تماديت يالغالي وزادت عـن المونـه !!

[السنافي]

يقولون يرخي قوة الحبـل كثـر الشـد =تماديت يالغالي وزادت عـن المونـه
وأنا المشكلة حبيت فيك الهجـر والصـد =على عكس طبع الناس من صد ينسونـه
تصبرت من شانك وخايف يبيـن السـد =غموضك عجزت أفهم مصيره وقانونـه
مثل من بكى في جنب ميت يبيـه يـرد =وهو مادرى في نـاس غاليـن يبكونـه
أشوفك معي مرات مابيـن جـزر ومـد =وأنا لا هويت أنسان لا يمكـن أخونـه
على عكس طبعك لا تعلقت اجـي من جـد =ترى العذر ما يغنـي والايـام ملعونـه
معي مرتٍ وأحيان تصبح عليـه ضـد =تجيني ملـك وأحيـان بأفكـار مجنونـه
غلاك المصيبه لا تذكـرت مالـه حـد =عجزت أرخصه قدام نـاسٍ يسومونـه

اعد السنين اللي مضت وأختلـف بالعـد =صدوق المشاعر فيك لا غبـت مفتونـه
وإلا من طرت لي حبة الخـال فـوق الخـد =مثل من دموعه حايـره داخـل عيونـه
أبسالـك لكـن لا سألتـك علـيـه رد =وش الكلمه اللي في شفايفـك مسجونـه
دخيل العيون ورمشها والخصـر والقـد =دخيل القوام اللي شكى يطلـب العونـه
بسميك شيهانه ويفخـر بهـا مـن هـد =دخيلك بشر بعيونـك الكحـل وشلونـه
وأنا أقول لوشافك مطوع رجـع وأرتـد =كبير العرب لو تنظـره جنـت جنونـه
معك عمري الماضي ولك حاضري والغد =قمر والقمر بعض العـرب مايشوفونـه
وأنا لو هي بكيفي ولو هي تجـي باليـد =خطفتك وخـل اللـي يبونـه يسوونـه

شاعرها غير معروف

[تميراوي الرياض]

قصيده رائعه ورائع من نقلها

على فكره ترى القصيده قصيدتي انا الي كاتبها

بس ضاعت منى

ههههههههه امزح

[رينا]

فعلا الشعر فن والهام وابداع

بارك الله فيك اخي السنافي قصيدة رائعة اتمنى لك المزيد والتوفيق

[الدبلوماسي]

السنافي وكما جرت العاده تميز في قصائده

وتميز في نقل القصائد لله درك

وأنا لـو هـي بكيفـي ولـو هـي تجـي باليـد
خطفـتـك وخـــل الـلــي يـبـونـه يـسـوونـه

صح لسان الشاعر

[L O R D]

صح لسانك يالسنافي على القصيدة الرائعة صراحة

أشوفـك معـي مــرات مابـيـن جــزر ومــد
وأنــا لا هـويـت أنـسـان لا يمـكـن أخـونـه

مغاط جابر