سهلة على من كان مثلك وشرواك ( مثل الثياب يغيرّون المبادي )

[» اِلـَوَفْآءْ بـِنْـتْ]

،‘



نسيتني علّمني شْلون أبـ انساك
.................... في هالزمن نسيان الاحباب عادي

وشلون لامرّت على البال ذكراك
...................... وطيفك سرق مني لذيذ الرقادي

وشْلون لاقالوا لي الناس وش جاك
..................... من كنت في لّذة منامك تنادي

وشْلون اعيش اللي بقالي بليّاك
..................... لا من غدينا كل واحد بوادي

لو قلت اداوي جرحي اللي تباطاك
..................... ماكلّ جرح يْفيد فيه الضمادي

اعلنت حبك لين كل تمناك
..................... غلطة وغيري من خطاي استفادي

لو لي مثل قلبك تمنيت فرقاك
...................... واكيد قبلك بالجفا صرت بادي

حلوه عذاريبك وحلوه مزياك
...................... حتى بيوم (فراقنا) كنت هادي

كنّ الليالي ودها تكسب رْضاك
...................... وأنا يطول مْع الليالي جهادي

في ذمتي .. ماهي غريبة خطاياك
...................... مبطي وقلبك لو تنبّهت غادي

سهلة على من كان مثلك وشرواك
...................... ( مثل الثياب يغيرّون المبادي )

علمني اكره ذكرياتك وطرياك
...................... وانسى من الليله صدوق الودادي

ولاني بقايل عقبها وين اب القاك
...................... راضي لو ان جروح قلبي جدادي

ولاّ القصايد جعلها من فداياك
...................... لبّستها مبطي ثياب الحدادي

باكر على المخطي يدورنّ الافلاك
...................... ونشوف من يصعب عليه البعادي







للشـآعر : متعَبْ التركي

عودهّ منْ جديد ، أتمنى ترتقي لذآئقتكمَ ،

[النادر]

ولاني بقايل عقبها وين اب القاك
...................... راضي لو ان جروح قلبي جدادي

ولاّ القصايد جعلها من فداياك
...................... لبّستها مبطي ثياب الحدادي

قصيدة جزلة اختيار رائع
الله يوفقك وبنتظار الجديد

[» اِلـَوَفْآءْ بـِنْـتْ]

الآروع من هـ القصيدة حضورك المشرف آخي النآدر ،
لآهنت ،