راح الربيع !!!!!!!

[السنافي]

ناس تبيع وناس تشري بغالي =متخالف فعل البشر في بعضها

سود الليالي عقب بيض الليالي =واللي عقد راس الجديله نقضها
كم صاحب لاضقت يطري ببالي =وان غبت عن وجهه عباتي قرضها

ياعنك لاتشره اذا الدمع سالي =سود المحاجر رمّد الله لحضها

دنيا تجاربها تفوق احتمالي =منها غثا روحي وزايد مرضها

عجزت ابستر شينها والخمالي =اطرد وهي تطرد ورا اللي رفضها

مير الجروح اللي بقت من قتالي =منها تحذرني وانا ابغى عوضها

رضوى جنوب وراس سلمى شمالي =نفس تشوقك بعّد الله غرضها

راح الربيع وجف نبع الزلالي =في كف حي نعمته ماحفظها

وحيدة السعوديه