, مـــاقلتلك ..

[قصائد]

●“


ماقلتلك ...

وحدك غديت النور .. والباقي ظلام !!

وإن السّهر لابانت خيوط الفجر .. يبدا ينام !!

يتركني بروحي أطيّر من حنيني لك حمام !!

وأحمله شوق وسلام !!

وماقلتلك ...

إنت الوحيد اللّي اشوفه ذنب مهما إرتكبته .. ما أحس إنّه حراام !!

.....

وماقلتلك ...

إن الحنين .. رماح

وإن الغياب .. أحباب

وإن الشعر .. مفتاح

وإن القلوب .. أبواب

....

وإن الهنى ماله على قلبي دروب

وإن الحزن فيني بنى

بلدان وهمومي شعوب

وإن الشعر مالي غنى

عنّه .. وعنّه ما اتوب

وإن الحنين اللي بنا

أطهر مساحات الذّنوب

....

وإن الشعر ... مثل الحزن قسمه ونصيب !!

وإن المنافي ... مع مرور الوقت تصبح ديرة أولاد الغريب !!

وأن الصبر ... مهما يواصلنا يجي يوم ويغيب !!

يمكن لأنّه ملّنا !

وإلاّ الصّبر مل الصّبر ...

مدري ولكن قلتلك ...

ماقلتلك !

أشيائي الحلوه قليل ...

وإنّك أحد أشيائي الحلوه القليل ...

معاك أحس إنّي سهر ليله طويل ...

ألقابه لحزني خليل ...

وأحس في صبري حطب .., وأيّام غيباتك فتيل ...

مادري متى يجتاحني هذا الملل ؟؟؟

واحرق سنين من الصبر !!

...

وماقلتلك ...

لو جيتني مرّه مطر ...

تلقاني بدوٍ تنتظر !

يستبشرون .. إن جت مقاديمك تغنّي عن حضورك يمّهم ...

من طهرهم ...

البرق .. في تعربفهم يعني حياة ...

والغيم .. صوته أغنيات ..

من غبت عنهم عايشين بهمّهم ..

تفرّقوا ... صاروا شتات ...

وأنت الوحيد اللّي تجي وتلمهم !

...

وماقلتلك ...

أشيا ( 3 ) باقيه ماقلتلك ...

إنّك مثل حزني ... قدر !

وإنّك مثل ليلي ... سهر !

وإنّك عمر ...

والعمر ... مرّه بالعمر !

والعمر ... مرّه بالعمر !


/ مشعل الدهيم /

[سُلاَفْ القَصِيدْ]

كلمآت جميله وآحسآس عذب
سلمت آلآيادي على آلآختيآر ..http://www.adslgate.com/dsl/images/smilies/25.gif

[النادر]

عافاك الله قصائد على النقل والاختيار

[جروح الوفا*]

كلماات رائعه
يعطيك العافييه ع الذوق الحلو

[» اِلـَوَفْآءْ بـِنْـتْ]

جمييلة كـ جمآل حضوركِ ،
لاهنتي ،

[قصائد]

كلمآت جميله وآحسآس عذب
سلمت آلآيادي على آلآختيآر ..http://www.adslgate.com/dsl/images/smilies/25.gif

الله يسلمك راقيتي الجميله

شاكره لك وممتنه لحظورك الكريم

ودمتي لي بخير غاليتي

[قصائد]

عافاك الله قصائد على النقل والاختيار

حياك الله مديرنا الفاضل

اسعدني تواجدك الكريم

[قصائد]

كلماات رائعه
يعطيك العافييه ع الذوق الحلو

الله يعافيك يا جروح الوفاء

ويسلمو ياقلبي على الطله الحلوه

[قصائد]

جمييلة كـ جمآل حضوركِ ،
لاهنتي ،

الله يسلمك جميلتي الوفاء

هذا من ذوقك يالغاليه