عدم الانحياز
02 / 05 / 2015, 11 : 07 AM
السلام عليكم ورحمة الله وبركاته
يسعد صباحكم والمساء بكل خير وخيرة
ابيات تعليق على موضوع اخوي الفاضل سعد العاصم - مع التحية له وللجميع
عاجل وشفته من سوات العناوين=ينسب لبن عاصم خذاني وعنا
منهو توقع حال ذا البنت ولهين=مستقبل تميرٍ عساها اتهنا
خمسة عشر عام عن الشين والزين=ويش الهقاوي زان فاله وزنا
اسمع سعد ياخوك ما جيت بالشين=ولا قول جاب الحرب شبه وشنا
تصخي لها حبٍ على الراس والعين=والهقوه انك في عناها تعنا
هيضتني جيتك على الطيب ماضين=اخوان نمضي في محبة مضنا
معشوقتي من دونها النقد والدين=لو الطفر تسمع حديده يدنا
تفرق سواها فرق بالواحد اثنين=تمير عذرى بالذوايب تثنا
القا لها حبٍ تطعمته سنين=ورث ورثته من كبيرٍ بسنا
جيل ورى جيل وبالعشق ماشين=ما والله اذكر يومٍ شانت او شنا
نعشق هواها في سماها مع الطين=من ساسها لي راسها هي وطنا
ماضي وحاضر والمقاديم بتبين=نرجي على الامال طيبٍ يبنا
وأيدك ويجيك بالعلم وكنين=انها على ماكان منا وكنا
اللي زرع تين على السوق بالتين=وش هقوتك زراع شوكٍ تتنا
دارك ترى دارك على العسر واللين=وراس المصايب التفِرق ولِنا
ودمتم سالمين
يسعد صباحكم والمساء بكل خير وخيرة
ابيات تعليق على موضوع اخوي الفاضل سعد العاصم - مع التحية له وللجميع
عاجل وشفته من سوات العناوين=ينسب لبن عاصم خذاني وعنا
منهو توقع حال ذا البنت ولهين=مستقبل تميرٍ عساها اتهنا
خمسة عشر عام عن الشين والزين=ويش الهقاوي زان فاله وزنا
اسمع سعد ياخوك ما جيت بالشين=ولا قول جاب الحرب شبه وشنا
تصخي لها حبٍ على الراس والعين=والهقوه انك في عناها تعنا
هيضتني جيتك على الطيب ماضين=اخوان نمضي في محبة مضنا
معشوقتي من دونها النقد والدين=لو الطفر تسمع حديده يدنا
تفرق سواها فرق بالواحد اثنين=تمير عذرى بالذوايب تثنا
القا لها حبٍ تطعمته سنين=ورث ورثته من كبيرٍ بسنا
جيل ورى جيل وبالعشق ماشين=ما والله اذكر يومٍ شانت او شنا
نعشق هواها في سماها مع الطين=من ساسها لي راسها هي وطنا
ماضي وحاضر والمقاديم بتبين=نرجي على الامال طيبٍ يبنا
وأيدك ويجيك بالعلم وكنين=انها على ماكان منا وكنا
اللي زرع تين على السوق بالتين=وش هقوتك زراع شوكٍ تتنا
دارك ترى دارك على العسر واللين=وراس المصايب التفِرق ولِنا
ودمتم سالمين