إهــــداء من الســنـافـي !!

[السنافي]

لا والله ألا ثار فالجو دخان = ثارت وعندي يالنشاما خبرها

ما كل طيرا ً يعجبك طير حوران = ولا كل من ركب الكحيله قدرها

يا اللي تحداني على غير برهان = حنا لها وان طعتني فا ختصرها

لا تحسبني تالي الليل سهران = يوم أن عينك طاولت في سهرها

أن كان عاندت البحر فانت غلطان=تبي تضيع بغبة ً في بحرها

ما أحسب لك حسابا ً ولو كنت زعلان= عد النجوم وعد تحتك حجرها

واللي بنى بيته على غير سيسان = تنهد جدرانه على اللي عمرها

قد قيل لك لا تسمع الناس يافلان = واليوم نفسك ميته في قهرها

من لا يحسب حساب ذربين الايمان = سمعته راحت في الحضيض أعتبرها

لا لا تحداني تراني كحيلان = ومن لا يعرف لحون شعري كسرها

نفسي عزيزه ما أقبل اليوم تنهان = من واحدا ً نفسه بنفسه حقرها

الظاهر ان عقله بدا فيه نقصان = كانه يبي له حاجة ً ما قدرها

جتك البيوت وخاطري ما بعد شان = وان كان شان الله يعينك .. دمرها

الــســـنـافـي

[مخاوي تمير]

لا لا تـحــدانــي تــرانـــي كـحــيــلان
ومن لا يعرف لحـون شعـري كسرهـا

نفسـي عزيـزه مـا أقبـل الـيـوم تنـهـان
مــن واحــدا ً نفـسـه بنـفـسـه حـقـرهـا

الظـاهـر ان عقـلـه بــدا فـيـه نقـصـان
كـانـه يـبـي لــه حـاجـة ً مـــا قـدرهــا


صح لسانك ابو عبدالله
ودائما متحفنا بالجديد بارك الله فيك
والله يخليك لنا

[المدرس]

نفسـي عزيـزه مـا أقبـل الـيـوم تنـهـان
مــن واحــدا ً نفـسـه بنـفـسـه حـقـرهـا

الظـاهـر ان عقـلـه بــدا فـيـه نقـصـان
كـانـه يـبـي لــه حـاجـة ً مـــا قـدرهــا

جتك البيـوت وخاطـري مـا بعـد شـان
وان كـان شـان الله يعيـنـك .. دمـرهـا


اهداء الى السنافي


ليت التحدي نشوفه دوم
من شان نقرأ معانيها
قصيدة خطها من يوم
شاف المهاويش راعيها

[المدرس]

اهداء الى السنافي


ليت التحدي نشوفه دوم
من شان نقرأ معانيها
قصيدة خطها من يوم
شاف المهاويش راعيها

[السنافي]

صح بدنك يا مخاوي تمير

وتشريفك شرف أعتز به والله يحييك يا غالي

[السنافي]

هلا وغلا يالمدرس وحياك الله

لو أن غيباتك واجد

تقبل تحياتي

[نقا هشال]

صـــح لسانك مليون اخوي السنافي

قصيده جزله

[ملك روما]

صح لسانك السنافي ..

وفي أنتظار المزيد ..من الأبداع والتميز .

.لك مني كل تقدير وأحترام ..

[باحث قضايا]

الحكمه الاولى:
مـا كـل طيـرا ً يعجبـك طيـر حــوران
ولا كـل مــن ركــب الكحيـلـه قـدرهـا
الحكمه الثانيه:
أن كان عانـدت البحـر فانـت غلطـان
تـبــي تـضـيـع بـغـبـة ً فـــي بـحـرهــا
الحكمه الثالثه:
واللـي بنـى بيتـه علـى غـيـر سيـسـان
تنـهـد جـدرانـه عـلـى الـلـي عـمـرهـا
الحكمه الرابعه:
قـد قيـل لـك لا تسـمـع الـنـاس يـافـلان
والـيــوم نـفـسـك مـيـتـه فـــي قـهـرهـا

صح لسانك يالسنافي على هذه القصيده التي كلها حكم

[السنافي]

صح بدنك يا نقا هشال على هذا المرور الجميل

وتقبل تحياتي

[السنافي]

صح بدنك يا ملك روما

وابشر بالخير واللي تبي حاضرين فيه

[السنافي]

صح بدنك ياباحث قضايا

وعسى أن يستفاد من هذه الحكم

تقبل تحياتي

[الدبلوماسي]

السنافي من اين لك كل هذا الأبداع

لقد سددت في ابياتك فأصبت قلب الهدف

لله درك من شاعر يطوع القوافي فيأتي لنا

بقصيده اشبه بالأعصار المدمر

اي كلمات بالله عليك ترى ان توفي هذه القصيده حقها

صح لسانك مليون

[البحر الهادئ]

صح لسانك اخوي السنافي

رووووووووعه وربي

الله يعطيك العافيه

[الراكد]

صح لسانك أخوي السنافي على هذه الآبيات التي تهدف لشيئاً ما في بطن الشاعر
ولك خالص تحياتي (الراكــــد )

[النادر]

صح لسانك ابو عبدالله
قصيدة رائعه من شخص اروع
الله يعطيك الصحه والعافيه
الله الله نبي منها كثير
ولا تبخل بالجديد
تحياتي لك
النادر

[صمت المشاعر]

نفسـي عزيـزه مـا أقبـل الـيـوم تنـهـان
مــن واحــدا ً نفـسـه بنـفـسـه حـقـرهـا



راااااااااااااائعة تلك الكلمات .... وكم هي قوية في معانيها....



مزيداً من التميز والإبداع ...........



دمت متألقاً في فضاء منتدانا .....

[توأم الجود]

صح لسانك يالسنافي ؛

القصيدة كما انت مميزة و رائعة

تحية و تقدير

[السنافي]

صح بدنك يالدبلوماسي واشكر لك هذا الاطراء ولا عدمناك يالغالي

[السنافي]

البحر الهادي

صح بدنك والله يعافيك وحياك الله

[السنافي]

صح بدنك

أخوي الراكد وياهلا ومرحبا بك

[السنافي]

صح بدنك يالنادر

والله يعافيك وابشر بالخير ان شاء الله والرائع هو تشريفك ياغالي

[السنافي]

حياك الله ياصمت في ساحة الشعر

والاروع مرورك الكريم

[السنافي]

صح بدنك ياتؤام الجود

والتميز حضورك ياغالي