معلّم سعودي يصرف نصف مليون ريال وراتبه على كوافيرة مغربية

[سُلاَفْ القَصِيدْ]

يذهب إليها يومياً من الطائف إلى مكة وسط شكوك بسِحْرها له



معلّم سعودي يصرف نصف مليون ريال وراتبه على كوافيرة مغربية



http://sabq.org/files/news-image/156736.jpg?1366145222

فهد المنجومي- سبق- مكة المكرمة: تُحقّق غداً الأربعاء دائرة العِرض والأخلاق بهيئة التحقيق والادعاء العام بمكة المكرمة مع معلّم سعودي (50 عاماً)؛ ضُبط مع مصففة شعر (كوافيرة) مغربية بحي الزاهر بمكة المكرمة في علاقة غير شرعية، هجر إثرها زوجته وأبناءه بمدينة الطائف، وصرف أكثر من نصف مليون ريال عليها، وسط شكوك بأنه تعرض للسِّحر على يديها.

وتفيد المعلومات التي حصلت عليها "سبق" بأن المعلم منذ سنة تقريباً تغير تجاه زوجته وأولاده بمدينة الطائف، وصرف نصف مليون ريال من حصته في ورث والده، وصرف أيضاً راتبه الشهري البالغ أكثر من 12 ألف ريال على مصففة شعر مغربية، تعرّف عليها في علاقة محرمة.

بعد ذلك تغيرت حياته؛ حيث كان ينزل من الطائف إلى مكة يومياً، ويحضر إلى منزله للنوم فقط؛ ما أثر سلباً في حياته الأسرية والعملية.

وتتبعه شقيقه؛ ليكتشف سر تغيره؛ فاكتشف وضعه مع المغربية، وقال إن أخاه ربما تعرض للسِّحر والشعوذة على يديها، وخصوصاً أنه يتصرف بشكل غير طبيعي، ولا يعي ما يقوم به.

وتوجه الأخ لمركز هيئة الأمر بالمعروف والنهي عن المنكر "فرع التنعيم"، وقدم بلاغاً بما تعرض له شقيقه، وجرى القبض على المعلّم والكوافيرة عقب خروجهما مع بعضهما من شقتها بحي الزاهر، وأُعد محضر بالقضية، وسُلم المعلّم والكوافيرة لمركز شرطة التنعيم، الذي حقق معهما، وأحالهما لتوقيف بالسجن، وأحال ملفهما لهيئة التحقيق والادعاء العام بحكم الاختصاص، في انتظار الكشف عما إذا كان المعلم مسحوراً؛ ومن أجل ذلك بدّد ورثه وراتبه على الكوافيرة، أم لا.


http://sabq.org/Gp1fde

[الكاريبي]

على طول سحر !
ليه ماتصير المشكلة في زوجته ؟
تعاملها معه ،عدم الاهتمام به دعاه للبحث عن شي يفقده !
علما ان فعله حرام وليس حل ،
المشكلة مشكلة اجتماعية

شكرا على النقل

[سُلاَفْ القَصِيدْ]

على طول سحر !
ليه ماتصير المشكلة في زوجته ؟
تعاملها معه ،عدم الاهتمام به دعاه للبحث عن شي يفقده !
علما ان فعله حرام وليس حل ،
المشكلة مشكلة اجتماعية

شكرا على النقل
الله يفك سحره ان كان مسحور ويكون بعونه
ومايندرى وين المشكله فيه الى الان والتحقيقات جاريه ..
تسلم يالطيب ع الحضور والتعليق

[الكاريبي]

على العموم نقول اللهم لك الحمد والله يستر عليه وكل مسلم
لكن اللي سواه اخوه ماهوب طيب وعقد الوضع اكثر ،ودهور اخوه واهل اخوه !
يروح يبلغ عنه ويفضحه !!!
شكرا لك

[سُلاَفْ القَصِيدْ]

على العموم نقول اللهم لك الحمد والله يستر عليه وكل مسلم
لكن اللي سواه اخوه ماهوب طيب وعقد الوضع اكثر ،ودهور اخوه واهل اخوه !
يروح يبلغ عنه ويفضحه !!!
شكرا لك
شي بالنفس وش يسوي ضيع فلوسه وراتبه ومالقى الا انه يبلغ عنه
وآلآ المفروض يحلها بينهم ولا يفضح سر اخوه وتنتشر بالصحف ..
المفروض رجال كبير وعاقل ومايسوي اللي سواه ويضيع فلوسه ويهمل عياله ..
الله يستر على كل مسلم
شكرا لحضورك

[الكاريبي]

شي بالنفس وش يسوي ضيع فلوسه وراتبه ومالقى الا انه يبلغ عنه
وآلآ المفروض يحلها بينهم ولا يفضح سر اخوه وتنتشر بالصحف ..
المفروض رجال كبير وعاقل ومايسوي اللي سواه ويضيع فلوسه ويهمل عياله ..
الله يستر على كل مسلم
شكرا لحضورك
هالحين ضاع كلش !الفلوس والسمعة والوظيفة !!!!!!!!!!!
بعض الناس ما ودك يتدخل !امحق اخو !

شكرا على الحضور

[توليب2]

الا مزدي فيه بعد ضيع عياله وزوجته وفلوسه مناك مسحور بعد وانت يالكاريبي يعني

ماتصدق ابد انه مسحور منقلب راسه بعد مو لهذي الدرجه يصرف فلوسه كله عليه

وبعدين تقول اخاف زوجته ياخي يوم جابت له مبزره توه يعرف انه مافيه خير الله من الحسي بس

يرحم حالك

[عزوف]

اللهم لك الحمد على نعمه العقل,,

[سُلاَفْ القَصِيدْ]

هالحين ضاع كلش !الفلوس والسمعة والوظيفة !!!!!!!!!!!
بعض الناس ما ودك يتدخل !امحق اخو !

شكرا على الحضور
مشاكل الله يبعدنا عنها
تسلم ع الحضور

[سُلاَفْ القَصِيدْ]

الا مزدي فيه بعد ضيع عياله وزوجته وفلوسه مناك مسحور بعد وانت يالكاريبي يعني

ماتصدق ابد انه مسحور منقلب راسه بعد مو لهذي الدرجه يصرف فلوسه كله عليه

وبعدين تقول اخاف زوجته ياخي يوم جابت له مبزره توه يعرف انه مافيه خير الله من الحسي بس

يرحم حالك
الله يستر عليهم وع كل مسلم
لابد من ان ينفضح عاجلآ او اجلا يحسب كل شي بيدووم
تسلمين توليب ع الحضور

[سُلاَفْ القَصِيدْ]

اللهم لك الحمد على نعمه العقل,,
اللهم آمين
شكرا ع الحضور

[الكاريبي]

الا مزدي فيه بعد ضيع عياله وزوجته وفلوسه مناك مسحور بعد وانت يالكاريبي يعني

ماتصدق ابد انه مسحور منقلب راسه بعد مو لهذي الدرجه يصرف فلوسه كله عليه

وبعدين تقول اخاف زوجته ياخي يوم جابت له مبزره توه يعرف انه مافيه خير الله من الحسي بس

يرحم حالك
مزدي!!!والاخ هذا وش ضيّع ؟؟؟؟؟؟؟؟؟؟؟؟
صيّعهم كلهم خرب بيتهم جميعا ،منول نقول يمكن يهديه الله ويرجع الى اهله لكن هالحين حكم عليه بالنهاية !
لا بالله ماهوب مسحور ،وش تسحر فيه ؟وبعدين انا اقول انه متزوجها، بس ماعلم احد لان الزواج من الاجنبية لازم موافقة وزارة الداخلية !وهو اعرس وانتهى .واذكركم بكره اذا ماكان متزوج منها !
خلاص اعرس على زوجتك يصير مافيها خير؟وش هالحكي ؟
رجال واعرس ،وبزرانها معها تضفهم وتربيهم وهو يشوف حاله ويتنفس من الهم اللي هو عايش فيه
شكرا توليب

[توليب2]

اقتباس:
المشاركة الأصلية كتبت بواسطة توليب2

** الا مزدي فيه بعد ضيع عياله وزوجته وفلوسه مناك مسحور بعد وانت يالكاريبي يعني

ماتصدق ابد انه مسحور منقلب راسه بعد مو لهذي الدرجه يصرف فلوسه كله عليه

وبعدين تقول اخاف زوجته ياخي يوم جابت له مبزره توه يعرف انه مافيه خير الله من الحسي بس

يرحم حالك


مزدي!!!والاخ هذا وش ضيّع ؟؟؟؟؟؟؟؟؟؟؟؟
صيّعهم كلهم خرب بيتهم جميعا ،منول نقول يمكن يهديه الله ويرجع الى اهله لكن هالحين حكم عليه بالنهاية !
لا بالله ماهوب مسحور ،وش تسحر فيه ؟وبعدين انا اقول انه متزوجها، بس ماعلم احد لان الزواج من الاجنبية لازم موافقة وزارة الداخلية !وهو اعرس وانتهى .واذكركم بكره اذا ماكان متزوج منها !
خلاص اعرس على زوجتك يصير مافيها خير؟وش هالحكي ؟
رجال واعرس ،وبزرانها معها تضفهم وتربيهم وهو يشوف حاله ويتنفس من الهم اللي هو عايش فيه
شكرا توليب


كلن يراء الناس بعين طبعه

واكيد متزوج عليه وقالبه راسه بعد واذكرك والاجنبيه ماتاخذ السعودي لوجه الله

ولا لسود عيونه الحمدلله علشان الدراهم الي يخزنه ويمنع عياله منه ويحرم نفسه واخرته لحرمه

وخليه يتنفس خير فيه قبايل يتنفس والحرمه تراها تحس تبي تتنفس مثله مثل الرجال ولا وبعدين

تر العيال الي معه عياله بعد. يعني يناظرهم

وانا مو ضد انه يعرس بس كل الفلوس. ياخذه لحرمته خير عسئ ماشر

والرجال مستحيل يروح دراهمه كله لحرمه الا منقلب راسه:t20:

[الكاريبي]

اقتباس:
المشاركة الأصلية كتبت بواسطة توليب2



كلن يراء الناس بعين طبعه

واكيد متزوج عليه وقالبه راسه بعد واذكرك والاجنبيه ماتاخذ السعودي لوجه الله

ولا لسود عيونه الحمدلله علشان الدراهم الي يخزنه ويمنع عياله منه ويحرم نفسه واخرته لحرمه

وخليه يتنفس خير فيه قبايل يتنفس والحرمه تراها تحس تبي تتنفس مثله مثل الرجال ولا وبعدين

تر العيال الي معه عياله بعد. يعني يناظرهم

وانا مو ضد انه يعرس بس كل الفلوس. ياخذه لحرمته خير عسئ ماشر

والرجال مستحيل يروح دراهمه كله لحرمه الا منقلب راسه:t20:

وشلون كل يرى الناس بعين طبعه؟انا حامد ربي وقاضب عجوزي الله يفرج للجميع!
كان مامعه دراهم وش ينبغى به حتى عجوزه ام عياله تبي تطرده !
وشوله نجمع الدراهم ونتعب نبيها تنفع اذا جاء وقتها ،وذا صارت الحرمة التالية تستاهل عطاها ،والاوله امل البيت من الارزاق تاكل هي وعيالها لين !!!!
هذي الحريم اذا اعرس الرجال قالوا مسحور ،وابتلوا على هالحكي

شكرا توليب

[سُلاَفْ القَصِيدْ]

وشلون كل يرى الناس بعين طبعه؟انا حامد ربي وقاضب عجوزي الله يفرج للجميع!
كان مامعه دراهم وش ينبغى به حتى عجوزه ام عياله تبي تطرده !
وشوله نجمع الدراهم ونتعب نبيها تنفع اذا جاء وقتها ،وذا صارت الحرمة التالية تستاهل عطاها ،والاوله امل البيت من الارزاق تاكل هي وعيالها لين !!!!
هذي الحريم اذا اعرس الرجال قالوا مسحور ،وابتلوا على هالحكي

شكرا توليب

،وذا صارت الحرمة التالية تستاهل عطاها

هذي معك حق فيها بس اذ كان متزوجها لكن اللي بالخبر ( علاقة غير شرعية )
يعني لعبت عليه وهي ماتزوجته وشلون لو متزوجها وش راح تسوي ..!
والرجال ماصدق يسمع له كلمة زينه باع كل شي هع :t49:

[توليب2]

خير ماله الا يوم وتستاهل والي عنده له فوق العشرين سنه وذبلن كبدة ماتستاهل يعني واتحدك

اذا الرجال يطلع فلوسه كله الا مقلوب راسه وابصملك بالعشرة بعد

الحن حريم ونعرف بعض

[الكاريبي]

هذي معك حق فيها بس اذ كان متزوجها لكن اللي بالخبر ( علاقة غير شرعية )
يعني لعبت عليه وهي ماتزوجته وشلون لو متزوجها وش راح تسوي ..!
والرجال ماصدق يسمع له كلمة زينه باع كل شي هع :t49:

لايهمك الخبر ،هذا متزوجها ،وتبي تشوفون !
ماهوب معقول ياناس يصرف عليها المبلغ المذكور حتى لو ويش ماكان !
شكرا الراقية

[الكاريبي]

خير ماله الا يوم وتستاهل والي عنده له فوق العشرين سنه وذبلن كبدة ماتستاهل يعني واتحدك

اذا الرجال يطلع فلوسه كله الا مقلوب راسه وابصملك بالعشرة بعد

الحن حريم ونعرف بعض
عاد انتم يالحريم ابخص ،!!!
حرمة جديدة ولها حق والاوله خذت حقها وافي وتلقينها بعد معيفته عيشته بكثر النقرة هي وبزورها !

[سُلاَفْ القَصِيدْ]

لايهمك الخبر ،هذا متزوجها ،وتبي تشوفون !
ماهوب معقول ياناس يصرف عليها المبلغ المذكور حتى لو ويش ماكان !
شكرا الراقية
وش يتزوجها كان يقولون انها زوجته وش الدافع يتكتمون على الخبر
الرجال مو في وعيه الرجال مغسووول مخه
الله يستر من هـ الاشكال ..
انا عارفه ماراح تقتنع لو اقول اللي اقوله هع

[الكاريبي]

وش يتزوجها كان يقولون انها زوجته وش الدافع يتكتمون على الخبر
الرجال مو في وعيه الرجال مغسووول مخه
الله يستر من هـ الاشكال ..
انا عارفه ماراح تقتنع لو اقول اللي اقوله هع
بلاهم مايدرون انه متزوجها او عشان الخبر يجيله اصداء!
وبن علاقة سنة كاملة ؟
اقول مصير الايام توضح الخبر وتشوفون من اللي مايقتنع .
شكرا لك

[سُلاَفْ القَصِيدْ]

بلاهم مايدرون انه متزوجها او عشان الخبر يجيله اصداء!
وبن علاقة سنة كاملة ؟
اقول مصير الايام توضح الخبر وتشوفون من اللي مايقتنع .
شكرا لك
وش يخليهم يشوهووون سمعته كان قالوا متزوجها ولا يفضحوون الرجال
الشرع حلل اربع ..
ننتظر ونشوف ولو اني مقتنعه بكلامي 100%

[جروح الوفا*]

ياحبيلك يا توليب تعجبيني والله كلامك يشرح الصدر
وانا معك في كل كلمه قلتيهاا
الرجال ملحوسن مخه لحس قاضي مافيه شي قوطي فارغ
مافيه رجال عاقل يصرف ماوراه ودونه لحرمه ماعرفها الا في ايام او شهور الا فيه انا
خل عنا كلامك يا الكاريبي قبل انت ضد الحريم يعني من تزوج فحرمته الاولى مقرقته ومنكده عليه
الا العوده لا عودت تهبلت ترجع لسن المراهقه مالت عليه الله جعلها تاخذا كل ماعنده وتخليه على الحديده
ويشحذا باكر عند باب المسجد

[أبـوحـمـد]

انا اقول الرجال صااحي ولا اصحى منه

والحرمه هذي ماهي زوجته

بسسس جاء بينهم علاقه غير شرعيه ولعبت عليه بالكلام الجميل والحلووووو

الي يمكن انه فقده من زوجته الاوله واول مره يسسسمعه في حياته

غير اتجاااهه اليها ..


وبسسسسسس

[جروح الوفا*]

وش دراك ياابوحمد انه صاحي كاشف عليه
ياخي مثل ماتحبون الكلام الحلو على قولتكم الحريم تحب ليش هي ماتحس
او الاحساس عندكم لحالكم كل شي ماسكينه على الحريمه ياعمري

[أبـوحـمـد]

وش دراك ياابوحمد انه صاحي كاشف عليه
ياخي مثل ماتحبون الكلام الحلو على قولتكم الحريم تحب ليش هي ماتحس
او الاحساس عندكم لحالكم كل شي ماسكينه على الحريمه ياعمري

القصه بينه وواضحه يا جروح وماتبي كشف ولا شي...

وانا ما الوم الحرمه بالعكس انا معك في كلامك ولزم يكون هناك تبادل احساااس بينهم

لكن هذا تكون من بدايه الزواج مو اذا جاب منها 5 اطفال او 7 توه يحسسها بالكلام الزين اكيد بتستغرب

والعكسسس صحيح...

[توليب2]

وبعدين يابو حمد لاتحط بذمك شي وانت ماتدري يمكن حرمته الاول سنعه وكلامه حلوو

بس بعض الرجاجيل اذا كبروو انهبلو الله من وحدة كلامة عسل

مع زوجه واعرفهم وصكه بحرمه الرجال لو تنفضين عليه مايفيد فيه

وبعدين على قول المثل منول الرجال انفضيه نفض الردا اذا صار لك نصيب ماضاع

مانقول غير حسبي الله عليه كبر بهبال. اجل بالله عليك حرمه تكب عليه كل دراهمك خير ان شالله الا مغسول ونص عقله

[سُلاَفْ القَصِيدْ]

ان كيدهن عظييم !!
حياكم يالطيبين منورين بحضوركم

[الكاريبي]

مشكلة اذا صار الجميع يصادر راي الاخر لكونه معارض فكرهم!
كلكم تقولون مخطي !
حكم كذا على طول

[سُلاَفْ القَصِيدْ]

مشكلة اذا صار الجميع يصادر راي الاخر لكونه معارض فكرهم!
كلكم تقولون مخطي !
حكم كذا على طول
لان انت ماتؤمن بشي اسمه سحر
بالرغم من القصص اللي نسمعها ونقرأها لكن ماتقتنع
عجزنا نقنع فيك ولا اقتنعت !!
اجل بالاخير تقول متزوجها ولا ودهم يعلموون هههه! :dp396:

[توليب2]

مشكلة اذا صار الجميع يصادر راي الاخر لكونه معارض فكرهم!
كلكم تقولون مخطي !
حكم كذا على طول


بلا الله عليك الي فعل فعلته وش حكمه

الله يرضا عليك يالله نشوف ردك كل هذا ولا اخطاا سبحان الله

[جروح الوفا*]

توليب لاتتعبين عمرك
الرجاجييل دايم هم اللي كلامهم صح حتى لو انهم يعرفون انه خطاء
اهم شي عندهم انهم اللي على حق دايم وهي اللي على غلط
الكاريبي وابوحمد مستحيل يقتنعون بالسحر موب جهل فيهم بس بمزاجهم
ولا واحد بايع ماوراه ودونه على حرمه اجنبيه مايعرف اصلها من فصلها
حب فيهاايعني انعدمن الحريم الاساحرته ومنتهي كل شي وكل شي واضح مايحتاج تفسير
الله من القصص الحقيقيه اللي نسمع ونشوف بس مانقدر نقول شي هينا

[توليب2]

يالبي قلبك هذا الكلام السنع فديتك والله

[الكاريبي]

خلاص ،خلاص
انا مخطي وابوحمد مخطي واي واحد يعارضكم مخطي لو انه صح!!!

[معانق هم]

بصراحة اكثر شي عجبني بالموضوع
اثاث الشقه .. متعوب عليه :biggrin:

[توليب2]

بصراحة اكثر شي عجبني بالموضوع
اثاث الشقه .. متعوب عليه


منور الساحه معانق والاثاث الله يسلمك مشغل مو شقه فقط للتنبيه

ومشكور مره اخره

[معانق هم]

بصراحة اكثر شي عجبني بالموضوع
اثاث الشقه .. متعوب عليه


منور الساحه معانق والاثاث الله يسلمك مشغل مو شقه فقط للتنبيه

ومشكور مره اخره

النور نوركم .. اخخخخخ خطأ فادح
شكراً لتنبيه :t24:

[سُلاَفْ القَصِيدْ]

خلاص ،خلاص
انا مخطي وابوحمد مخطي واي واحد يعارضكم مخطي لو انه صح!!!
http://www.tumaer.com/vb/images/icons/thumbsup535.gif

[سُلاَفْ القَصِيدْ]

بصراحة اكثر شي عجبني بالموضوع
اثاث الشقه .. متعوب عليه :biggrin:
http://www.tumaer.com/vb/images/icons/333333.gif

[معانق هم]

http://www.tumaer.com/vb/images/icons/333333.gif


^^

حلوه نسفتك :biggrin: