شاب سعودي يدعوا للإسلام بطريقة حضارية و ينال إعجاب رواد الكيك

[سُلاَفْ القَصِيدْ]

آل فريان : شاب سعودي يدعوا للإسلام بطريقة حضارية و ينال إعجاب رواد الكيك

http://www.slaati.com/wp-content/uploads/2013/03/%D8%AE%D8%A7%D9%84%D8%AF-%D8%A7%D9%84-%D9%81%D8%B1%D9%8A%D8%A7%D9%86.jpg


عبدالعزيز القثامي ( صدى ) : تميز “خالد آل فريان” عن غيره من مستخدمي برنامج “الكيك” عندما ذهب بعضهم للفكاهة والانتقاد لجذب المتابعين بطرق شتى , إلا انه كان له أسلوب أخر للوصول إلى قلوب متابعيه باستخدام فكرة الدعوة إلى الدين و إيصال الصورة الحقيقة للإسلام بطريقة حضارية جميلة , واعتمد على نشر العادات الجميلة وتصحيح النظرة السلبية التي تجتاح الإسلام تحت عدة مسميات و تيارات.
كما كان له بصمة لطرح بعض الفيديوهات التي تجمع اللغتين العربية و الانجليزية التي استقصد بها إيصال صوت الإسلام إلى الدول الغربية , كما قام بتصوير عدد من المقاطع داخل ( المساجد – المقابر ) وغيرها , ليكون من باب الوعظ و العبرة .
ورصدت “صدى” انه بلغ عدد المشاهدات لمقاطعه على الكيك ما يتجاوز (5.360.723) مشاهدة , وعدد الفيديوهات التي قام بتسجيلها (85) مقطع , وكما يتضح من الرقم المذكور للمشاهدات مقابل عدد الفيديوهات المسجلة , الذي يؤكد إعجاب الكثير من عشاق هذه التقنية , و يثبت تميزه في الطرح و الدعوة .
الجدير بالذكر أن خالد آل فريان طالب طب يبلغ من العمر 19 عاماً ولم يتواجد في هذا العالم الالكتروني إلا لبث الإسلام الحقيقي بطريقة حضارية جميلة , ورسم الأبتسامه على وجوه متابعيه.
فيديو 1 ( هنا ) (http://www.keek.com/ZH8AN#rWXybab)
فيديو 2 ( هنا ) (http://www.keek.com/%21AQEubab)
فيديو 3 ( هنا ) (http://www.keek.com/%21Xfnpbab)
فيديو 4 ( هنا ) (http://www.keek.com/%21ghznbab)


http://www.slaati.com/2013/03/28/p28889.html

[الكاريبي]

الله ينفع به ولا يتكل عليه ،ولا يخيب التعب

شكرا على النقل

[سُلاَفْ القَصِيدْ]

الله ينفع به ولا يتكل عليه ،ولا يخيب التعب

شكرا على النقل
اللهم آمين
نآدرا ماتجد اشخآص يستغلون هـ الاشياء في الدعوه الى الله
الله يوفقه ..
شكرا لك ولحضورك ..

[الكاريبي]

اللهم آمين
نآدرا ماتجد اشخآص يستغلون هـ الاشياء في الدعوه الى الله
الله يوفقه ..
شكرا لك ولحضورك ..
تبين الصحيح ،والراي اللي في خاطري !

[جروح الوفا*]

عوافي على النقل

[توليب2]

الله يجزه خير يارب.

[سُلاَفْ القَصِيدْ]

تبين الصحيح ،والراي اللي في خاطري !
اكيد ابي الصحيح واللي بخاطرك ..

[سُلاَفْ القَصِيدْ]

شكرا جروح
شكرا توليب على الحضور

[لميس]

الله يكثر من امثاله يارب
مششكورة يالغلا ع الخبر

[الكاريبي]

اكيد ابي الصحيح واللي بخاطرك ..
تصدقين من ساعيتن تقريبا اسأل واحد اقوله وش الكيك؟والله العظيم هذا اللي حاصل !
تكلم عنه وقال نصيحة مالك وماله !وانا في نفسي ابعرف مصطلح الكيك اللي له يومين اسمع به هنا في المنتدى ،وخصوصا هذا الموضوع ،
الفريان نقول جزاك الله ،لكن اللي قاعد تسويه اضاعة للوقت ،والوقت له ثمن ،حتى المظهر اللي هو طالع به غير لائق ومقبول للدعوة ،راكب مع صديقك وقاعد تميدح !
واقف في مقبرة ،!
المشاهدين خمسة مليون والنتيجة ؟
تبي تعرفين الدعوة الصحيحة والواقعية والحسية والانتاج !
الشيخ الدكتور عبدالرحمن السميط رحمة الله عليه ،رجل بأمة ،رجل وهب نفسه وماله للدعوة الى الله ،اسلم على يده عشره مليون نسمه في القارة الافريقية !العشرة مليون نسمه كم يخرج من اصلابهم من مليون مسلمين !!!
وكل اجر هؤلأ للدكتور عبدالرحمن السميط !
علما انه كان مريض !!

[سُلاَفْ القَصِيدْ]

تصدقين من ساعيتن تقريبا اسأل واحد اقوله وش الكيك؟والله العظيم هذا اللي حاصل !
تكلم عنه وقال نصيحة مالك وماله !وانا في نفسي ابعرف مصطلح الكيك اللي له يومين اسمع به هنا في المنتدى ،وخصوصا هذا الموضوع ،
الفريان نقول جزاك الله ،لكن اللي قاعد تسويه اضاعة للوقت ،والوقت له ثمن ،حتى المظهر اللي هو طالع به غير لائق ومقبول للدعوة ،راكب مع صديقك وقاعد تميدح !
واقف في مقبرة ،!
المشاهدين خمسة مليون والنتيجة ؟
تبي تعرفين الدعوة الصحيحة والواقعية والحسية والانتاج !
الشيخ الدكتور عبدالرحمن السميط رحمة الله عليه ،رجل بأمة ،رجل وهب نفسه وماله للدعوة الى الله ،اسلم على يده عشره مليون نسمه في القارة الافريقية !العشرة مليون نسمه كم يخرج من اصلابهم من مليون مسلمين !!!
وكل اجر هؤلأ للدكتور عبدالرحمن السميط !
علما انه كان مريض !!
كلآم جميل لكن انا مختلفه معك نوعآ مآ ..
الكيك تطرقنا عنه في موضوع فتآة الكيك شكلك ناسي الموضوع ..!!
وهذآ الرجآل الله يجزآه خير يدعو بطريقه حضآريه ومكلف نفسه وبـ آلآخير تقول يتميدح وآضآعة الوقت
وانت الحين حكمت عليه بالمظهر وانما الاعمال بالنيآت .. وكل جيل يختلف عن الآخر بطريقة الدعوه للاسلام .. وش جاب الشيخ رحمه الله لـ هذا وهو توه في بداياته
وتعرف من هم روآد الكيك اللي اعجبوا بدعوته العرب والاجانب .. يعني اغلبهم ماعندهم خلفيه عن الدين الاسلامي ..
وكل واحد وطريقته بالدعوه هذا دعوته حضاريه شاف ان اغلب مستخدمي الكيك تطغي عليهم السلبيه في استخدامه والله يجزاه خير حاول وبطريقته ايصال صوته لجميع الدول عن طريق الكيك
واول مره يمر علي ان فيه واحد يستخدم الكيك للدعوه الى الاسلام ..


واقف في مقبرة ،!

وش فيها اذا وقف عند المقبره هذا من باب العظه والعبره
وشلون تبي الواحد يتعظ اكثر ..!
فيه قصة القسيس النصراني عندما اسلم لما شاف جنازه الملك فهد رحمه الله ونطق الشهادتين، وذلك نظراً لبساطة تشييع الجنازه ..
شكرا ع حضورك ومداخلتك

[الكاريبي]

واقف لي في مقبرة وتقول شف القبر !اما روضة من رياض الجنة والا عذاب !
وش الجديد ؟والطريقة الحضارية والاسلوب الجديد اللي ابتدعه الاخ هذا؟
اجل واقف ،السلام عليكم !!!!
ابعرف وش خذت منه ؟؟؟؟؟؟؟؟؟؟
انت سهران !خذ لك ركعة وتر،ثم يقول (يا الله )!!!!!!
وتقولين توه في مقتبل العمر !هذا ماهوب لاعب والا فنان كل مايتقدم به السن يتطور عطاءه ،لو يشوف له طريقة ثانية يكون افضل !
انا ما قول في نيته شي وان شاء الله انه جايب جهد لكن المفروض ينصحونه ان اللي قاعد يسويه غير مقبول ،والمشاهدات ليست دليل قبول واتباع !
الدكتور عبدالرحمن السميط له اكثر من ثلاثين سنة وهو في القارة الافريقية يدعوا ،ومرض واستمر ،واجه اخطار واستمر !رجل فعل ماتكلم !اذا الاخ صامل للدعوة وهو توه نشيط وصغير يسوي مثل عبدالرحمن السميط !
للمعلومية السميط فرغ نفسه للدعوة وهو كبره !اخذ مليون ريال جائزة الملك فيصل وانفقها في سبيل الدعوة ما اخذ منها هللة واحده،
ذكري للسميط نموذج فقط
يا ناس الدعوة ماهيب تسدح ومقابل جهاز ،
ترى للمعلومية شفت مقطعين وصكيته على طول !

[سُلاَفْ القَصِيدْ]

واقف لي في مقبرة وتقول شف القبر !اما روضة من رياض الجنة والا عذاب !
وش الجديد ؟والطريقة الحضارية والاسلوب الجديد اللي ابتدعه الاخ هذا؟
اجل واقف ،السلام عليكم !!!!
ابعرف وش خذت منه ؟؟؟؟؟؟؟؟؟؟
انت سهران !خذ لك ركعة وتر،ثم يقول (يا الله )!!!!!!
وتقولين توه في مقتبل العمر !هذا ماهوب لاعب والا فنان كل مايتقدم به السن يتطور عطاءه ،لو يشوف له طريقة ثانية يكون افضل !
انا ما قول في نيته شي وان شاء الله انه جايب جهد لكن المفروض ينصحونه ان اللي قاعد يسويه غير مقبول ،والمشاهدات ليست دليل قبول واتباع !
الدكتور عبدالرحمن السميط له اكثر من ثلاثين سنة وهو في القارة الافريقية يدعوا ،ومرض واستمر ،واجه اخطار واستمر !رجل فعل ماتكلم !اذا الاخ صامل للدعوة وهو توه نشيط وصغير يسوي مثل عبدالرحمن السميط !
للمعلومية السميط فرغ نفسه للدعوة وهو كبره !اخذ مليون ريال جائزة الملك فيصل وانفقها في سبيل الدعوة ما اخذ منها هللة واحده،
ذكري للسميط نموذج فقط
يا ناس الدعوة ماهيب تسدح ومقابل جهاز ،
ترى للمعلومية شفت مقطعين وصكيته على طول !

انا عارفه ماراح تقتنع لو نكتب لبكره بس بسوي اللي علي لاني مقتنعه بشغله ..
الدعوه للاسلآم تختلف عن السآبق اصبحت الان عن طريق النت وانت جالس تقهوى ترسل للمنتديات والمواقع والقروبات الأجنبيه وتدعوهم للاسلام واحتسب الأجر عند الله
والحمدلله انه يستخدم الكيك في الخير مو مثل البعض في السخافات وقلة الحياء ..!
وان شاء الله يكون له مستقبل في الدعوه الى الله و كل شي بعلم الغيب ..
والله لو فكرت كلنا مقصرين من ناحية الدعوه للاسلام كم من واحد مايعرف معنى الاسلام من خدم وغيرهم الكثيير ..
يقول رسول صلى الله عليه وسلم : ادعهم إلى الإسلام وأخبرهم بما يجب عليهم من حق الله تعالى فيه، فوالله لأن يهدي الله بك رجلاً واحداً خير لك من حمر النعم ..

[الكاريبي]

يعني اقتنع بالقوة ،بالنار والحديد!
جيبوا شي يقنع ونقتنع لكن غصب مانيب مقتنع ابد !
الظاهر ان الفريان يبي يسوي مثل ذاك المصر عمر خالد الداعية !
اقول الله يوفقه منبسط على عدد المشاهدات ،ليته يتفرغ لدراسته ،وان كانه صامل على الدعوة يقرأ عن عبدالرحمن السميط!
على فكرة ترى السميط دكتور باطنية وخذ فترة يناظر في شكله ويقول الله يرحمه انا شكلي ماهوب شكل دكتور ،وتفرغ للدعوة الله يرحمه وكل مسلم

شكرا الراقية على الموضوع الرائع

[سُلاَفْ القَصِيدْ]

يعني اقتنع بالقوة ،بالنار والحديد!
جيبوا شي يقنع ونقتنع لكن غصب مانيب مقتنع ابد !
الظاهر ان الفريان يبي يسوي مثل ذاك المصر عمر خالد الداعية !
اقول الله يوفقه منبسط على عدد المشاهدات ،ليته يتفرغ لدراسته ،وان كانه صامل على الدعوة يقرأ عن عبدالرحمن السميط!
على فكرة ترى السميط دكتور باطنية وخذ فترة يناظر في شكله ويقول الله يرحمه انا شكلي ماهوب شكل دكتور ،وتفرغ للدعوة الله يرحمه وكل مسلم

شكرا الراقية على الموضوع الرائع
ايه لازم تقتنع وبالقوه ..!
تدري ان البعض يحطون ستيكرز ( ملصقات ) على سياراتهم للتعريف بالاسلام فما بالك بهذآ الشاب اللي يدعو عن طريق الكيك ..
وش عليك بعدد مشاهداته او لبسه الحمدلله لبسه ساتر ومافيه شي
المهم خلنا في اساس الموضوع ..!
اهم شي كيف تجذب المشاهد لك وبأسلوبه وبطريقته نجح من الناحيه هذي .. اهم شي تحقيق الهدف والحمدلله هدفه نشر الدعوه وتحققت بفضل من الله ..

[الكاريبي]

ايه لازم تقتنع وبالقوه ..!
تدري ان البعض يحطون ستيكرز ( ملصقات ) على سياراتهم للتعريف بالاسلام فما بالك بهذآ الشاب اللي يدعو عن طريق الكيك ..
وش عليك بعدد مشاهداته او لبسه الحمدلله لبسه ساتر ومافيه شي
المهم خلنا في اساس الموضوع ..!
اهم شي كيف تجذب المشاهد لك وبأسلوبه وبطريقته نجح من الناحيه هذي .. اهم شي تحقيق الهدف والحمدلله هدفه نشر الدعوه وتحققت بفضل من الله ..


بالقوة ابقتنع ،حيل الله اقوى ،
بس ودي اشوف شي يقنع ،عجزت والله،
وفكرت فيه ،وفكرت كثير وحاولت ،وقلت لو يخلي عنه العبث ويبحث عن طريقة افضل ،يشوف حاله فيها ،!
يالراقية احمد ديدات وهو احمد ديدات جلس سنين وهو يقارع القساوسة والنصارى بلادلة القاطعة وعجز عنهم تبين هذا بين يوم وليلة ينشر الاسلام بالكلام اللي قاعدين نسمعه !
قال ايش قال (السلام عليكم)هذا المسجد !هذي المقبرة !
اقول خليه يوسع صدره هماه جايزله ،
وبعدين عطينا نتائج عمله ؟خل نشوف !
وش يقرب له الفريان اللي دايم يظهر في الصور؟؟؟؟؟؟؟؟

[سُلاَفْ القَصِيدْ]

بالقوة ابقتنع ،حيل الله اقوى ،
بس ودي اشوف شي يقنع ،عجزت والله،
وفكرت فيه ،وفكرت كثير وحاولت ،وقلت لو يخلي عنه العبث ويبحث عن طريقة افضل ،يشوف حاله فيها ،!
يالراقية احمد ديدات وهو احمد ديدات جلس سنين وهو يقارع القساوسة والنصارى بلادلة القاطعة وعجز عنهم تبين هذا بين يوم وليلة ينشر الاسلام بالكلام اللي قاعدين نسمعه !
قال ايش قال (السلام عليكم)هذا المسجد !هذي المقبرة !
اقول خليه يوسع صدره هماه جايزله ،
وبعدين عطينا نتائج عمله ؟خل نشوف !
وش يقرب له الفريان اللي دايم يظهر في الصور؟؟؟؟؟؟؟؟
مادام مااقتنعت من الاول كيف بتقتنع من الاخر
نتائج عمله اللي شفته مايحتاج نعيد ونكرر
الفريان والله مدري عنه ليش انت تعرف شي عنه
غريبه قارنت بينهم ..!!

[الكاريبي]

مادام مااقتنعت من الاول كيف بتقتنع من الاخر
نتائج عمله اللي شفته مايحتاج نعيد ونكرر
الفريان والله مدري عنه ليش انت تعرف شي عنه
غريبه قارنت بينهم ..!!
لا والله ماعرفه الله يستر علينا وعليه ويوفقه ،

لكن انا ابديت اللي في خاطري والحمدلله !!!
شكرا الراقية على سعة الصدر والمواضيع الطيبة ،حقيقة مواضيعك لها روح ،خصوصا حبك لمواضيعك ومتابعتها وهذا تميز فيك ،

وفقك الله

[سُلاَفْ القَصِيدْ]

لا والله ماعرفه الله يستر علينا وعليه ويوفقه ،

لكن انا ابديت اللي في خاطري والحمدلله !!!
شكرا الراقية على سعة الصدر والمواضيع الطيبة ،حقيقة مواضيعك لها روح ،خصوصا حبك لمواضيعك ومتابعتها وهذا تميز فيك ،

وفقك الله
حياك الله
والاختلاف في الرأي لا يفسد للود قضية ..
شاكره لك ولمداخلاتك الاكثر من رائعه وسعة صدرك ..

[سُلاَفْ القَصِيدْ]

الله يكثر من امثاله يارب
مششكورة يالغلا ع الخبر
آمين
شكرا لك ولحضورك