معلِّم من "المخواة" يتبرَّع بـ"كُلية" لزوجته

[سُلاَفْ القَصِيدْ]

بعد 3 سنوات من المعاناة مع عمليات الغسيل



معلِّم من "المخواة" يتبرَّع بـ"كُلية" لزوجته



http://sabq.org/files/news-image/147694.jpg?1363549321

عبد الله البرقاوي- سبق: ضرب معلِّم في مركز الشعراء بمحافظة المخواة في منطقة عسير موقفاً جميلاً في الوفاء، عندما تبرَّع اليوم بكُليته لزوجته، عقب معاناة استمرت ثلاث سنوات مع عمليات الغسيل شبه اليومية.

وأجرى المعلّم حسين يحيى الزهراني، أمين المصادر بمدرسة ابن سينا بالشعراء، العملية هو وزوجته صباح اليوم في مستشفى الملك فيصل التخصصي بجدة، وتكللت بالنجاح ولله الحمد.

وكانت زوجة المعلم تعاني فشلاً كلوياً منذ أكثر من ثلاث سنوات، ويضطر زوجها للسفر معها ثلاث مرات في الأسبوع لإجراء عملية غسيل كلوي.

وقبل أيام قليلة عرضت والدة الزوجة التبرع لابنتها بالكُلية، لكن التحاليل أثبتت عدم جدوى ذلك، قبل أن يعلن الزوج تبرعه، وإذا بالتحاليل تتطابق، وتتم العملية اليوم.
وكان "الزهراني" قد تزوَّج قبل أكثر من ثماني سنوات، ورُزق من زوجته بطفل وطفلة.



معلِّم من "المخواة" يتبرَّع بـ"كُلية" لزوجته (http://sabq.org/QTyfde)

[الكاريبي]

بيض الله وجهه ،بغض النظر عن انها زوجته لكن عمل انساني ،
للمعلومية يا اخوان ترى ماهوب ملزوم بعلاجها يروحها لهلها ان بغوا يعالجونها والا بصرها !
الرجال اوفياء !

شكرا على النقل

[سُلاَفْ القَصِيدْ]

بيض الله وجهه ،بغض النظر عن انها زوجته لكن عمل انساني ،
للمعلومية يا اخوان ترى ماهوب ملزوم بعلاجها يروحها لهلها ان بغوا يعالجونها والا بصرها !
الرجال اوفياء !

شكرا على النقل
ماشاء الله عليه رجل وفي وشهم
لو غيره مثل ماتفضلت يوديها لاهلها ويتزوج غيرها
هـ النوعيه كثير الله يهديهم
شكرا ع حضورك

[لميس]

والله يوم قريت الخبر دمعت عيني الله يوفقه ويجزاه كل خير
فعلا هالرجال يشرف وشهم ووفي لزوجته لوغيره تزوج عليها
الله يبيض وجهه ويرزقه ربي مايتمناه والله رحمة زوجته 3 سنوات تعاني !!
الله يششفيها ويخليهم لبعض والله يكثر من امثالها والله اشكاله نادر مانلاقيهم بهالدنيا
خبر يثلج الصدر والله :)

[الكاريبي]

ماشاء الله عليه رجل وفي وشهم
لو غيره مثل ماتفضلت يوديها لاهلها ويتزوج غيرها
هـ النوعيه كثير الله يهديهم
شكرا ع حضورك
نعم ،يعرس ولاعليها منها بعد
لكن تلقينه قصر من التردد بها للمستشفيات وقال ابنطل هالكليه عليها ونخلص

بيض الله وجهه

[لميس]

الي يتزوج على زوجته وهي مريضه هذا للاسف مب انسسان ومايخاف ربه فيها
اذا ماوقف معها بمحنتها ومرضها من بيوقف معها يعني هو لومكانها والله مستحيل الزوجه بتتركه
الااذا الززوجه نفسسها سمحت له يتزوج هنا مانقدر نقول شيء بس كذا خلاص تعبت يتركهها لا والله هذي قمة القهرر !!
وش معنا هويتزوج عليها كذا بيزيد مرضها مرضيين والله لايوفق من يسوي بزوجته كذا

[سُلاَفْ القَصِيدْ]

والله يوم قريت الخبر دمعت عيني الله يوفقه ويجزاه كل خير

فعلا هالرجال يشرف وشهم ووفي لزوجته لوغيره تزوج عليها
الله يبيض وجهه ويرزقه ربي مايتمناه والله رحمة زوجته 3 سنوات تعاني !!
الله يششفيها ويخليهم لبعض والله يكثر من امثالها والله اشكاله نادر مانلاقيهم بهالدنيا

خبر يثلج الصدر والله :)

الله يجزآه خير والله نآدرآ مانسمع ونشوف مثل هـ التضحيات
حياك لميس منوره بوجودك ومداخلتك الاكثر من رائعه

[سُلاَفْ القَصِيدْ]

نعم ،يعرس ولاعليها منها بعد
لكن تلقينه قصر من التردد بها للمستشفيات وقال ابنطل هالكليه عليها ونخلص

بيض الله وجهه
اكيد بيعرس ولآ عليه منها لكن بيلقآه بكره ويحآسبه ربي
على كل صغيره وكبيره سوآهآ في هـ الضعيفه
اما ينطل عليها كليته ويخلص وش حآده بالعكس هذآ رجل نادر الوجود ماشاء الله عليه
الله يخليهم لبعض ..

[سُلاَفْ القَصِيدْ]

الي يتزوج على زوجته وهي مريضه هذا للاسف مب انسسان ومايخاف ربه فيها
اذا ماوقف معها بمحنتها ومرضها من بيوقف معها يعني هو لومكانها والله مستحيل الزوجه بتتركه
الااذا الززوجه نفسسها سمحت له يتزوج هنا مانقدر نقول شيء بس كذا خلاص تعبت يتركهها لا والله هذي قمة القهرر !!
وش معنا هويتزوج عليها كذا بيزيد مرضها مرضيين والله لايوفق من يسوي بزوجته كذا
بعض الرجآل ماعندهم وقت من تتعب زوجته على طول يفكر بوحده ثآنيه
عالم غريبه والله
شكرا لمداخلتك لموسه

[الكاريبي]

اكيد بيعرس ولآ عليه منها لكن بيلقآه بكره ويحآسبه ربي
على كل صغيره وكبيره سوآهآ في هـ الضعيفه
اما ينطل عليها كليته ويخلص وش حآده بالعكس هذآ رجل نادر الوجود ماشاء الله عليه
الله يخليهم لبعض ..
امين الله لايحرمهم من بعض ويشفيهم ،لكن يحاسبه ربي عشانه معرس!
وش حاده؟ تعب ،وعذبته زوجته يشوفها تتوجع وقطعت قلبه ،قال مالها الا الله ثم انا !

الله يشفيها ويعافيها ويعافيه يارب .
عاد لو حرمته وافيه، اذا عافها ان شاء الله تروح تخطب له وترضيه !

[الكاريبي]

بعض الرجآل ماعندهم وقت من تتعب زوجته على طول يفكر بوحده ثآنيه
عالم غريبه والله
شكرا لمداخلتك لموسه
الراقية انا رحمت لميس !!!!!!!
تقول دمعت عينها !!!!

[سُلاَفْ القَصِيدْ]

امين الله لايحرمهم من بعض ويشفيهم ،لكن يحاسبه ربي عشانه معرس!
وش حاده؟ تعب ،وعذبته زوجته يشوفها تتوجع وقطعت قلبه ،قال مالها الا الله ثم انا !

الله يشفيها ويعافيها ويعافيه يارب .
عاد لو حرمته وافيه، اذا عافها ان شاء الله تروح تخطب له وترضيه !
اليوم انت تدافع عن الرجال
كل يوم لك شكل هههه :t20:

[سُلاَفْ القَصِيدْ]

الراقية انا رحمت لميس !!!!!!!
تقول دمعت عينها !!!!
قلبهآ رحوم مو مثل بعض النآس !! :71:

[الكاريبي]

اليوم انت تدافع عن الرجال
كل يوم لك شكل هههه :t20:
هاه
تراي انسى !!!
http://www.tumaer.com/vb/images/icons/icon6.gif

[الكاريبي]

قلبهآ رحوم مو مثل بعض النآس !! :71:
انا تو مقضي كرتون كلينكس ،وهالحين امسح دموع بشماغي !!

بيض الله وجهك على الاخبار اللي تجيبينها عز الله انها وسعت صدورنا ،وتحملينا ان زدنا بالكلام والا زليّنا بشي كل انسان ماهوب معصوم !
الف شكر لك

[لميس]

ههههههههههه اي والله قلبي رحوم مومثلك تبيه يتزوج عليها
ترا بنحقد علييك خليك بصف الحريم ولابيدعون عليك

[سُلاَفْ القَصِيدْ]

انا تو مقضي كرتون كلينكس ،وهالحين امسح دموع بشماغي !!

بيض الله وجهك على الاخبار اللي تجيبينها عز الله انها وسعت صدورنا ،وتحملينا ان زدنا بالكلام والا زليّنا بشي كل انسان ماهوب معصوم !
الف شكر لك
الله يوسع صدورنا بالعآفيه
ومآجآء منك آلآ كل خير
وتسلم وماقصرت على تعليقاتك الممتعه

[سُلاَفْ القَصِيدْ]

ههههههههههه اي والله قلبي رحوم مومثلك تبيه يتزوج عليها
ترا بنحقد علييك خليك بصف الحريم ولابيدعون عليك
ماعليك منه بعد مسحته بشمآغه عرفت انه بصفنا http://www.tumaer.com/vb/images/icons/icon12.gif

[الكاريبي]

ماعليك منه بعد مسحته بشمآغه عرفت انه بصفنا http://www.tumaer.com/vb/images/icons/icon12.gif
ايه مرة معكم ،وفي صفكم !
انا ابدخل مندخل ذبحني العج والبرد ،جالس برا كنه به علم ،والا يجيني اثيوبي وانا لحالي

[سُلاَفْ القَصِيدْ]

ايه مرة معكم ،وفي صفكم !
انا ابدخل مندخل ذبحني العج والبرد ،جالس برا كنه به علم ،والا يجيني اثيوبي وانا لحالي
الله يكون بعونك شكلك مندمر غبآر

[توليب2]

لا والله غنمه مو حرمة يعني اذا صارت مريضه يذبه خير ان شاءالله

هو المسول عنها وعن علاجه وبعدين ليت تصير قلوبنا قويه شوي

علشان اذا تعب الرجال بدله رجال نذبه عند اهله مانبي واحد مريض


على العموم هذا الرجال مشاء الله عليه ولا يالكاريبي

[جروح الوفا*]

ماشاءالله عليه كذا الرجال ولابلاش منهم
الله يكثر من امثاله يارب
تسلمي يا الغلا على الخبريه

[سُلاَفْ القَصِيدْ]

لا والله غنمه مو حرمة يعني اذا صارت مريضه يذبه خير ان شاءالله

هو المسول عنها وعن علاجه وبعدين ليت تصير قلوبنا قويه شوي

علشان اذا تعب الرجال بدله رجال نذبه عند اهله مانبي واحد مريض


على العموم هذا الرجال مشاء الله عليه ولا يالكاريبي
الله يستر ياتوليب شكلك تخوفين ههه
منوره بحضورك ومداخلتك

[سُلاَفْ القَصِيدْ]

ماشاءالله عليه كذا الرجال ولابلاش منهم
الله يكثر من امثاله يارب
تسلمي يا الغلا على الخبريه
الله يسلمك منوره

[توليب2]

خخخخخ في هذا الزمن ماتنفع الطيبه وانتي سمعتي الكاريبي وش يقول

وللمعلوميه الرجال الي طيب وحرمته تعبانه يخليه على ذمته والرجال ماله امان

[الكاريبي]

لا والله غنمه مو حرمة يعني اذا صارت مريضه يذبه خير ان شاءالله

هو المسول عنها وعن علاجه وبعدين ليت تصير قلوبنا قويه شوي

علشان اذا تعب الرجال بدله رجال نذبه عند اهله مانبي واحد مريض


على العموم هذا الرجال مشاء الله عليه ولا يالكاريبي
ماهوب مسئول عنها اذا مرضت !لها اهل ،وهو ماله الا حرمة صاحية ،واذا عالجها فهذا طيب منه .
عاد الرجال حرام يذب يكسر الخاطر عقب التعب والكد اخرتها ينطل !!!!!!!
ونعم الرجل ماشاء الله عليه ،وعز الله انك صادقه رجال عطى زوجته كليته ،

شكرا لك

[الكاريبي]

خخخخخ في هذا الزمن ماتنفع الطيبه وانتي سمعتي الكاريبي وش يقول

وللمعلوميه الرجال الي طيب وحرمته تعبانه يخليه على ذمته والرجال ماله امان
وش انا قايل ؟ماقلت شي

[سُلاَفْ القَصِيدْ]

خخخخخ في هذا الزمن ماتنفع الطيبه وانتي سمعتي الكاريبي وش يقول

وللمعلوميه الرجال الي طيب وحرمته تعبانه يخليه على ذمته والرجال ماله امان
الكاريبي نوعيه نادره ههههه
هذي الدنيآ مافيها احد مستريح وكل واحد يسوي بأصله ..

تشكرات توليب ع المداخله

[الكاريبي]

الكاريبي نوعيه نادره ههههه
هذي الدنيآ مافيها احد مستريح وكل واحد يسوي بأصله ..

تشكرات توليب ع المداخله
لحظة
حنا نتكلم على الواجبات بس !
لكن اذا فعل مع زوجته طيب ووقف معها بيض الله وجهه

[لميس]

ماهوب مسئول عنها اذا مرضت !لها اهل ،وهو ماله الا حرمة صاحية ،واذا عالجها فهذا طيب منه .
عاد الرجال حرام يذب يكسر الخاطر عقب التعب والكد اخرتها ينطل !!!!!!!
ونعم الرجل ماشاء الله عليه ،وعز الله انك صادقه رجال عطى زوجته كليته ،

شكرا لك

حلوة ماهو مسؤل عنها ليه هي وش تصير جدار عنده اولعبه ااذا خربت خلاص يرميها
لاوالله يعالجها وغصبن عنه بعد واكييد اهلها مومقصرين بس من واجبه يعالجها اجل متزوجها بس كذا
اذا تعبت خلاص مايعالجها بالعكس في هالمواقف يبين معدن الرجال وهالرجال ماشااءلله شكله من آالماس مافيه مثيل
عاد من الي بيتبرع بكليته لزوجته والله ماتوقع الانادر عندنا هم اكييد بيعالجونها بس محد مفرط بكليته
لذلك راح ندعي له لليل ونهار والله يجزاه الجنه على الي سواه بزوجته وليت كل الرجال مثله كان الدنيا للحين بخير

[الكاريبي]

حلوة ماهو مسؤل عنها ليه هي وش تصير جدار عنده اولعبه ااذا خربت خلاص يرميها
لاوالله يعالجها وغصبن عنه بعد واكييد اهلها مومقصرين بس من واجبه يعالجها اجل متزوجها بس كذا
اذا تعبت خلاص مايعالجها بالعكس في هالمواقف يبين معدن الرجال وهالرجال ماشااءلله شكله من آالماس مافيه مثيل
عاد من الي بيتبرع بكليته لزوجته والله ماتوقع الانادر عندنا هم اكييد بيعالجونها بس محد مفرط بكليته
لذلك راح ندعي له لليل ونهار والله يجزاه الجنه على الي سواه بزوجته وليت كل الرجال مثله كان الدنيا للحين بخير
مافيه شي اسمه غصب عنه يالميس !
يقوم بها فزعة بس ،اذا انتي تبين واجباته زين!
تبينها من باب المرجلة والعشرة والعيش والملح صح لو تخلى عنها مافيه ،بس محد يلزمه،
الحق يقال عز الله العزيز انه عطاها قطعة منه ،ماتذكرين السعار يقولون قطعة مني !هالرجال عطاها قطعة منه !
ليت والله الرجال والحريم قلوبهم على بعض ويستفيدون الشباب منه .

شكرا لميس

[سُلاَفْ القَصِيدْ]

مافيه شي اسمه غصب عنه يالميس !
يقوم بها فزعة بس ،اذا انتي تبين واجباته زين!
تبينها من باب المرجلة والعشرة والعيش والملح صح لو تخلى عنها مافيه ،بس محد يلزمه،
الحق يقال عز الله العزيز انه عطاها قطعة منه ،ماتذكرين السعار يقولون قطعة مني !هالرجال عطاها قطعة منه !
ليت والله الرجال والحريم قلوبهم على بعض ويستفيدون الشباب منه .

شكرا لميس
صآدق مافيه هـ الوقت اسمه غصب .. آلآ من رحم ربي ..
شكرآ لكم ولمدآخلآتكم