تسجيل الدخول

مشاهدة النسخة كاملة : انا اكتب لجل من يقراولا ارجي من يقول ابداع

السنافي
13 / 04 / 2006, 02 : 01 PM
يقولون العرب صــدر الشمالي .. مايضيق بساع=وانا اقول الصدور اليوم .. ماعادت شمــاليه



بدت في داخلي ضيقه عجزت القالها مطـلاع =تغيب . وترجع .. وترجع تغيب ... ومالــــها نيه


عمتني كلمة ٍ جتني . وضقت .. وضاق صدر القاع=الا يالله لاتجزى غشيم ٍ .. قالـها فيــــّــه



لهو صفاع .. ياربي .. ولاهو للعرب نفــــاع =بلاني وابتلى حاله ... وبعض الناس مــــبليــه



نهيته قبل هالمره .. يخلي سيرتي .. مـاطاع =الا يالعنبو جــد القصيد .. ولعنبو بيه



ضعيف النفس ( نسونجي ) يشوف بعينه الاطباع =يحسبني مثل ربعه .... يسوق بضاعته ليه


انا اشري .. لابغيت اشري .. ولاني مساوم البياع =الى من قاللي ميـه .. عطيته فوقها ميه

انا اكتب .. لجل من يقرا .. ولا ارجي من يقول ابداع =وابد لاتحسبن مثلك يشكلي أهمـيه



ترى ياهيه .. لامني نويتك .. بس اطـق اصـباع=يجيني الف شيطان ... ووراهم الف جنـيــه



أجرك من طرف حرفك .. وارد الصــاع مية صاع =جنون القاف ارقصها ... على راسك .. هجائيه


يويلك لو توليتك .. وربي .. مالك الشـفاع =يجيك من القصيد .. احسب ...... 300 ،،، 300


ولكن .. خلك بحالك .. مادام ان الصدور وســـاع =ترى للحــين ماضاقت ولسعها .. شمـــاليه

خلف المشعان العنزي
سحايب صيف
13 / 04 / 2006, 04 : 02 PM
انا اشري .. لابغيـت اشـري .. ولانـي مسـاوم البيـاع
الـــى مـــن قـالـلـي مـيــه .. عطـيـتـه فـوقـهـا مــيــه

انا اكتب .. لجل من يقرا .. ولا ارجي من يقول ابداع
وابـــــد لاتـحـســبــن مــثــلــك يـشـكــلــي أهــمــيــه


هنا


للروعه مداد


قد تطال عنق القصيده التي تسامت بالعذوبه والابداع

الى مدارات المداد دوماً اجد الجزاله مصاحبه حرفك


ولكن هنا



وهنا فقط


الروعه والابداع والتميز والتفرد بتوقيع


::: الــســـنـــافــــي :::


يسلم الذوق والاختيار الموفق للقصيده


عساك على القوة

وننتظر جديدك بكل الشوق


دمت بود



.
المصمم
15 / 04 / 2006, 51 : 05 AM
تسلم الانامل
قصيده رائعة واللى اروع منها انت يالسنافي
دائما متالق ومبدع الله يعطيك العافيه
تقبل احترامي وتقديري
الجنوبي 2000
15 / 04 / 2006, 32 : 08 PM
صــــــــــــــــــــــــــــح لسانك يا السنافي ونقل مميز
عصي الدمع
18 / 04 / 2006, 49 : 01 PM
موفق دائما في الاختيار يالسنافي

والقصيدة محبوكة حبك

ومني اطيب تحية