قالت : إيه أمووت ماحبّيت غيره

[الدبلوماسي]

المدامـع بعـد فرقاهـا عصتنـي=وهلّت دموعي على خدّي غزيـره
وأبسط حقوق الهوى لا وادعتنـي=أبكي دمـوع المفـارق للأميـره
يوم كـلٍ مشتقـي هـي ريّحتنـي=مانكرت يوم العشير انكر عشيـره
ماحملت حمول شوقي فوق متنـي=ولااحترق قلبي من الشوق وسعيره
من غديرالشوق بيديهـا سقتنـي=وقلت : زيديني وقالت :خذ غديره
وعلّمتني يوم بالوصـل اغمرتنـي=كيف مايكفي قليلـه عـن كثيـره
وملّكتنـي مملكتهـا وإملكتـنـي=وعلّمتنـي قصّـة الوردوعبيـره
وألهمتنـي بالقصيـد وعلّمتـنـي=كيف لامن غاب قافـي تستثيـره
وكيف لامـن بالنواظـر خدّرتنـي=جيتهـا كلّـي وبيّحـت السريـره
في محبتهاعـن النـاس ارفعتنـي=وصار مالي غيرها بالحبّ سيـره
ويوم قالوا :تعشقينه؟ ما انكرتنـي=قالت: إيه امووت ماحبّيت غيـره


الشاعر/فيصل الدويش