهــا

والعمر مرة.والقلوب البيض ماتبغى دليل
والناس إذا طابت نواياها..تطيب وفوقهـا

لو كل من سمى{نبيل}يصير مثل اسمه{نبيل}
سميتها{ليلى}على ليلى..وانا معشوقهــا

كذا..كذا..يا(حرفة التمويه في نعش القتيل)
يا صاحبي غمض عيونك وادفنه في موقها

وانا تعبت من:{الحجاج السمح والكف البخيل}
ولاعاد عندي حل أعالجها واخيط فتوقها

صحيح أنا ممكن اسويها..واسوي المستحيل
لكن رجلي في هوى نفسي ماعــاد اسوقهــا

وشلون ابرر موقفي واجزا جميلك بالجميل
وانا يديني في فم الحيه..ورجلي فوقهــا

[» اِلـَوَفْآءْ بـِنْـتْ]

والعمر مرة والقلوب البيض ماتبغى دليل
والناس إذا طابت نواياها..تطيب وفوقهـا

الله عليك وعلى جمال ذائقتك أخي النادر ،
لاهنت

[سُلاَفْ القَصِيدْ]

آخترت فــ آجدت
سلمت آلآيادي اخي النادر ع هذه الرآئعه ..

[النادر]

والعمر مرة والقلوب البيض ماتبغى دليل
والناس إذا طابت نواياها..تطيب وفوقهـا

الله عليك وعلى جمال ذائقتك أخي النادر ،
لاهنت
عافاك الله اختي الوفاء والجمال هو تواجدك وطرائك

[النادر]

آخترت فــ آجدت
سلمت آلآيادي اخي النادر ع هذه الرآئعه ..

سلمتي اختي الراقيه حضورك هو الرائع
بارك الله فيك ووفقك