سيف الهجر

[النادر]

بافارقك .. لو كان ما اخترك فرقاك
بافارقك .. وآنا فرجوى وصالك

البعد لو به خير ما كان خلاك
تقطع من عيون المحب اتصالك

ما اكثرك فالصده وفالوصل ما اشواك
الكبر لله .. لا يغرك جمالك

خليتني للبعد .. والبعد قسّاك
خلاك تنسى واحد" قد وفا لك

سليت سيف الهجر كني من اعداك
وذبحت شوق الروح شاللي جرى لك

العام ما تصعب الى قلت بلقاك
واليوم من دون المواصيل هالك

منت بردي .. حسبي على الوقت ردّاك
غير صفاك وطيبتك واعتدالك

حاولت نسيانك .. وعييت لا انساك
لا جيت ابنسى .. ذيب صدري عوى لك

لو انك بترجع كثر ما آتمناك
ما كان ذا حالي .. ولا ذا بحالك

كثر الجفا وآنا أستغفر الله اشراك
حبك كفر بي .. لعنبو من صفا لك

خذاك مني البعد ما عاد بقاك
لكن على قول المثل مش حالك

تدري وش اللي يقتل الشوق يا ذاك
لاني بولد عمك ولا ولد خالك

الشوق برد .. ودافي الوصل لقياك
وثلج الجفا خرب طريق اللقا لك

علمتني حبك .. وعلمني انساك
لو كان من دنياي .. مابه بدالك

تبغي تضيق خاطري جعله فداك
مهوب انا اللي يعاتبك في حلالك

طلبتني قلبي وانا قلت لك .. جاك
والحين سو بخافقي ما بدا لك

[سُلاَفْ القَصِيدْ]

آبيآت جدآ رآئعه بروعة آختيآرك
صح لسآن شاعرها وسلمت ع الآختيآر والذوق العآلي ..

[غريب ديرة]

ابيات جميله وقويه في معانيها
شكراً لك ولاختيارك الطيب ، دمت بسلام ،

[كلاش تمير]

قصيده جميله
يعطيك العافيه ابوعثمان على الطرح

[النادر]

آبيآت جدآ رآئعه بروعة آختيآرك
صح لسآن شاعرها وسلمت ع الآختيآر والذوق العآلي ..

هلا بالراقيه الذوق هو تواجدك وتفاعلك الله يحفظك

[النادر]

ابيات جميله وقويه في معانيها
شكراً لك ولاختيارك الطيب ، دمت بسلام ،

هلا بخوي غريب الديرة الله يسلمك من النار
سعيد بهالتواجد وهالتفاعل

[النادر]

قصيده جميله
يعطيك العافيه ابوعثمان على الطرح

الله يعافيك اخوي كلاش وعلى الرحب والسعه

[» اِلـَوَفْآءْ بـِنْـتْ]

‏

منت بردي .. حسبي على الوقت ردّاك
غير صفاك وطيبتك واعتدالك


آبيآتِ في قمة الآبدآع ،
تسلم أخي النآدر على توآصلك ، ذآئقتك المختلفة ،
لاهنت‎‪

[النادر]

‏

منت بردي .. حسبي على الوقت ردّاك
غير صفاك وطيبتك واعتدالك


آبيآتِ في قمة الآبدآع ،
تسلم أخي النآدر على توآصلك ، ذآئقتك المختلفة ،
لاهنت‎‪



هلا وغلا اختي الوفاء والذوق تواجدك الدائم

[جروح الوفا*]

ابياات اكثر من رائعه
تسلم ع الذووق المميز
بارك الله فيييييييييك