دفتر معاذيرك

[ملامح صادقه]

الحزن بيت .. وصادق الدمع : شباك
والليل خيم .. فوق صدر : القصيده

والهم شعله .. والمعاذير تنبــاك
منها ضلوع .. الصدر راحت : وقيده

طعنت ظهر .. الحب وزداد : الارباك
ولا فيه علم ٍ .. جاي من تحت : حيده

حاولت اداري .. غلطتك : واتحاشاك
واثرك من .. الله ودك ابها : نكيده

مدري وش .. اللي فيه قصرت : وش جاك
مصدوم منك .. وصدمتي بك : شديده

مدري اقول .. انك على البال : وابغاك
والا غديت لمخلب .. الكره : صيده

اتعبتني من .. كثر ماودي : أرضاك
وضحيت من .. شانك بأشياء : عديده

وكثر الخطا .. من عين مغليك : وطاك
من عقب .. مانت براس ماله : رصيده

صحيح أحبك .. واعشقك : واتمناك
لكن سجين .. الصدر فكيت : قيده

دفتر معاذيرك .. شكى من : سواياك
ماعاد باقي .. فيه صفحه : جديده

تعبت أجمل .. فيك وامدح : خطاياك
ياخي ترا .. مشاعري على : الحديده

ماعادني ياصاحبي .. بترجـــــــــاك
فارق ترا .. لارحت ما أنت : بفقيده

مانيب قايل .. عذب القلب : فرقـاك
بالعكس من .. بعدك حياتي : سعيده


لشآعر : جزاء البقمي ..

[سُلاَفْ القَصِيدْ]

ذآئقه رآئعه .. وأبيات جميله
سلمت آلآيآدي ..

[ملامح صادقه]

الذوق الرائع منك آيتها الرائعة

سلمتي ع هذا التواجد المميز

[غريب ديرة]

ابيات قويه في معانيها
شكرا لك على الاختيار الطيب

[جروح الوفا*]

ابياات رائعه
تسلمي ع الاختياار الجميييييل