الحزن في صوتك!!

[ملامح صادقه]

لشاعر المبدع خالد الفيصل



الحزن في صوتك ازعج ساكني



لين صار الكون من حولي حزين



غصب عني حزن صوتك هاجني



لين خلى عاصي المعنى يلين



و امتثل حرف القصيد و عادني



و انسكب حزنك على شعري حنين



شلت انا صوتك و حزنك شالني



أكتم الصرخة و ينساب الأنين



شفت حزنك كيف حزنك شافني



كيف داهم خلوتي في لحظتين



طير أنا مثلك زماني ضامني



جرحتني مثلك سيوف السنين



صابك اللي من زمان صابني



في معاليق الحشا جرحه دفين



كلما ودعت هم زارني



من عذاب الوجد بياح الكنين



الفرح عقب الصداقة هابني



خافت البسمة على وجهي تبين



طير يا اللي صوت حزنك هاضني



الله اللي ينتصر للصابرين


مماأعجب ملامح

[سُلاَفْ القَصِيدْ]

صابك اللي من زمان صابني
في معاليق الحشا جرحه دفين

اليمه ..
ابدعتِ يالغلآ على رووعة آلآختيار سلمت آلآيادي ..

[ملامح صادقه]

اسعدني هذا المرور الجميل كجمالك

[كلاش تمير]

انتقاء اكثر من رائع
تسلمين وماقصرتي

[» اِلـَوَفْآءْ بـِنْـتْ]

آبيآت جداً رآئعة .. عآفآك الله آختي ملآمح ..!
لآهنتي ،

[الهجيني]

ابيات جزله من شاعر جزل
يعطيك العافيه على النقل

[جروح الوفا*]

ابياات جدا روووعه
تسلمي ي الغلا ع الاختيار الجميل
يعطيك العافيه

[ملامح صادقه]

أسعدني هذا التواجد الرائع والجميل

[النادر]

عافاك الله اختي ملامح على الاختيار