إنقطاع الكهرب

[كلاش تمير]

السلام عليكم ورحمة الله وبركاته

http://www.up-tumaer.net/up//uploads/images/tumaer-a945d9053e.jpg

إلى متى ونحن نستمر على هالمنوال في إنقطاع الكهرب المتقطع وفي عز القايله

الاجهزه الكهربائية تعطلت من كثر مايطفي

شهر رمضان قريب الله يشرفه يعني لازم تشوفون لنا حل لان هالسنه حر زيادة
:t143:
أرجو من الاخوه المسئولين في شركة الكهرباء توضيح الامر في سبب انقطاع الكهرب وإيجاد حل عاجل قبل فوات الاوان وشكرا

[صمتــي ذبحنــي]

الله يعييييين
صدق الئ متئ ...!

[المدحدر]

الشركة في سبات عميق ياخيو ولكن الله يفرجها

[وافي تمير]

كل سنة كذا مااافيه شي جديد

[ابوعبدالرحمن11]

أشكر أخي كلاش تمــير على ماأبداهـ من تضرر بعض الأحياء في تمير من تكرار إنقطاع الكهرباء هذه الأيام ، وأحيطكم علما أنني أتصلت بأحد
المسئولين في الشركه من خارج تمير وأفادني أن السبب ربما يكون زيادة أحمال وعليكم تحرير خطاب ورفعه للأماره بطلب تقوية الأحمال او إجاد محطه متكامله وعليه ومنعاً من إحراج او تسبب ضرر لفرع تمير أتصلت بأحد المسئولين في فرع تمير.وأخبرته بما حصل ورحبا مشكوراً وقال على العكس ربما هذا الطلب يكون سبباً في إصلاح الحاضرو المستقبل ، لذا من وجد في نفسه القدره على تحرير الخطاب فأنا معه واول الموقعين عليه . وبالله التوفيق

[ط َـموح]

زيآدة آحمال ؟
طيب ليه مآيعآني من زيآدة الاحمال وانقطآعه الا ع تمير بس ؟!
عجلوآ علينا قبل رمضآن :t177:

[الهدباء]

دايم تسذا عاد ماصارت الحر زايد والنهار طويل ورمضان جا وانتم طفي شغل خربتو اجهزتنا شوفوا لنا حل الله يرضي عليكم

[دحوم الخالديه]

عادي يطفونهه الحين بس لايطفي برمضآآآآآآآآآآآآآآآآن.,

[محامي الحارة 506]

السلام عليكم ورحمة الله وبركاته
ياخوان شوفوا لنا حل في الكهرب قبل كم يوم طافي علينا في حي الملك فيصل ثلاث مرات والله على ماقول شهيد

[المدحدر]

اليوم الظهر كم مره طفى يعني بالعربي ماسوينا شي

[دلع ولع]

زيادة احمال بس بالعزيزيه وحي المستشفى
ليه الخالديه مايطفي عليهم

ارحموووووونا تعطلت المكيفات والثلاجات
على الاقل اذا اشتغل شغلوه مره وحده مو نص البيت يشتغل ونصه طافي

ويااااااليت توقفون عن هالحركه برمضان
ارحمونا

[مادريت]

عذر اقبح من ذنب

اجل زياده احتمال ..!

شايفيننا بزارين عندكم ، وفرة هذا الكلام لنفسكم

[الكااايد]

استغرب من اللي يقول عذر اقبح من ذنب ؟
فعلا زيادة الاحمال تسبب عطل للمحولات والمولدات اللي تنقل لنا الكهرباء .
والحل بالمطالبه بمحطه مولدات جديدة
فالمدينة ماعاد هي تلك المدينة الصغيرة الامتداد العمراني !
اتمنى من الاشخاص المشهورين بشكاويهم وملاسناتهم مع الناس يشوفون شغلهم مع شركة الكهرباء
او حيلهم ع المواطنين بس !

[المدحدر]

قبل صلاة العشاء فيه حواري مولع الكهرب وبعضها طافي


وش السالفة

[مادريت]

استغرب من اللي يقول عذر اقبح من ذنب ؟
!


ايه عذر اقبح من ذنب ..

اجل زيادة الاحتمال كل هل سنين بس على العزيزيه لحالها ,

[رحال بهدوء]

ايه عذر اقبح من ذنب ..

اجل زيادة الاحتمال كل هل سنين بس على العزيزيه لحالها ,

فيه آسلوب ماله داعي التعصب والعنصريه !

[الكااايد]

لا موظفين الشركة من سكان حي الخالدية ولعانه يقطعونه عن العزيزية !!

هههههههههههه

ياخي تعرف حي العزيزية من اي محطه توليد يتغذى ؟
تعرف مدينتك الصغيرة تتغذى من اي محطه توليد كهرباء ؟
كان عندنا ايام صغر الديررة محطه خاصه فينا لكن ماادري ليش انلغت ونقلت المولدات منها !
المشكله اننا مرتبطين بمحطه توليد ضعيفة ومحملة بطاقه ماتقدر تستوعبها
فياليت بلاش شغل العزيزية والخالدية وطالبو بصوت واحد بمحطه توليد كهرباء واحمال مخصوصة لتمير
سلام

[MSI]

انتم تدرون وش مشكلتكم ان شركة الكهرباء في تمير ماهمهم طفى او ما طفى ماتفرق معهم دام كهربهم شغال ... وين الرجاجيل يروحون للادارة العامة في الرياض ويقدمون شكوى عليهم وعلى المشكلة اللي في تمير خل عنكم الهرج اللي ماله فايده لا في المنتدى ولا في بيوتكم .. او خايفين منهم لا يطفون عليكم الكهرب للابد هههههههههههههههههههههههههه
او انكم فاضين بربره مالقيتو مواضيع تكتبونه ياسابين البلدية يا المرور يا الشرطة ومغاسل السيارات و..........و.......... والله الفضااااااااااااااوة ..............الديار اللي حولكم تطورو ومنفوحة تطورت تمير لازالت عشه...

[NET]

http://www.up-tumaer.net/tumaer/download.php?img=23241