مسابقة الشعر الاولى ..

[السنافي]

:42:


الاخوه مرتادي ساحة الشعر

السلام عليكم ورحمه الله وبركاته

يسرنا أن نقدم لكم المسابقه الاولى للشعر الشعبي وطريقةالمسابقه هي

أن يقوم العضو بأرسال القصيده برساله خاصه لاحد مشرفي ساحة الشعر السنافي أو

الدبلوماسي خلال شهر من الان وبعد ذلك سوف تقفل المشاركات وسوف يتم بعدذلك وضع

موضوع مستقل ومثبت في ساحه الشعر لجميع القصائد ويرمز لكل قصيده برقم .مثال ( القصيده

رقم 1 , القصيده رقم 2) منعا ً للمحابة من أجل الاسم خلال التصويت,وبعد ذلك يكون هناك

تصويت لمده أسبوعين من جميع الاعضاء على أفضل قصيده , والقصيده الحاصله على المركز

الاول تثبت في ساحة الشعرويكتب أسم شاعرها و يوضع لها تصميم فلاشي بالصوت والصوره ...

شروط المسابقه :


1ـ أن لا تنقص القصيده عن 7 أبيات ولاتزيد عن 10 أبيات .

2ـ أن ترسل جميع القصائد برساله خاصه للسنافي أو الدبلوماسي .

3ـ أن تكون القصيده في أي غرض من أغراض الشعر كالغزل أوالحكمه أو غيره .

4ـ أن تكون القصيده موزونه ومقفاه .

5ـ أن تكون خلال شهر من الان .

6ـ أن تكون القصيده من العضو نفسه وليست لشاعر أخر .

7ـ لن يذكر أسم الشاعر إلا في القصيده الحاصله على المركز الاول فقط .


أمل من الاخوه الشعراء التفاعل في هذه المسابقه حتى نصل الى الهدف المنشود

بإذن الله والله ولي التوفيق ,,,,,

مشرفي ساحة الشعر السنافي و الدبلوماسي

[المدرس]

مشكوررررررررررررررر

وبارك الله خطواتك ونحن معك دائما

[توأم الجود]

كعادتك اخوي السنافي سباق للعمل لخدمة مدينة تمير و اهلها من خلال المنتدى

اتمنى ان تكون المسابقة ناجحه و ان كانت بوادر ذلك النجاح تجلت الان و صار النجاح مجرد وقت بتوفيق من الله

راح اسنع لك هاك القصيدة اللى تغطي على شعرك ( بس هاه انتبه تنسبها لك )

على العموم

بالتوفيق ان شاء الله

تحياتي

[ابوحمدتمير]

غاب القمر ليته مع الشمس ما غاب
وليت النجوم الي بدونه تغيبي

يا غايبٍ عني ترى للهوى باب
وأغلقت بابه يوم جيتك حبيبي

جرحتني جرحٍ له سنين ما طاب
عذبتني وأنا من أهلك قريـبي

الدمع من عقبك على الخد ينساب
والقلب من صدك يجي له لهيبي

من أول عندك قبل تلبس حجاب
نلعب ونضحك وإن سألتك تجيبي

واليوم رحت ولا بقى عقبك أحباب
والزين عندي صار شكله غريـبي

يا صاحبي معذور لو قلت كذاب
والله عليم بجرحي الي يشيبي

كتمت حبي وأحسب القلب ما خاب
وأثر الغزال اللي أحبه يهيبي

عشق البنيه يا عرب عاشق لعاب
وإلا الرجل لا حب حبه صعيبي

خسران منهو للهوى ما بعد تاب
يذكر حبيبه لين شمسه تغيبي
له كماله ولكنكم لا تريدون الا عشره ولكم خالص تحياتي علماً انه على لحن الفنان خالد عبدالرحمن وشكرا لكم ابوحمد 2 من تمير :44:

[ابوحمدتمير]

غاب القمر ليته مع الشمس ما غاب = وليت النجوم الي بدونه تغيبي

يا غايبٍ عني ترى للهوى باب = وأغلقت بابه يوم جيتك حبيبي

جرحتني جرحٍ له سنين ما طاب = عذبتني وأنا من أهلك قريـبي

الدمع من عقبك على الخد سكاب = والقلب من صدك يجي له لهيبي

من أول عندك قبل تلبس حجاب = نلعب ونضحك وإن سألتك تجيبي

واليوم رحت ولا بقى عقبك أحباب = والزين عندي صار شكله غريـبي

يا صاحبي معذور لو قلت كذاب = والله عليم بجرحي الي يشيبي

كتمت حبي وأحسب بدير ما خاب = وأثر الغزال اللي أحبه يهيبي

عشق البنيه يا عرب عاشق لعاب = وإلا الرجل لا حب حبه صعيبي

خسران منهو للهوى ما بعد تاب = يذكر حبيبه لين شمسه تغيبي

الحب لا جاء ما يجي كله عتاب = مره يصيب وعشر فيها يخيبي

يا زين يالي ملحك اليوم ما ذاب = لا بد ما ترجع وأنا لك أجيبي
الشاعر / احمد التميمي

[ابوحمدتمير]

يا بوي ضاقت علي أرض السعوديه = والهم من زود حبه ما يخليني

مضت سنين علي ما شفت حوريه = والنور من عقبها ما شافته عيني

أذكر زمان مضى في روحه وجيه = وأبكي على حالتي وأقول وشفيني

أحب ذاك القمر ميه على ميه = ولو زاد فيه الغلا لا شك مرضيني

أشكي على حالته من هو حواليه = وأقول من شافها يسرع يناديني

يا ليتني شفتها لو عقب عصريه = ولا ضاق صدري تجي عندي تسليني

من عقبها صرت من بين العزوبيه = أقاسي ا لهم وإبكي من يداويني

ما ترحمي حالتي تكفين يا بنيه = وأنا صغيرٍ وعمري دون عشريني

الحب قالوا ثلاث سنين وشويه = وأنا ثمان مضت ما هوب نسيني

كتبت فيك الشعر وأتعبت يديه = وأنت بكلمه هلا ما قلته فيني

يا زين والله بنات في السعوديه = جمال وأخلاق ومكملهن الديني

جمالهن ما وصف في زين سوريه = ولا ذكر في مصر دار المحبيني

قلته وأنا عاشقٍ بنت تميميه = مستورتٍ بالحياء والطيب والزيني

يارب ترحمني وتصلح لي النيه = وتجمع قلوبنٍ تحب من عدة سنيني
الشاعر / أحمد التميمي

[ابوحمدتمير]

ارجو منكم التكرام ونشرها في منتديات تمير وشكرا لكم ...