رسالتي

[النادر]

وقت الشفق بعد قريت الحصوني
ميزت فالدنيا وفكرت بإسهاب


وفكرت في منشئ ثقال المزوني
يالله عساني من اولو الفكر الألباب


ياللي خطيت بحقكم سامحوني

للآدمي لابد ما يحصل غياب


الله يرحمني ليا كفنوني
وحطوني بقبري وغطوه بتراب


ومنكر نكير المرسلين أقعدوني

عشان اجاوب سلب والا بالايجاب


وشدوا علي برعبهم يسألوني

عن ربي وديني ونبيي بإرهاب


في ساعة فيها تحير عيوني

من هول ماشاهد ومن هول الإغراب


أما ثبت وبالنجا بشروني

وفتح لي بقبري من الجنه الباب


والإ بلا ادري نطقت وخذوني

نار تعذب جلد جسمك ولو ذاب


يالهادي التواب تصلح شؤوني

في طاعة الوالدين وبوصل الاقراب


ياللي لكم امر بين كاف ونوني

تدخلني الجنه وانا ارجوك طلاب


انته رجائي وإلتجائي وعوني

وملزوم اتفانى ببذلين للأسباب


ويالله ثبتني وحقق ظنوني

واجعلني ممن لايرتحل تاب


وبالخير من فارقتهم يذكروني

جميع من عرفتهم شايب وشاب


ويالله تصبر كل من يفقدوني

من الاهل ومن القرايب والاصحاب


ورسالتي للي رحلت وبكوني

لحوا بديكم بالدعاء لي يالاحباب

[سُلاَفْ القَصِيدْ]

الله يرحمني ليا كفنوني
........وحطوني بقبري وغطوه بتراب

آبيآت حزينه الله يحسن خاتمتنآ
سلمت اخي النآدر ع آلآختيآر..

[عزوف]

الله يطول بعمارنا على طاعته

انتقاء حزين سلمت..

[» اِلـَوَفْآءْ بـِنْـتْ]

ياللي خطيت بحقكم سامحوني

للآدمي لابد ما يحصل غياب


آبيآت تبكي والله ،
الله يرحمنآ برحمته .. ويحسن خآتمتنآ .. ،
لآهنت ،

[جروح الوفا*]

ابياات جدا حزينه
الله يحسن خاتمتناا يارب
تسلم الاياادي

[النادر]

الراقيه ، عزوف ، الوفاء ، جروح الوفا
شكرا لحضوركم والله يعطيكم العافيه

[ملامح صادقه]

ويالله تصبر كل من يفقدوني

من الاهل ومن القرايب والاصحاب


ورسالتي للي رحلت وبكوني

لحوا بديكم بالدعاء لي يالاحباب


أبيات جدا مؤلمه وحزينه

ابدعت خيو الانتقاء

ماننحرم من هالتواجد

[توليب2]

ابيات جميله الف شكر لك اخوي

[أبـوحـمـد]

اختيار جميل وقصيده رااائعه

شكرا لك يا ابو عثمان وماقصرت

[النادر]

ابو حمد * ملامح * توليب
عافاكم الله على هالحضور والاشاده

[هذا انا]

رائعه يـ النادر .. الله يجزاك خير ويحسن خاتمتنا واياكم ويجعل مانقلته في ميزان حسناتك ..

[دروب الامل]

ابيات رائعه ,,

سلمت اخوي النادر وماقصرت ,,