اهديتني جرح موجعني وعاجبني00

[جروح الوفا*]

أَهْدِيتِنِي جَرْحْ مُوجِعْنِي وْ عَاجِبْنِي...

تِدْرِي مِتَى بِتِعْرِفْ قَدْرِي وْ تِفْقِدْنِي ؟
لاَ رِخَصْتْ نَفْسِكْ لِشَخْصِ مَا يِرَاعِيهَا


بُكْرَهْـ لاَ هَمْلُوكْ النَّاسْ تَذْكِرْنِي
وْ تِقُولْ عِزَاهْـ عِينِي مِنْ يِدَارِيهَا ؟


مَدَامْ غِيرِي عَلَى قَلْبِكْ { مِشَارِكْنِي }
وِشْ هُو لَهْ أَعَلِّقْ الآمَالْ وْ أَبْنِيهَا ؟


يَكْفِينِي إِنِّكْ رِحَلْتْ وْ مَنْتَ { عَايِفْنِي}
هَذَا عِزَا النَّفْسْ مِنْ كِثْرَة بَلاَوِيهَا


أَهْدِيتِكْ دُمُوعْ مِنْ طَعْنِتِكْ تَحْرِقْنِي
وْ إِنْتَ إِللِّي تِسْتَاهِلْ الدِّنْيَا وْ مَا فِيهَا


وْ أَهْدِيتِنِي جَرْحْ مُوجِعْنِي وْ عَاجِبْنِي
لأَنَّ الهَدَايَا عَلَى مِقْدَارْ مِهْدِيهَا


صَحِيحْ { حِنَّا انْتِهِينَا }بَسْ صَدِّقْنِي
وَاللّه إِنِّكْ تِبْقَى { هُوَى رُوحِي } وْ غَالِيهَا


مَفْضُوحْ رَاعِي الهِيَامْ وْ نَظْرِتَه تِغَنِّي
مَلاَمْحَه وَاضْحَة فِي وَجْه رَاعِيهَا


لِكُلِّ دَاء ٍدَوَاءْ لُو هُو مِتْعِبِنِّي
إِلاَّ مَحَبِّتِكْ عَيَّتْ مِنْ يِدَاوِيهَا ‎


إِنْ قِلْتْ عَلِّمْنِي أَنْسَى؟ لاَ تِعَلِّمْنِي
دِنْيَايْ لاَ مِنْ نِسِيتِكْ وِشْ تَالِيهَا ؟ ‎


فَارَقْـتِنِي وْ ضَحْكِتِكْ عَيَّتْ تِفَارِقْنِي
وَاللّه يِلْعَنْ أُبُو الفَرْقَا وْ طَارِيهَا


مَقْدَرْ أَفَكِّرْ بْغِيرِكْ وْ إِنْتَ عَارِفْنِي
عَشَانْ حَاجَة بْقَلْبِي مَقْدَرْ أَخْفِيهَا ‎


أَخَافْ لاَ حَبِّنِي غِيرِكْ وْ عَاشَرْنِي
يِشُوفْ صُورِتِكْ فِي عِينِي وْ يُوحِيهَا ‎


نِشَدْتْ عَنِّكْ وْ سِمَعْتْ إِللِّي { يِفَرِّحْنِي}
وْ يِرْتَاحْ صَدْرِي مِنْ هُمُومِ يِحَاتِيهَا

تَبِي تَعْرِفْ وِشْ عَلَى الفَرْقَا مْصَبِّرْنِي
إِنِّكْ بْخِيرْ وْ حَيَاتِكْ مِتْهَنِّي فِيهَا )

مماراقى لي 00

[العالمي]

أَخَافْ لاَ حَبِّنِي غِيرِكْ وْ عَاشَرْنِي
يِشُوفْ صُورِتِكْ فِي عِينِي وْ يُوحِيهَا ‎
اختيار يدل على رقي في الذوق
اهنيك على اختيارك
تحياتي

[عزوف]

الله الله
ذائقه رائعه ومميزه

سلمتي

[هذا انا]

لكل داء دوا .. لو هو متعبني
الا محبتـك أعيـت مـن يداويها ..
قصيدة رائعة ذات معان جميلة والأروع الاختيار المميز .. فشكراً لك .

[جروح الوفا*]

العالمي
عزوووف
الباهي
يسلمو على حضوركم الغالي
منورين الموضوع

[لميس]

هذي قصيده الصوره الي بجوالي تعذبني سمعتها صوتيه مره روعه
تسسلم ايدينك غلاتي ع النقل والذووق
ودي لعيونك

[جروح الوفا*]

شاكره لك حضورك الغالي
منوره

[سُلاَفْ القَصِيدْ]

آختيآر رآئع
صح لسآن شاعرهآ وسلمت ع آلآختيآر

[جروح الوفا*]

الله يسلمك
شاكره لك حضورك الغالي

[هويام]

جمميل يعطيك الف عافيةة

[جروح الوفا*]

الله يعافيك منور