مشاهدة النسخة كاملة : تحت دائرة الضوء مع النجم المتالق زعيم المنتدى مخاوي تمير
الجنوبي 2000
12 / 04 / 2006, 26 : 07 PM
بسم الله الرحمن الرحيم
:h8:
حيا الله اعضاء منتدى تمير ونرحب بكم في اول حلقات زاوية تحت دائرة
الضوء في ساحة المرح والترفيه وهي عباره
عن استقبال ضيف ويلقيه عليه الاعضاء اسئلة وهو يرد عليهم لمدة اسبوع فقط واتمنى من الاخوان عدم
الاسئلة المحرجه واي سوال لايريده الضيف يقول لا تعليق وامنى من الاخوان المساعده معنا
ويسئل اقل من ثلاث اسئله في الرد الواحد ونبدا اليوم بالضيف وهذا نبذه عنه
:88:
اليوم نقدم فيه نجم سطع في منتدى تمير وابدع وتالق وخدمه من جميع
الجهات يحب الجميع كثير الجدل طيب القلب لها وقفات مع المنتدى وقدم اروع مهرجانات تمير
ونقلها الينا ويشكر عليها واسف على القصور
انه النجم
:101:
زعيم المنتدى
:h5:
مخاوي تمير
الجنوبي 2000
12 / 04 / 2006, 48 : 07 PM
أول سؤال اليك يا مخاوي تمير هو البطاقة الشخصيه دون الاسم باللقب
توأم الجود
13 / 04 / 2006, 02 : 12 AM
ياهوه
الزعيم تحت المجهر
والله حركة
اجل الله يعينك على الاسئلة :
1- من العضو الذي تتمنى ان تتعرف عليه و لم تستطع ؟
2- ماهي اول الساحات التي تتوجه لها مع اول دخول للمنتدى ؟
3 - وزير تتمنى ان يستمر في وزارته ؟
عاد يقول الغالي الجنوبي مافيه اكثر من ( 3 ) اسئلة
تحياتي
سحايب صيف
13 / 04 / 2006, 35 : 12 AM
http://www.al-wed.com/pic-vb/136.gif
..يسعد مساكـ ..
:h2: ياالجنوبي 2000 :h2:
والله يعطيك العافيه على هاالمشاركه الرائعه وتسلم يمينك ياالطيب
وعندي لضيفنا سؤالين ...
.. أخ ..
... مخاوي تمير ...
يسعد الله مساك
سؤالي الاول يقول ...
* من العضو اللي تحس انه قريب من نفسك ؟
وسؤال الثاني ...
* من العضو اللي تحس ان المنتدى لا يستطيع ان يستمر بدونه ؟؟
وشاكره لك جهودك المبذوله اتجاه المنتدى
ونتمنى لك التوفيق والتميز في جميع امورك
:h2:
http://www.al-wed.com/pic-vb/136.gif
اسير الصمت
13 / 04 / 2006, 53 : 01 AM
[الف الف الف شكر على العبه الممتازه الجيده وفقك الله يا الجنوووبي ..........اخوك اسير الصمت
السوأل يقول :مالحكمه من تسميتك (مخاوي تمير)....ومن هو اسوء عضو ؟
مخاوي تمير
14 / 04 / 2006, 24 : 12 AM
في البداية اشكر الاخ الجنوبي غير
على وضعي تحت المجهر من البدايه
البطاقة ياطويل العمر هي :
الاسم / خالد بن عبدالله
العمر / في بداية الشباب
العمل / موظف حكومي
اللقب المحبوب لدي / ابو عبدالعزيز
مخاوي تمير
14 / 04 / 2006, 33 : 12 AM
ياهوووووووووه توام الجود وراي وراي
اسلم تامر امر ياذيب المنتدى
1- من العضو الذي تتمنى ان تتعرف عليه و لم تستطع ؟
الدبلوماسي
2- ماهي اول الساحات التي تتوجه لها مع اول دخول للمنتدى ؟
الساحة الرياضية عشان الحلو اللي فيها
3 - وزير تتمنى ان يستمر في وزارته ؟
وش شايفني اتابع الوزارات ( اللي فية الخير والبركة لهذا البلد )
اشوى انها ثلاث اسئلة كان جبت العيد
مخاوي تمير
14 / 04 / 2006, 38 : 12 AM
الاخت المطيريه الف شكر لترحيبك فيني
والف شكر لمرورك على هذا الموضوع
* من العضو اللي تحس انه قريب من نفسك ؟
وهل يخفى القمر انا روحي وعقلي كلها متعلقه فيه (( النادر ))
* من العضو اللي تحس ان المنتدى لا يستطيع ان يستمر بدونه ؟؟
ذيب المنتدى وشعلته الغالي توام الجود
مخاوي تمير
14 / 04 / 2006, 45 : 12 AM
هلا اسير الصمت
1 / مالحكمه من تسميتك (مخاوي تمير)
الحكمة اني ماافكر ولو 1% اني اكون بعيد عن تمير
فخويت هذه الديرة بقلبي وعقلي وروحي وجميع احاسيسي
2 / ومن هو اسوء عضو ؟
الذي يسئى الى نفسه والى اهل ديرته وجماعته
صـ التاريخ ـدى
14 / 04 / 2006, 59 : 06 AM
مشكور اخوي الجنوبي
على استضافة النجم الغالي
مخاوي تمير
س1/ ماهو العضو الذي يعجبك أسلوبة في الطرح ؟
س2/ اطرف موقف مر عليك ؟
س3/ماذ يعني لك منتدى تمير؟
الجنوبي 2000
14 / 04 / 2006, 28 : 01 PM
حيا الله الاخوان وفيه ايضاح انا اقول في الرد الواحد لايزيد عن ثلاث اسئله يعني اذا جاوب الضيف يسئله مره ثانيه وله الحرية في الاسئلةبس يكون في رد ثاني ارجو انكم فهمتوني
سوالي اليك يا الزعيم
مغاط جابر طول شوي في الايقاف وهل انكم تزيلون الايقاف عنه انا داري انها امور اداريه بس متى تزيلون الايقاف عنه لان الرجال انشاء الله استفاد من الايقاف ولك الشكر
الكايد
14 / 04 / 2006, 42 : 01 PM
موضوع ممتاز وشيق ويستاهل مخاوي تمير
الاسئلة كثيره بس نبي نطلع بعض الخفايا يابو عبدالعزيز
* سمعت انك يابو عبدالعزيز لاتشاهد مباريات الهلال الحاسمه ! لماذا ؟
* ابو عبدالعزيز جهودك بالمنتدى واضحه وقد اقول انت من اشهر
منتدى تمير بالتغطيات الفعاله ... ماذا استفدت من هذه التغطيات وماذا اعطتك ؟
* رغم معرفتي بك خارج المنتدى وطيبتك والاريحيه التي تقابل بها الناس بتمير
يلاحظ عليك العصبية والنرفزة السريعة بالمنتدى وعدم تمالك اعصابك هل هنالك اسباب ؟
توأم الجود
14 / 04 / 2006, 43 : 11 PM
هين يامخاوي تمير
مستانس ان الاسئلة ثلاثه فقط ( ابشرك يقولون لي الحق في كل رد بثلاثه اسئلة )
يالله انت الان في قاعة الامتحان و الغش ممنوع ( و سكر الدفتر و الكتاب و لا تناظر زميلك ) :
1- هل سوف تحقق طلبي الذي سوف اطلبه منك ؟
2- من العضو اللي سوف تدعوه يوم الاحد القادم لتناول العشاء عندك ؟ ( عاد انت فكر الاحد وش فيه )
3- مشروع تتمنى ان ينفذ في منتدى تمير ؛ تتوقع ان يكون ذو فائدة للمنتدى لكنه لم يجد القبول ؟
وتراني جايك بالاسئلة ( خلك جاهز و ذاكر زين )
تحياتي
مخاوي تمير
15 / 04 / 2006, 26 : 05 PM
هلا ورحب بصدى التاريخ حياك الله
هذى الساعه المباركه اللي شفناك فيها
س1/ ماهو العضو الذي يعجبك أسلوبة في الطرح ؟
ومن غيره الذيب ( الله يخليه لنا )
س2/ اطرف موقف مر عليك ؟
مر على بالبيت وتقهو وابشر باللي يخليك تمون من الضحك
س3/ماذ يعني لك منتدى تمير؟
يعني لي انه هو كل شي فقد اعتزلت جميع المنتديات من اجله
مخاوي تمير
15 / 04 / 2006, 34 : 05 PM
مغاط جابر طول شوي في الايقاف وهل انكم تزيلون الايقاف عنه
انا داري انها امور اداريه بس متى تزيلون الايقاف عنه لان الرجال
انشاء الله استفاد من الايقاف ولك الشكر
هلا للمره الثانيه اخوي الجنوبي
الاخ مغاط جابر من الاشخاص الطيبين وسمح لنفسه
بان يرتكب حماقه اكبر بان يتلفظ ويتكلم بدون اسباب
وعلى اقرب الناس له وقد كان موقوف قبل هذه المره ولم يستفد
وللمعلوميه انه يشارك معنا فماله داعي نفتح موضوعه مره ثانيه
فاعطيت له فرصه ثانية للمشاركه باسمه الاخر وهو تحت الملاحظه
مخاوي تمير
15 / 04 / 2006, 50 : 05 PM
هلا وغلا بالكايد
* سمعت انك يابو عبدالعزيز لاتشاهد مباريات الهلال الحاسمه ! لماذا ؟
اههههههههههه ياهو انت مجرم وش عرفك ومن تكون لاتكون من الجماعة
* ابو عبدالعزيز جهودك بالمنتدى واضحه وقد اقول انت من اشهر
منتدى تمير بالتغطيات الفعاله ... ماذا استفدت من هذه التغطيات وماذا اعطتك ؟
الحمدلله والشكر له على وصول منتدى تمير للجميع
فقد استفدت معرفة رجال لم تكن لي علاقه بهم وهم الان من اعز الناس
وقد اعطتني حب الناس لي
* رغم معرفتي بك خارج المنتدى وطيبتك والاريحيه التي تقابل بها الناس بتمير
يلاحظ عليك العصبية والنرفزة السريعة بالمنتدى وعدم تمالك اعصابك هل هنالك اسباب ؟
عزيزي انا اعترف باني عصبي بس والله مااروح بعيد
ولا احمل بقلبي اي شي لاي كان
وصدقني لاتواجد اي اسباب بس
( عنتريه تجي وتزول بسرعه الله يفكني منها )
مخاوي تمير
15 / 04 / 2006, 04 : 06 PM
الذيب تراني والله لااغثك بالاسئله (( واحد خايف ))
تامر امر يالذيب اسئل وانا اجيبك
1- هل سوف تحقق طلبي الذي سوف اطلبه منك ؟
شف يالذيب انت تامر امر ولو تبي ..............
بس اوعى تطلب اللي انت خابره
والباقي اعتبره تحت امرك
2- من العضو اللي سوف تدعوه يوم الاحد القادم لتناول العشاء عندك ؟ ( عاد انت فكر الاحد وش فيه )
شف يالذيب اذا الهلال فايز ابشر بعد المباراه عشاء يحبه قلبك
((( يعني افهمها مافيه امل اجلس مع احد يوم المباراة )))
انا اصيدك مو انت تصيدني .................
3- مشروع تتمنى ان ينفذ في منتدى تمير ؛ تتوقع ان يكون ذو فائدة للمنتدى لكنه لم يجد القبول ؟
والله عندي مشروع بس قد يكون فيه احرج لبعض الاشخاص
وهو استضافة كبار السن ومحاورتهم بالصوت والصورة
لمناقشتهم بامور تمير القديمه مع بعض القصص .....
ابو ياسر انا يكفيني وجود معرفك بموضوعي
فانت الانسان العالي فكيف بمرورك
اسئل ثم اسئل اللين اقول استسلمت
توأم الجود
16 / 04 / 2006, 20 : 01 AM
الذيب تراني والله لااغثك بالاسئله (( واحد خايف ))
تامر امر يالذيب اسئل وانا اجيبك
1- هل سوف تحقق طلبي الذي سوف اطلبه منك ؟
شف يالذيب انت تامر امر ولو تبي ..............
بس اوعى تطلب اللي انت خابره
والباقي اعتبره تحت امرك
ابي موافقه مو مشروطة و الا ماراح اطلب >> طرار و يتشرط
2- من العضو اللي سوف تدعوه يوم الاحد القادم لتناول العشاء عندك ؟ ( عاد انت فكر الاحد وش فيه )
شف يالذيب اذا الهلال فايز ابشر بعد المباراه عشاء يحبه قلبك
((( يعني افهمها مافيه امل اجلس مع احد يوم المباراة )))
انا اصيدك مو انت تصيدني .................
( يالزعيم قلنا و المباراة تنلعب لا تتهرب )
3- مشروع تتمنى ان ينفذ في منتدى تمير ؛ تتوقع ان يكون ذو فائدة للمنتدى لكنه لم يجد القبول ؟
والله عندي مشروع بس قد يكون فيه احرج لبعض الاشخاص
وهو استضافة كبار السن ومحاورتهم بالصوت والصورة
لمناقشتهم بامور تمير القديمه مع بعض القصص .....
ماشاء الله مااتوقع فيها اي احراج بالعكس فرصة للمزيد من التواصل بين الحاضر و الماضي
ابو ياسر انا يكفيني وجود معرفك بموضوعي
فانت الانسان العالي فكيف بمرورك
اسئل ثم اسئل اللين اقول استسلمت
تولم باكر عندك اختبار جديد
دايم وسيع صدر و طيب يالغالي و الله انك فاكهة المنتدى
تحياتي
ملك روما
16 / 04 / 2006, 17 : 07 AM
السلام عليكم
بداية كل الشكر والتقدير لصاحب هذه الفكرة ..الجميلة والشيقه .
سؤالي للأخ العزيز ..أبو عبدالعزيز
لماذا لا تؤمن بالرأي والرأي الأخر ...في القضايا الرياضيه ؟؟
لماذا تضع مبداء (( أن لم تكن معي فأنت ضدي )) نصب عينيك الزرقاويتين ؟؟
تحياتي وتقديري ...لشخصكم الكريم
عصي الدمع
16 / 04 / 2006, 08 : 02 PM
الجنوبي تشكر على هالفكرة الطيبة والتي ستعيد للمنتدى ... تسجيل دخول ... دون خروج
واسئلتي لزعيم وقمة المنتدى ... ابو عبدالعزيز ...
مساك الله بالخير ... لكن اتمنى ان الهلال فايز اليوم عشان ترد على اسئلتي ... ولو اني نصراوي لكني
ما اشجع الاتحاد ... وان شاء الله نبارك للزعيم فوز الزعيم
س 1 ) رسالة توجهها الى شخص تحبه ( اعتذار - عتاب - تحية - حسب ما ترى ) على ان يكون من اعضاء
المنتدى
س 2 ) رقم عضويتك 4 من وجه الدعوة لك بالانضمام للمنتدى ؟
س 3 ) عضو تحب قراءة ما يكتبه من مواضيع ؟
الف مبروك فوز الهلال ( مقدما ) لاني متأكد - ان شاء الله- ان الاتحاد لن يهزم الهلال
وتحية عطرة
الجنوبي 2000
16 / 04 / 2006, 16 : 02 PM
مرحبا اخوي مخاوي تمير
السوال الاول
ما احسن مشرف ومشرفه عندك؟
السوال الثاني
ما رايك بسامي الجابر وبكل صراحة وهل تقارنه بالكابتن بماجد عبدالله؟
السوال الثالث
الاكله المفضلة لديك ؟
تقبل تحياتي
مخاوي الطير
17 / 04 / 2006, 35 : 06 AM
تحياتي اخوي العزيز مخاوي تمير اسعدني ان اول لقاء يكون معك والله يعينك على كثر الاسئله؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
1/ هل أنت ممن يقرءون في الآداب والثقافات الأخرى
وأي الكتب ترى فيها نفعاً؟
2/من منا لم يقف على محطات الفشل...فهل تأخذنا إلى محطات
تعثرت فيها خطواتك واستوقفتك قليلاً في مواجهه مع نفسك؟
3/ هل هناك سؤال تمنيت أن أسألك إياه؟
النادر
18 / 04 / 2006, 46 : 05 PM
اشكر لكم هذا الموضوع الشيق وسؤالي للغالي مخاوي تمير
اطرف اخر موقف مر عليك واين ؟ ارجو عدم التصريف
انت عارف ما اقصد
النادر
مخاوي تمير
18 / 04 / 2006, 46 : 05 PM
الغالي والعزيزابو ياسر
اطلب وانا تحت امرك
العشاء صار بس انت اللي تهربت :81:
صدقني انت فاكهة المنتدى
مخاوي تمير
18 / 04 / 2006, 58 : 05 PM
هلا وغلا بملك روما
لماذا لا تؤمن بالرأي والرأي الأخر ...في القضايا الرياضيه ؟؟
صدقني اني اؤمن بالرأي بس بعض النقشات هي التي تجلب
الشد فيها وتخرج عن الموضوع
لماذا تضع مبداء (( أن لم تكن معي فأنت ضدي )) نصب عينيك الزرقاويتين ؟؟
صدقني انك غلطان والدليل اني من ايد من يكون
تميراوي الرياض مشرف وهو كفئ لها والله انك ظالمني
مخاوي تمير
19 / 04 / 2006, 52 : 12 AM
هلا وغلا بهيمان تصدق معرفتك اقول منهو
هذا الرشيق وبطل الجري 5م اثاريه انت
هلابك وعز الله ورطنا ............
س 1 ) رسالة توجهها الى شخص تحبه ( اعتذار - عتاب - تحية - حسب ما ترى )
على ان يكون من اعضاء المنتدى
كل اعضاء منتدى تمير لهم كل الحب ولهم كل العتب
اين تفاعلكم اين ردودكم واين مشاركاتكم انتم من سيرفع
منتديات تمير عاليا وانتم من سيجبر الكل على الدخول
معنا بهذا الصرح الشامخ ...........
س 2 ) رقم عضويتك 4 من وجه الدعوة لك بالانضمام للمنتدى ؟
كان عندي خبر بافتتاح منتدى لتمير بس حرص
النادر هو من جعلني اسجل مبكرا
س 3 ) عضو تحب قراءة ما يكتبه من مواضيع ؟
ومن غيره ذيب المنتدى ( توام الجود )
مخاوي تمير
19 / 04 / 2006, 02 : 01 AM
هلا بالغالي الجنوبي
ما احسن مشرف ومشرفه عندك؟
ومن دون ادني مجامله ( الجنوبي / وتميراوي الرياض )
ماشاء الله تبارك الله مسوين حريقه بالمنتدى
مشرفه والله المطيريه عيني عليها بارده حماس وتفاعل
ما رايك بسامي الجابر وبكل صراحة وهل تقارنه بالكابتن بماجد عبدالله؟
عزيزي سامي لاعب له انجازات رائعه مع المنتخب ومع الهلال
اذا نظرنا الى الانجازات سامي يتفوق بمراحل وليس هنالك مقارنه
الاكله المفضلة لديك ؟
اذا انا بتمير ماغيرها الكبسة
واذا انا بالرياض الله يستر على الربيان المقلي
مع الحمص والسلطه الخضراء ومشروب السعودية
يمكن تقول ليش ماتاكل الربيان في تمير بعدين اقولك
مخاوي تمير
19 / 04 / 2006, 11 : 01 AM
هلا بمخاوي الطير
1/ هل أنت ممن يقرءون في الآداب والثقافات الأخرى
وأي الكتب ترى فيها نفعاً؟
انا قليل القراءه بس الكتب التي اشتريها تكون مقتطفات وخفيفة بالطرح
مثل الكاتب الاحيدب يعجبني وجميع كتبه لدي
واخر كتاب اقتنيته وهو مليء بالتحف الاثريه هو كتاب ( المصور البدوي )
2/من منا لم يقف على محطات الفشل...فهل تأخذنا إلى محطات
تعثرت فيها خطواتك واستوقفتك قليلاً في مواجهه مع نفسك؟
صدقت الشخص الذي لم يفشل لن ينجح والحمدلله لقد تجاوزت
الكثير من المحاولات الفاشلة
3/ هل هناك سؤال تمنيت أن أسألك إياه؟
نعم وهو ان لقبك مقارب لنفس المسمى
مخاوي تمير
19 / 04 / 2006, 20 : 01 AM
هلا وغلا بالنادر زارتنا البركه
اطرف اخر موقف مر عليك واين ؟ ارجو عدم التصريف
انت عارف ما اقصد
اهههههههههههههههه ( الله يرجك )
عشان خاطر عيونك راح اسردها
اليوم الصباح الساعه 11,30 قابلت احدى الاخوان عند اشارة
المرور وقمت وسلمت عليه وقمت اسئله عن احواله
الرجال شايل في قلبه علي ............ قال خلصت سلام وش تبي بعد
قلت سلامتك ...... خلنا نشوفك وتقهو عندي قال مانيب ( من وين طلعت مانيب )
قلت يهديك الله يارجال ..... قال انا رجال قبل ماتقهوى عندك ..... ولعت الاشاره
ماعاد شفته الا والدخنه شابه من الكفرات ............. حاطه بنمره ( مجهز الاول )
اههههههههههه وبس اههههههههههههه
والله لو يسمعها توام الجود كان يموت من الضحك
الجنوبي 2000
19 / 04 / 2006, 08 : 02 AM
مالومه شايف هلالي ههه
حيا الله اخوي مخاوي تمير ويالله معندي شغل ابسال لين ما اقول بس ولد عمي وامون
السوال الاول
لماذا لا تقول الصدق احيانا
السوال الثاني
لماذ لا تدخل ساحة المرح والترفية
السوال الثالث
هل انت محارب ؟؟؟؟ ولماذ سوا كانت نعم او لا ؟؟
توأم الجود
19 / 04 / 2006, 39 : 05 PM
الزعيم مخاوي تمير ؛؛؛؛
كثرت عليك بالاسئلة لكن اعتبره السؤال الاخير ؛
( لو خيروك بين تشجيع الزعيم و منتدى تمير ؛ ايهما ستختار ؟ )
ادري السؤال محرج لكن يالله فك عمرك
تحياتي
عصي الدمع
21 / 04 / 2006, 37 : 02 AM
ابارك لك فوز الزعيم على نادي الاتحاد ... وابارك لك الفوز بالكأس مقدما
واشكر لك متابعة الاسئلة والرد عليها بأسلوبك الجميل وتحملك ثقلها... وخاصة اسئلة
حبيبنا ... تؤام الجود ...
س ) لا ينكر احد جهودك يا مخاوي تمير في تغطية الكثير من المناسبات والانشطة مهما اختلفت
مستوياتها التفاعلية ... كيف يتم التنسيق بينك وبين الجهة المنظمة ؟؟؟ وهل وقعت في احراجات
بسبب اتصال او طلب حضور ؟؟؟ ياليت تعطينا واقعة ( خاصة اتصالات العالمي )
قايل لك ان اسئلة تؤام الجود غثيثة ... سؤالي اشو شوي ... خفيف وجوابه سهل
وتقبل اطيب تحية
الجنوبي 2000
21 / 04 / 2006, 22 : 03 AM
اخوي مخاوي تمير عندي سوال لان اخر يوم هو الجمعة ما عليش يا شباب ولد عمي وعلى كيفي هههههههههه
تراي امزح
مخاوي تمير
سوال لماذا انت لا تسلم وانت تسوق مع نظراتك الثاقبة
وشكرا اخر يقفل هو صباح السبت ويغلق هذا الحلقة مشكور
تميراوي الرياض
21 / 04 / 2006, 29 : 05 AM
الاخ الغالي على قلبي
س 1 لا تزعل مني يقولون انك ملقوف واي واحد يدخل في المستشفى غريب تلاحقه تبي تعرف منهو
وهذه الحادثه رأيتها انا بنفسي فلقد كنت في تمير مع مجموعه من الاصدقاء من اهل الرياض قبل فتره
وفيه واحد من الاعيال تعبان دخلوه الشباب المستشفى الصباح وانا كنت بعيد عنهم وانت ما غير تدور عندهم تبي تعرفهم 0
جااااااااوب من دون لف ودوران
الاخ الغالي توأم الجود ما قصر في الاسئله قال الي في الخاطر وزياده
الجنوبي 2000
22 / 04 / 2006, 10 : 07 PM
اشكر جميع الاخوان لتفاعلهم مع الحلقة الاولى من زاوية تحت دائرة الضوء