مشاهدة النسخة كاملة : وبعدين مع هآ لصرافةة !!!
رحال بهدوء
07 / 01 / 2015, 24 : 07 PM
السلام عليكم ورحمة الله وبركاته
موضوع نعيد و نزيد فيهه
الصراآفه
نحتاج صرافة في العزيزية
الى متى نطق مشوار للخالديه نصرف ونرجع ..
طبعا بعضكم يقول وش فيها العزيزية بقالتين ومحل خضراء و محطة
أحياناً احتاج اعبي بنزين من محطة الشمال او البقالة
ولا معي فلوس او احول للحساب شخص او اشتري من المواقع التسوقية
لازم اروح الخالدية اصرف او احول للحساب
ثم ارجع
صرافة العربي و الرياض و الاهلي والراجحي بالخالدية
مو ضار لو وضعت وحدة بالعزيزيةة
ب استثناء صرافة الملتقى الي ذالينا فيهاا يوم تشتغل واسبوعين لا
....
NET
08 / 01 / 2015, 25 : 12 PM
اخي العزيز
اتوقع الصرافة توضع في أماكن قريبة من الدوائر الحكومية وكثافة سكانية أكثر وقريبه من المحلات التجارية
وذلك " لاسباب أمنية " .
بامكانك الذهاب لمصرف الراجحي وطلبه من مدير المصرف وتستفسر منه . او الاتصال على البنوك الاخرى.
ياربي اغفرلي
08 / 01 / 2015, 47 : 02 PM
السلام عليكم .. نطالب بصراااااافه في العزيزيه 😡
عبودي تمير
08 / 01 / 2015, 38 : 06 PM
اخوي الموضوع يبيله بس شوي تفاهم واستفسار
لا تستعجل وتعصب
رح للبنك واستفسر من مدير البنك او الاتصال على رقم خدمة العملاء
لمصرف الراجحي او تدخل على موقع الراجحي وتقدم شكوى وتطرح موضوعك لهم
وان شاءالله يكون فيه رد من قبل المختصين
و اخوي ترا مهنا بعد عشان تقول نبي صرافه
غيرك يجي من امبايض وغيره
كلها كم دقيقه وتكون قدام الصرافه
بس انتم فيكم كسل الله يصلح الحال :)
الكحلي
08 / 01 / 2015, 52 : 06 PM
صادق العزيزيه ناقصها صرافه
عندك صرافه العربي والاهلي قريبه لبعض لو وحده منهن في العزيزيه كان افضل
الورر
08 / 01 / 2015, 07 : 10 PM
انا اتكلم عن اللى حسابه في بنك الراجحي فيه حل أما أن تقول بسحب حسابي لبنك آخر ولمن يسألونك قل السبب الصراف بعيد عني أو اسحب بصراحة من أي صراف غير الراجحي وبيكلمونك قل الصراف التابع لراجحى بعيد او تجمعو كم شخص وطلبو صراف
البارز
09 / 01 / 2015, 38 : 11 AM
من كبر تمير علشان تطلب صرافه
حتى اذا سحبت مارادك الا الخالديه هي فيها كل شي
قصائد
10 / 01 / 2015, 16 : 10 AM
حي الخالديه يوجد فيه اربع صرفات غير صرفات البنك بينما حي العزيزيه لايوجد فيه ولاصرافه !!
لذا يحتاج على الاقل صرافتين !
الغدار
10 / 01 / 2015, 05 : 06 PM
بالفعل العزيزيه تحتاج صرافه ولكن من يطالب
» اِلـَوَفْآءْ بـِنْـتْ
11 / 01 / 2015, 43 : 08 PM
كآن الله بعونكم ..!
رحال بهدوء
12 / 01 / 2015, 09 : 11 PM
اخي العزيز
اتوقع الصرافة توضع في أماكن قريبة من الدوائر الحكومية وكثافة سكانية أكثر وقريبه من المحلات التجارية
وذلك " لاسباب أمنية " .
بامكانك الذهاب لمصرف الراجحي وطلبه من مدير المصرف وتستفسر منه . او الاتصال على البنوك الاخرى.
اخي العزيز بعض المناطق المجاوره يوجد صرفات خارج المدينة
واذا للاسباب الامنية توجد بها كمراء
وان شاء الله لي زيارة الى مدير البنك
يعطيك العافيةة
admin
13 / 01 / 2015, 58 : 03 PM
العزيزية بحاجة ماسه لصراف
والافضل يكتب خطاب لمدير بنك الراجحي
ويوقع
صدى الشوق
13 / 02 / 2015, 18 : 10 AM
فعلاً أهل العزيزية محتاجين لصرافتين على الأقل
أبو ريوف
17 / 02 / 2015, 00 : 09 PM
تستحق العزيزية صرافة وان كنت اتوقع وجودها بالخالدية ل
1/ العدد السكاني ضعفي العزيزية
2/ المحلات التجارية كلها بالخالدية
دور هوامير العزيزية يكتبون ويحصل لكم
النادر
18 / 02 / 2015, 48 : 06 AM
حي العزيزيه حي كبير ويستاهل اكثر من صرافه والمشكلة ان اقرب صرافه لهم الي عند
محطه الملتقي وهذي وجودها مثل عدمه دائما متعطله والي يربط وجود الصرافات بوجود المحلات
فهذا غير مقبول الكل يعلم ان المنطقه الصناعيه اقرب لحي العزيزيه
كذلك مواقع بيع الشعير والبرسيم اتمنى ان يكون هناك اكثر من صرافه
بحي العزيزيه والفائده ستعود للجميع
والله الموفق
مخـ الليل ـاوي
19 / 02 / 2015, 54 : 11 AM
لازم العزيزية يكون فيها أكثر من 5 صرافات
مايصير تركب سيارتك وتروح للمحطة تعبي ثم تدعي دعاء السفر
ولا وصلت للخالدية الناس تحمدوا لك على السلامة !
لا رحت لمدير فرع الراجحي بلغني بروح معك وبقدم على طلب :smile:
وشكراً أخي رحال على إهتمامك للعزيزية وتوفير سبل الراحة لأهلها :t189: