ماجد بن خرصان ~ الفجوج تضيق

[ماجد بن خرصان]

الفجوج تضيق




الفجوج تضيق // ..والهم يحداني
لين صار اقرب //لصدري من زراره
قلت ياهمي وياضيقي // ..تراني
ضايقً من قبل تاتيني // . .. وتاره
ابتسم واقول //حظي والله جاني
لين اشوف الحظ عاكس لي مساره
حظي اللي تاب مني // مايباني
شافني ساكت . وخذها بالشطاره
وهو يبا مني " اجيه بوجه ثاني"
والا انا مقدام . . في راسي نعاره
يازماني//يكفي اللي بـ المحاني
كيتك الاولى //.. مثل قدح الشراره
دنيتي ماعشت فيها غير"اعاني"
وبقفي // ومامعي لا قصر وعماره
شاعرً جزل وقصيدي شي ثاني
بانيً للقاف والمعنى // . . . اماره
من تحداني // وجاني ثم لقاني
تاه تاه // . . . وماقدر ينظم عباره
لاكتبت الشعر..صح آلله لساني
صفق الجمهور // من قلب بحراره
لاني جمهوري كذا ياخذ مكاني
يعيش حالة شاعره //بعد انكساره
والرفيق ان ضاق به وقته دعاني
واقبل // . .. وماوقف الا عند داره
احتزم للطيب الوافي //..وماني
اجحده // . .واجحد فعايله ووقاره
والردي راعي القفا جعله فداني
والله انه عار // واكبر من خساره
ليت يكتب في جبينه ي اخواني
ذا [ ردي ]واتجنبه شف ذا شعاره
يالله اني كاتم بصدري 'اماني'
وان تحقق لي بعضهاا ذي بشاره
" كانها لي خير "حققها تراني
انتظر فرحات عمري // وانتصاره
يالكريم // اللي ليا منه عطاني
مدته مثل المطر // .. وقت انهماره
اشكرك واحمدك ياربً كسانـي
صحةٍ في الجسم من قبل انهياره



ماجد بن خرصان

[سُلاَفْ القَصِيدْ]

صح لسآنك على الابيآت الجميله
سلمتِ ..

[ماجد بن خرصان]

صح بدنك مرورك الاجمل

[» اِلـَوَفْآءْ بـِنْـتْ]

قصيدة رآئعة ,
صح لسآنك ي الشآعر, ولآهنت على الجزلهه ,

[جروح الوفا*]

صح لساانك ع الابيات الرائعه
يعطيك العافيه

[ماجد بن خرصان]

صحت ابدانكم ياغالين