رد على شيلة (( الكاب ))

[العالمي]

انا امس العصر عديت في عالي المرقاب
الا ليت راع الكاب ماجاب طاريه
تعوذ من الشيطان ياللي عشقت الكاب
وياليت ماطريت رمز السعودية
نظمت القصيدة مندفع ماحسبت حساب
ويلعب بك الشيطان من دون ماويه
حفيدالشرف وراك حولت للمغراب
وخضرا الدمن فيها الاحاديث مرويه
ترى الزين ماهو يامحمد مع الاجناب
وياكم بداري من هنوف سنافيه
تتل الحرير اللي على متنها منساب
وذا خصرها هافي والارداف ممليه
ويازينهالاجملت عينها بنقاب
وغطت مفاتنها عن الناس موليه
عفيفه شريفة عرض من خيرة الانساب
ولاراسلت او خاطبت فاسد النية
بنات البلد زينة ولانظلم الاغراب
ترى الطيب طيب العقل ماهوب جنسية
وابا انصحك يامقرود جنب عن النواب
الاسياف محدودة والاقلام مبرية
لي

[سُلاَفْ القَصِيدْ]

آبيآت جميله صح لسآنك وسلمت يمينك ..

[العالمي]

آبيآت جميله صح لسآنك وسلمت يمينك ..

يسلم غاليك
لازم نفزع لكم يابنات بلدنا انتم راس مالنا

[النادر]

صح لسانك يابو عبد العزيز
والطيب مايجيب الا طيب

[العالمي]

صح لسانك يابو عبد العزيز
والطيب مايجيب الا طيب


الله يطيب فالك
نورت ياغالينا

[عزوف]

قصيده جميله جدآ
إحساس أنيق ،، وكلمآت رائعه
صح لسآن شاعرها

[العالمي]

قصيده جميله جدآ
إحساس أنيق ،، وكلمآت رائعه
صح لسآن شاعرها


صح بدنك
يسلم ذوقك واحساسك
الله يحفظك