.....!!! العذر مكتوب !!!.....

[الدبلوماسي]

العذر مكتوب لاصـار الخطـاء مقـري= آسف على ضحكتي وآسف على احزاني

خطـاي معـذور والا غلطتـي عـذري= و مرارة العذر فـي قلبـي وفـي لسانـي

مدري وش اللي ذكرت وضاق به صدري= مـدري وش اللـي نسيـت ولاتنسانـي

لبست انا ثـوب لاطولـي ولا قصـري= ياطيبـه القلـب ويـن القلـب ودانــي

سنتين من عمرها مـرت ومـن عمـري= سنتيـن احـس الزمـن فيهـا تعـدانـي

سنتين مرت حياتـي مـن ورا ظهـري= والحب سجنـي ومسجونـي وسجانـي

والشعر مطرود من قلبي ومـن فكـري= سنتين ماني ب انـا مانـي باحـد ثانـي

غنيـت للنـاس والدنيـاء علـى خبـري= والشعر في دفتـري مغـرور وانسانـي

غنيـت للحـب يـوم عيونهـا تـغـري= يوم الوفـاء والكـلام الطيـب الحانـي

غنيـت للدمـع يوم(ن) البكـى كـبـري = واليوم انا اكبر من دموعـي وحرمانـي

اليوم ماعاد يمـدي اللـي جـرح يبـري= مليـت كثـرت خطاياهـم وغفـرانـي

مليت انا الشعر مل الشعر مـن شعـري = مليت انا الحـب مـل الحـب وجدانـي

و لو هي عليه عزيز النفس مـن صغـري = ماشاور القلـب فـي كرهـي لعدوانـي

ان رحت ياكثرهـم وان جيـت ياكثـري = ضاقت بي عيونهم لـو كنـت وحدانـي

تعبت وازريـت مامليـت مـن صبـري = ليـت الـذي راح منـي كثـر ماجانـي

احيان ودي اطيـح مـن التعـب وازري = و تشيلنـي عـزتـي وسـلـوم جـدانـي

الشاعر / سعد الحريص

[تميراوي الرياض]

قصيده رائعه والاروع منها ناقلها

مشكور اخوي الدبلوماسي على النقل

معاد شفناك اخوي في الساحه الرياضيه فقدنا مشاركاتك يا شريكي

[المدرس]

تعـبـت وازريــت ماملـيـت مــن صـبــري
لـيـت الـــذي راح مـنــي كـثــر مـاجـانـي

احـيـان ودي اطـيـح مــن الـتـعـب وازري
و تشـيـلـنـي عــزتــي وســلــوم جــدانــي





رائع كعادتك

مشكورررررررررررررررررررر

[الدبلوماسي]

اشكر لك مرورك اخي تميراوي الرياض وسرني تواجدك

بخصوص الساحه الرياضيه والأنقطاع عنها فهناك اسباب

وانا لا اود ان اخوض في (( مالا فائده منه مدام التعصب الأعمى وصل ذروته ))

اتنمى ان لا تطرح هذا السؤال علي مره اخرى وخاصه (( هنا ))

لأني لا أريد ان اتكلم اكثر حول هذا الموضوع لعدة اسباب ؟؟

[الدبلوماسي]

المميز المدرس حضورك هو الرائع ولقد اسعدني كثيرا ً

[السنافي]

و لو هي عليه عزيز النفـس مـن صغـري
>>>>>>>>مـاشـاور القـلـب فــي كـرهـي لـعـدوانـي

ان رحــت ياكثـرهـم وان جـيـت ياكـثـري
>>>>>>>>ضاقـت بـي عيونهـم لــو كـنـت وحـدانـي

صح لسان الشاعر بن حريص وعساك على القوه ياالدبلوماسي

وأسف على الانقطاع الفتره الماضيه ... دمت بخير

[النادر]

اولا شكرا على هذه القصيده الرائعه والله يعافيك
ثانياً اتمنى من المشرف تميراوي الرياض والدبلوماسي
ان تكون طريقة المفاهمه بالرسائل الخاصه وليس امام
الاعضاء .
هذه وجهة نظر خاصه وسبق وان وضعت فى شروط الاشراف
من قبل وتم التوقيع عليها منكم .
شاكر لكم
تعاونكم
النادر