تحذير تحذير لأهالي تمير

[الشقردي]

السلام عليكم ورحمه الله وبركاته


حياكم الله جميعا


حبيت انبهكم يالربع انتبهوا فيه مطب كبييييييييييييير في الجنوبي طريق الممشى. جهتين. جاي انا من جهت طريق المقبره انا واهلي عشان سياره العسكريم الله لايعيدها وفجاه الا ضلع العرمه قدامي(المطب) واقول لاهلي تمسكوا واطمر ذيك الطمره في الهوا فكني الله بغينا ننقلب ستر الله علينا الحمدلله

وحسبي الله ع من حط هالمطب لا اشارات ولاتنبيهات بوجود المطب ع الاقل حطو عيون قطط عشان ندري ونتفادى المطب اليوم الحمدلله سلمت الله يستر بكره

وحتى الآن اعرف خمسه طامرينه من اهلي الديره ومنهم شيبان والله

هالمره سلمت الله يستر غيري يجي ويصير له شي....

وقبل الاخير اقول حسبي الله ع البلديه وع من حطه هالمطب

وسلامتكم جميعا

اخوكم الشقردي

[الورر]

اقرب شيول يزيله ياروح مابعدك روح

[زمان الصمت]

تخطيط وتنفيذ فاشل يا بلدية تمير
والله ظلع مو مطب خالي كل هالمطب وتضررت سيارته شي بسيط
حطو تنبيه او انوار بدل هالخطر المحطوط

[عزوف]

صادق مطب خطر جداااا

[رحال بهدوء]

كم مرههه تمرطهه وانا اطمره اشوف مبآيض من رفعهه هههههههه اتمنى ان يزيلونه ويحطون واحد اخف

[دحوم الخالديه]

ههههههههههه والله يآعليكم مطططب

المره الجايه دوروهم بسطوح اللي حول المططب,,
حطو إشارة تنبيه او عيون قطط..

[برنسيس]

اللي عند تموينات
والحمدلله جت سليمه لنا ولغيرررنا

[عرب تمير]

بالعكس المطب حلو وانا من المؤيدين له خوصاً ان اغلب عابري الطريق من الاطفال والنساء
لكن نتمنى ان يكون هنالك تنبية او لوحة او انارة بوجود المطب
اشكر الجهة المختصة بذالك المطب

[الشقردي]

الله يعطيكم العافية جميعا ونتمنا من بلدية تمير سرعة التجاوب بوضع عيون قطط او اشارات تنبيهيه


انا ماقلت انه مب زين هو زين للممشا واهله للعابرين للبقالة واللي بيوتهم جنب الممشى


لكن المصيبة انه بدون تنبيهات على على الاقل عيون قطط او يضربون المطب بوية واضحه تجعل اللي قادم من بعيد يشوفه

وانا يوم اطمره كانت الساعه التاسعة ليلاً يعني لوني بالنهار يمقن اشوفه

لكن لازم يحط تنبيه للمسلمين خوفو الله لايجي واحد شايب هو وعجيزه والله دعوه تالي الليل ماتسوى حطه المطب...


وسلامتكم جميعا حب لاخيك ماتحب لنفسك وجعل من حط هالمطب يطمر مثل ماطمرنا


اخوكم الشقردي

[هاوي البراري]

نفس القصة صارت لي

وأضم صوتي لك

أتمنى من المسؤولين وضع تنبيهات أو إرشادات بوجوده

شاكر لك يالشقردي على الموضوع والتنبيه ،،،

[هلالي عشيره]

الله يعطيك العافيه
ويوم كان يسونه انا وقفت وقلت للي يشتغلون ان مطب كانه ظهره بس ماعطاني وجهه

[مادريت]

وانا صايره لي بغيت اروح فيها ان وسيارتي ,, وحسبي الله ونعم الوكيل على من حط المطب هناك

[مندوب البلدية]

نشكرك اخي الكريم والاخوه الكرام على حرصكم على اخوانكم من مرتادي الطريق
بالنسبه للمطب فهو انسيابي ولا يمكن للسيارات ذات الارتفاع المنخفظ ان تحتك به وايضا لا يمكن للشخص المسرع تجاوزه حفاظا على ارواح الماره من النساء والاطفال بالطريق

ويوجد عيون قطط قبل المطب ويوجد ايضا لوحه تنبيه بوجود مطب جانبيه قبل المطب

وتجاوبا معكم تم الرفع للقسم المختص بزيادة وضوع المطب بوضع عيون قطط اضافيه وطلاء المطب بلون واضح


وشكراً لاهتمامكم

[توأم الجود]

نشكرك اخي الكريم والاخوه الكرام على حرصكم على اخوانكم من مرتادي الطريق
بالنسبه للمطب فهو انسيابي ولا يمكن للسيارات ذات الارتفاع المنخفظ ان تحتك به وايضا لا يمكن للشخص المسرع تجاوزه حفاظا على ارواح الماره من النساء والاطفال بالطريق

ويوجد عيون قطط قبل المطب ويوجد ايضا لوحه تنبيه بوجود مطب جانبيه قبل المطب

وتجاوبا معكم تم الرفع للقسم المختص بزيادة وضوع المطب بوضع عيون قطط اضافيه وطلاء المطب بلون واضح


وشكراً لاهتمامكم

الله يجزاكم خير و يجعله في ميزان اعمالكم

تحياتي

[سهيل تمير]

نشكرك اخي الكريم والاخوه الكرام على حرصكم على اخوانكم من مرتادي الطريق
بالنسبه للمطب فهو انسيابي ولا يمكن للسيارات ذات الارتفاع المنخفظ ان تحتك به وايضا لا يمكن للشخص المسرع تجاوزه حفاظا على ارواح الماره من النساء والاطفال بالطريق

ويوجد عيون قطط قبل المطب ويوجد ايضا لوحه تنبيه بوجود مطب جانبيه قبل المطب

وتجاوبا معكم تم الرفع للقسم المختص بزيادة وضوع المطب بوضع عيون قطط اضافيه وطلاء المطب بلون واضح


وشكراً لاهتمامكم




نشكركم بعد الله على اهتمامكم وحرصكم
فكونوا على يقين أن ليس للإنسان إلاّ ما سعى
وأنّ سعيه سوف يُرى ثم يجزاه الجزاء الأوفى .