حرب البعيد يوحد الصف يا حمود

[النادر]

حرب البعيد يوحد الصف يا حمود
بس البلا يا حمود حرب القرابة

اللابة اللي بينها الهرج موجود
اشهد شهادة حق ماهي بلابة

هرج القفا بالناس عيبٍ ومنقود
كلمة وتكبر لين تصبح طلابة

يبلش بها العاقل من افعال مقرود
الجاهل اللي ما يحسب حسابه

والبيت لا شيد على كذب وجحود
مهما كبر يرجع على اصله خرابه

الجود ماكلٍ ترى يقدر الجود
وإلا الردى يا حمود مفتوح بابه

يا حمود ما خنا مواثيق وعهود
لا والذي للناس نزل كتابه

ادمح خطا مساعد على شان مسعود
اسكت حيا ماهو بخوف ومهابة

والصبر له حكمة وله وقت وحدود
اصبر على العجة برجوى سحابة

ومن لايعشق المجد مايكسب الفود
هذاك خبلٍ و ساتراته ثيابه

حرب البعيد يوحد الصف يا حمود
بس البلا يا حمود حرب القرابة

[سُلاَفْ القَصِيدْ]

والصبر له حكمة وله وقت وحدود
.............اصبر على العجة برجوى سحابة
ابيات رائعه سلمت ع الاختيار والذوق الجمييل ..

[النادر]

والصبر له حكمة وله وقت وحدود
.............اصبر على العجة برجوى سحابة
ابيات رائعه سلمت ع الاختيار والذوق الجمييل ..

سعيد بتواجدك اختي الراقية
والله يعافيك يارب

[هذا انا]

ابيات جميله .. وشكرا لك على الاختيار المميز ..

[النادر]

ابيات جميله .. وشكرا لك على الاختيار المميز ..


حياك الله اخوي الباهي على الرحب والسعه سعيد بتواجدك واطرائك