مغاسل السيارات بتمير

[تميرااااوي]

السلام عليكم ورحمه الله وبركاته

اما بعد:

سننظم حمله مقاطعه جميع مغاسل السيارات بتمير بسبب زياده السعر الى 15ريال للغسيل العادي اذا لم يعد الغسيل الى سعره الاصلي سيتم الكشف عن الشخص المسؤول عن فكره زياده السعر بعد ثلاث اسابيع وستمم مقاطعته

الحمله ستكون ابتداء من يوم الثلاثاء اي غداً

سنضع حدا لهذي المهزله

وشكرا

[برق1]

عساكم على القوة

اللي يشوفهم يقول انهم يغسلون سياراتنا بماء حلوة

كله هماج شهب وصدا بالسيارات

[كلاش تمير]

السعر في كل مغاسل تمير زاد وألا كيف ؟

[نقا الكرم]

الماء يجيهم مجانا . والموقع ملك خاص يعني سالمين من الاجار . اذا مالمبرر للزيادة ؟
لو في الرياض الواحد يقول يحق لهم يرفعون بحكم ارتفاع سعر الايجار والماء .
انا كنت ناوي اغسل سيارتي هالشهر .لكن عشانكم بقاطع واغسلها في الحوطة لو بخمسين

[هلالي عشيره]

قيــــــــــدام

[الورر]

قاطعوهم وانا معكم

[أبو ريوف]

انا ضد فكرة المقاطعة لأسباب منها :

1- ارتفاع الأسعار في أغلب المغاسل بالمنطقة من فترة
2- اجبار المغاسل على السعودة والتأمينات
3- صعوبة اخراج الفيز ومنع السائق من العمل

[اابو عزوز]

ايه زين اجل المغاسل فاضيه اليوم اروح اغسل موتري

[اخو منيرة]

عساكم على القوة

[مادريت]

موب بس في تمير في سدير كلها ,,,

[سادلين]

قدام رشه بالدينمو عند الباب والسلام ختام

[الصياهد]

وانا معكم

[الغالي فهد]

والله معذورين يوم يرفعون السعر بعد النظام الجديد شي طبيعي يرفعونه وانا ما الومهم وطبعا الضحيه انت يالمواطن وانا ضد المقاطعه لان هم مارفعو الا مجبورين ..

[سالم التميمي]

مابعد شفتو شي وسلموني على وزير العمل هذا الي استفدنا منه الله لايوفقه

[الكابون]

الله ينصرك ويكثر من امثالك بيض الله وجهك الزياده الي مالها داعي سر وحنا وراك

[المهندس تمير]

من حقهم يزيدون في السعر كلش غالي

[هلالي عشيره]

الله يعطيك العافيه
البعض يقول انه من حقهم يرفعون السعر ليه ؟؟؟الا طمع لااكثر واسغلال ترا كلها مويه وهي ماتلكف شي ومع ادوات لا تلكف شي بس ارجو من الجميع المقاطعه وارجو من اهل المغاسل توضيح سبب الرفع اما ان نستمر ف المقاطعه او نعذرهم

[الغالي فهد]

الله يعطيك العافيه


البعض يقول انه من حقهم يرفعون السعر ليه ؟؟؟الا طمع لااكثر واسغلال ترا كلها مويه وهي ماتلكف شي ومع ادوات لا تلكف شي بس ارجو من الجميع المقاطعه وارجو من اهل المغاسل توضيح سبب الرفع اما ان نستمر ف المقاطعه او نعذرهم



انت ماخذ الدعوة انها طمع واستغلال وانها ماتكلف شي انا معك ماتكلف بس لاتنسا ياحبيبي فيه عمال لهم راتب وفيه تامين عليهم وتامين على موظف سعودي

[سالم التميمي]

احسبو المصاريف في السابق يدفع 100 ريال الان 2400 تجديد كرت العمل

بالاضافه الى رسوم تجديد الاقامه ورسوم تامين العامل ورسوم دفع التامينات
وتوظيف سعودي لايقل راتبه عن 3000 ريال ودفع رسوم التامينات
في السابق كان الواحد يشغل عنده سائق خاص وعامل منزلي او سواق اخوه والامور ماشيه الان اختلف الوضع والمتضرر المواطن اغلب الورش والمحلات للتقبيل لن تجد في تمير بالذات والمدن الصغيره احتيجاتها بسبب هذا القرار