مواطن يوهم زوجته بأنه في أم رقيبة ليقضي شهر العسل مع المغربية في دبي!

[سُلاَفْ القَصِيدْ]

مواطن يوهم زوجته بأنه في أم رقيبة ليقضي شهر العسل مع المغربية في دبي!



أماني الغامدي ( صدى ) : ضرب راعي إبل الوفاء مع الأسرة التي أتمنته على رعاية إبلها وذلك بعد ان قام بإبلاغ أبناء رب الأسرة بأن والدهم مع زوجته المغربية في دبي وليس كما كانوا يظنون في ام رقيبة للمشاركة في مزايين الأبل المنقضي قبل أكثر من أسبوع من الآن.
وتعود التفاصيل بحسب مصادر خاصة لـ”صدى” إلى ان مواطن كان قد ابلغ اسرته بأنه سوف يخوض غمار المنافسة في مهرجان مزايين الأبل الماضي في أم رقيبه وأنه سوف يتغير لحين الانتهاء من المشاركة , الا وبعد انقضاء أيام المسابقة لم يعاود المواطن لمنزله كما كان متوقعاً ،وهو ما دفع أحدأبنائه إلى محاولة الاتصال به الا انه كان يتحجج بحجج واهيه في كل مرة .
ولكن حبل الكذب القصير انقطع بعد أن قام الراعي بمقابلة أحد أبناء المواطن وكشف له ان والدهم يقضي فترة شهر العسل في دبي مع زوجته المغربية وانه لم يصل أم رقيبه من الأساس .
وأضاف بأن والدهم اسرف في بيع آبله من أجل البقاء مع عروسة حتى لم يعد يملك من الأبل إلا القليل منها ،وقدم العامل صوراً من الايداعات البنكية التي كان يودعها في حساب (معزبه) وذلك بعد ان ضاق من تصرفاته وإسرافه في بيع آبله من أجل قضاء أيام معدودة مع عروسة .
وهو مادعى الابن الى ابلاغ والدته مما دعها الطلب من شقيقهاالتدخل وإجباره على العودة في أسرع وقت قيل انه يكمل على ما تبقى من رأس ماله.


مواطن يوهم زوجته بأنه في أم رقيبة ليقضي شهر العسل مع المغربية في دبي! (http://www.slaati.com/2013/01/26/p1318.html) -

[أبـوحـمـد]

هههههه نكبه الراعي

من الاساس وشوله يعلمه,,,

شكرا يالراقيه

[الكاريبي]

عز الله انه خاض غمار المنافسه في المزاين !
والله الراعي ماله حق ،والله لو اني محل راعي الابل لطرده ولا يقعد دقيقة عندي،وش يلقفه يعلم ؟وراعي الابل وشوله يعلم الراعي انه معرس وفي دبي ؟
راح واعرس ولا تعلم احد .
الراعي مخطي

شكرا على النقل الجميل الرائع ،خبر حلو صراحة

[توليب2]

الا عقوبه ربي معروفه حبل الكذب قصير وبعدين ليش يكذب وش يخاف ساااد ويبشر بقلبه الراس من المغربيه

الرجال ؟؟؟؟ من عمر الدنياء

[عساف الأصايل]

أقضو حوائجكم بالكتمااان
الحين خل اللقافة تنفعكـ خخخخخخخ
شكر لكـ ياراقيتنا على هذا الخبر الطريف

[قصائد]

الحمدلله على نعمة العقل

بعض الرجاجيل اذا كبر ينقص عقله

[توليب2]

والله انك صادقه قصائد ضاقت الدراهم عليهم

[سُلاَفْ القَصِيدْ]

فضيحه اجل اخر شي في ام رقيبه هـ الكذآب ههههه

حيآكم منورين الخبر بتواجدكم وتعليقآتكم

[لميس]

احسن يستاهل والله الي بيتزوج يتزوج من بنات ديرته ليه المغربيه !!
اتوقع لوماعلم الراعي كان صارو على الحديده وشفطو فلوسه هالحراميه

[&بنت تمير&]

لو انه عارف انه يسوي شي صح ماخبأ الامر عن زوجته

لكن عارف انها بتدهن سيره ..


بعد مغربيه اجعلها شافطتك ششفط :)


اما الراعي ههههههــ ي حليله //

[سُلاَفْ القَصِيدْ]

حبل الكذب قصييير
حيآكم يالطيبين منورييين

[الكاريبي]

وش مسوي معرس ،مافيها شي لكن كون انه يعلم او يسكت هذا شي راجع ،

[توليب2]

مافيه شي طيب الحرمه الاول وش موقعه من الاعراب ياخي خلي عندكم دم على الاقل يعلمة مو في الطوشه. اخر من يعلم الا من حريم يوصله الخبر قسم وين كرامته

[الكاريبي]

مافيه شي طيب الحرمه الاول وش موقعه من الاعراب ياخي خلي عندكم دم على الاقل يعلمة مو في الطوشه. اخر من يعلم الا من حريم يوصله الخبر قسم وين كرامته
فعلا من باب الادب والاخلاق يعلمها مانقول شي ،لكن نرد على انه مسوي جريمة لا ثم لا ثم لا .
ولو علمها وقال ابتزوج تبي تزعل وتطمح وتنطل عييله وتسوي له مشاكل وتخرب وناسته ،لذا يتزوج واذا قضى شهر العسل يعلمها ،
هذا افضل تصرف تمسك عياله لين يجي ثم يعلمها .

[توليب2]

لا والله يعني بس علشان تمسك عياله خلي الجديدة تمسكهم الله لايهينه لابوة لابووو ؟؟؟؟.

وبعدين من قال انها بتذب عياله واحد بالميه الي بتذب عياله

[الكاريبي]

لا والله يعني بس علشان تمسك عياله خلي الجديدة تمسكهم الله لايهينه لابوة لابووو ؟؟؟؟.

وبعدين من قال انها بتذب عياله واحد بالميه الي بتذب عياله
الا ،تطمح يم اهللها وتترك العيال حتى تضغط عليه لان البزور مالهم الا امهم!
لذالك يرضخ ويروح يرضيها ويعطيه رضاوة بعد، كنه معرس من جديد ،والحرمة الجديدة حرام ماهيب فاضية تحضن بزران خلق الله .وهذا الواقع

[عزوف]

هههههههههههههههههههههههههه حقة ومجاه

وحبل الكذب قصير..

[سُلاَفْ القَصِيدْ]

الا ،تطمح يم اهللها وتترك العيال حتى تضغط عليه لان البزور مالهم الا امهم!
لذالك يرضخ ويروح يرضيها ويعطيه رضاوة بعد، كنه معرس من جديد ،والحرمة الجديدة حرام ماهيب فاضية تحضن بزران خلق الله .وهذا الواقع

اكيد مو فآضيه تحتضن بزآرين خلق الله لكن رآضيه تحتضن فلوس الرجآل بيعته بعآرينه كلها
وزين لحق عليه الراعي ولآ كان صآرت اشياء لآتحمد عقباها ..

شكرا على مداخلاتكم وتعليقآتكم الممتعه

[توليب2]

خليه تمسكهم محد قال روحي خذي على جارة وهي عارفه لو فيه خير ماخريت بيوت الناس

[المهند]

الله يستر عليه صاحب هالابل ..

لكن زواجه مهوب طبيعي ..

مالقى إلا مغربية وفي دبي .. ورى ما صارت في السعودية ..

وكفو والله يا راعي الابل يوم علم أهله عنه ..

أم رقيبة صايره عذر ...

[سُلاَفْ القَصِيدْ]

خليه تمسكهم محد قال روحي خذي على جارة وهي عارفه لو فيه خير ماخريت بيوت الناس

توليب http://www.tumaer.com/vb/images/icons/thumbsup535.gif

[سُلاَفْ القَصِيدْ]

الله يستر عليه صاحب هالابل ..

لكن زواجه مهوب طبيعي ..

مالقى إلا مغربية وفي دبي .. ورى ما صارت في السعودية ..

وكفو والله يا راعي الابل يوم علم أهله عنه ..

أم رقيبة صايره عذر ...
آكيد ماعنده الآ ام رقيبه يتعذر بها لان هي الوحيده اللي بيجلس فيها شهور
الغريب ان زوجته بدبي هذي ماقالوا شي عنها لكن لابد للسر المدفوون يطلع
الله يكفينا شرهم هـ المغربيات

حياك الله اخوي المهند شكرا لتواجدك وتعليقك

[الكاريبي]

اكيد مو فآضيه تحتضن بزآرين خلق الله لكن رآضيه تحتضن فلوس الرجآل بيعته بعآرينه كلها
وزين لحق عليه الراعي ولآ كان صآرت اشياء لآتحمد عقباها ..

شكرا على مداخلاتكم وتعليقآتكم الممتعه
وش هالحكي؟
ياناس زوجته وبصرها لو خذت فلوسه !يعني الحرمة الاوله ماخذت منه شي الله من الحكي !
وش استفاد من البعارين الا العج والبرد والتعليف والثياب الوسخة ،يبي يتفرغ لنفسة يعيش ،لكن هالعامل حسود !
اللي ماتحمد عواقبها البعارين اما رمحته الناقة وكسرت وجهه والا هاج البعير وذبحة وهذي هيه، وحنا خابرين الابل ومشاكلها !

[الكاريبي]

خليه تمسكهم محد قال روحي خذي على جارة وهي عارفه لو فيه خير ماخريت بيوت الناس
هالحين الاوله تنطل عيالها وهالضعيفة تحضن !والله الحكم الجائر،
الله يستر من الظلم بس !!!!!!!!!!!!!!

[توليب2]

الكاريبي يرحم حالك انت مابعد عرفت للمغاربه او سوريه او مصريه ماخذته لفلوسه مو لسواد عيونه تبي تاخذ كل شي وبعدة تروح

وبعدين هذولي يقلبون راس الرجال بسحر مو كلهم البعض منهم

وياسبدي السعوديه وش تاخذ منه غير تشتري خلاقين له ولعياله هذا الي تبيه نو مثل الاجانب اول شي عينه على الذهب جن الله يكفينا شرهم يارب ولا والبعض منهم تقلب راسه تبعدة عن عياله

[لميس]

شوف الحق حق الحريم موسوا والاجانب موكلهم مايخافون الله وقصدهم فلوس مافلووس
بس اي وحده تاخذ شايب وش تبي فيه بالله !! ماخذته لسواد عيونه اكيد ناويه نيه
يعني بتخليه على البلااطه واذا ضمنت مستقبلتها يمكن تموته اوتعطيه سم وتفتك
الششرهه على الشياب الي يتزوجون على كبر يعني ليت يفكرون بعقولهم قبل كل شيء

[ملامح صادقه]

الحين وش عندك يالكآريبي تدآفع عن هالرجل ليصير يقرب لك والحن مآندري ههههههههههههههههه:t16:

لكن يعجبك الرآعي يوم يعلم والله شقردي

وآصلآ خير يروح يعرس ولآ يعلم حرمته آلآولى وآلآ يخآف تخرب عليه عرسه وتنكد عليه لكن جعله مآيستآنس ولآينبسط ع حسآب حرمته الضعيفه اللي مآتدري عن شي

كآن علمهآ أقل شي موب يلعب عليهآ

[صـخـب !]

تعليقآتكم ولآ آروع ههههههه ,
بس آلجد آلرجآل يستآهل مآجآهه ,
يعطيك آلعآفيهه آلرآقيهه ع آلموضوع آلحمآسي ,

[الكاريبي]

الكاريبي الله يرحم حالك انت مابعد عرفت للمغرببه او سوريه او مصريه ماخذته لفلوسه مو لسواد عيونه تبي تاخذ كل شي وبعدة تروح

وبعدين هذولي يقلبون راس الرجال بسحر مو كلهم البعض منهم

وياسبدي السعوديه وش تاخذ منه غير تشتري خلاقين له ولعياله هذا الي تبيه نو مثل الاجانب اول شي عينه على الذهب جن الله يكفينا شرهم يارب ولا والبعض منهم تقلب راسه تبعدة عن عياله
اذا خذت فلوسه وين تروح علميني ؟؟؟؟؟؟؟؟؟حرمة عند زوجها مثلها مثل غيرها .
والرجال هذا يوم ياخذها وشو عشانه ؟يعني هي تزوجت عشان فلوسه وهو متزوج عشان يتزوج!!
انتي مصدقة هالكلام سحر،السحر في التعامل بس تجون تقولون فلان ساحرته فلانه ،فتحوا عقولكم شوي وعرفوا كيف تتعاملون مع ازواجكم وعنّي ان تسحرونهم لكن دايم نقره وطلبات وخشش منتفخه من الزعل والمشاكل ،بالله وشلون تبون الرجال ما يروح يبحث عن استقراره وراحته .
عدلوا من وضعكم وتعاملكم ولا احد يعرس عليكم .

[سُلاَفْ القَصِيدْ]

اذا خذت فلوسه وين تروح علميني ؟؟؟؟؟؟؟؟؟حرمة عند زوجها مثلها مثل غيرها .
والرجال هذا يوم ياخذها وشو عشانه ؟يعني هي تزوجت عشان فلوسه وهو متزوج عشان يتزوج!!
انتي مصدقة هالكلام سحر،السحر في التعامل بس تجون تقولون فلان ساحرته فلانه ،فتحوا عقولكم شوي وعرفوا كيف تتعاملون مع ازواجكم وعنّي ان تسحرونهم لكن دايم نقره وطلبات وخشش منتفخه من الزعل والمشاكل ،بالله وشلون تبون الرجال ما يروح يبحث عن استقراره وراحته .
عدلوا من وضعكم وتعاملكم ولا احد يعرس عليكم .
يعرس ماقلنآ شي بس يآخذ وحده معروفه من بلده مو يروح ياخذ وحده ماينعرف وش اصلها وفصلهآ وتفرق بينه وبين عياله
هذآ هو المقصود ..


ويآهلا فيكم وبمداخلاتكم

[لميس]

وليه مايسحروون كثير تصير اصلا المغرب معرووف بالسحر عندهم
وبعدين على قولة الراقيه يعني ليه ماياخذ من بنات ديرته !!
قسسم بالله ارحم هالرجال مصدق عمره انها تبغاه لعيونه
مششكله كثثير سعوودين ينصفعون وينلعب علييهم ومايتوبون الله مير يخلف بس
ووهنا المشكله اما من المغرب عاد شيء ثاني والله الله يعينه بس

[سُلاَفْ القَصِيدْ]

وليه مايسحروون كثير تصير اصلا المغرب معرووف بالسحر عندهم
وبعدين على قولة الراقيه يعني ليه ماياخذ من بنات ديرته !!
هنا المشكله اما من المغرب عاد شيء ثاني والله الله يعينه بس
محد يحس بغيره الآ اذا جرب
والله مايرتاحووون العمر كله
وياليت الرجال ياخذون عبره من غيرهم لا مايفكرون الآ بنفسهم

لميس لو تكلمين لبكره محد درى عنك اللي براسه براسه ههههه
ومنوره بتواجدك

[لميس]

هههههههههههه لازم نخلي الكاريبي يقتنع
خاف يتهوور ويسوويها هع
شرايك تثبتين الموضووع اعجبني كثير هههه

[سُلاَفْ القَصِيدْ]

هههههههههههه لازم نخلي الكاريبي يقتنع
خاف يتهوور ويسوويها هع
شرايك تثبتين الموضووع اعجبني كثير هههه
الكاريبي محد يقنعه اللي براسه براسه http://www.tumaer.com/vb/images/icons/icon10.gif
فكره حلوه نثبته ههههههه

[الكاريبي]

شوف الحق حق الحريم موسوا والاجانب موكلهم مايخافون الله وقصدهم فلوس مافلووس
بس اي وحده تاخذ شايب وش تبي فيه بالله !! ماخذته لسواد عيونه اكيد ناويه نيه
يعني بتخليه على البلااطه واذا ضمنت مستقبلتها يمكن تموته اوتعطيه سم وتفتك
الششرهه على الشياب الي يتزوجون على كبر يعني ليت يفكرون بعقولهم قبل كل شيء
اصلا هو ميت ميت الشايب والاعمار بيد الله ،لكن دامه ميت ماهوب ماخذ معه شي في قبره ،لذا خلوه يستمتع بحياته والفلوس اللي ماتوسع صدر راعيها جعلها في حريقها !
والشايب شايب على البلاطه دامه صاك على الفلوس ،والبنت الاجنبية من حظها تاخذ شايب مغنية الله ولا شباب فقير مثلها ويبتلون في فقر الى يوم يبعثون .

[لميس]

اصلا هو ميت ميت الشايب والاعمار بيد الله ،لكن دامه ميت ماهوب ماخذ معه شي في قبره ،لذا خلوه يستمتع بحياته والفلوس اللي ماتوسع صدر راعيها جعلها في حريقها !
والشايب شايب على البلاطه دامه صاك على الفلوس ،والبنت الاجنبية من حظها تاخذ شايب مغنية الله ولا شباب فقير مثلها ويبتلون في فقر الى يوم يبعثون .


يستمتع بكيفه بس حرام احد يلعب عليه باأخر عمره
وحرام تلعب بمشاعره اهم شيء يعيش مع وحده تحبه وتبغاه لنفسه مولمصلحه
يعني لوعاش معاها كل حياتهم ومشاعرهم مزيفه وش ينبغي بالحياة اذا كلها مصلحه وتصنع
علشان كذا يقعد على عجووزة ويحمد ربه :t16:

[الكاريبي]

الحين وش عندك يالكآريبي تدآفع عن هالرجل ليصير يقرب لك والحن مآندري ههههههههههههههههه:t16:

لكن يعجبك الرآعي يوم يعلم والله شقردي

وآصلآ خير يروح يعرس ولآ يعلم حرمته آلآولى وآلآ يخآف تخرب عليه عرسه وتنكد عليه لكن جعله مآيستآنس ولآينبسط ع حسآب حرمته الضعيفه اللي مآتدري عن شي

كآن علمهآ أقل شي موب يلعب عليهآ
ماعندي شي لكن اشوف الناس تسلطوا على الضعيف كنه مسوي جريم ،والا معطينه شي ،حلاله يبيعه يعرس به وش دخلهم فيه ؟وانا اشوفه ماسوى خطا.
يابنت الحلال يبي يعلمها لكن وراه بزران ماهوب فاضي يشغل نفسه بهم و هذا كل مافي الامر يعني !

[الكاريبي]

يعرس ماقلنآ شي بس يآخذ وحده معروفه من بلده مو يروح ياخذ وحده ماينعرف وش اصلها وفصلهآ وتفرق بينه وبين عياله
هذآ هو المقصود ..


ويآهلا فيكم وبمداخلاتكم
عودنا على طير ياللي اصل وفصل!!!
يعني مافيه اصل وفصل الا عندنا ؟والشي الاهم محد باغيه عود متعفط وجهه وهذا الواقع .والعيال لهم رب يرزقهم او يعتبرونه ميت وتنتهي المشكلة .

[الكاريبي]

وليه مايسحروون كثير تصير اصلا المغرب معرووف بالسحر عندهم
وبعدين على قولة الراقيه يعني ليه ماياخذ من بنات ديرته !!
قسسم بالله ارحم هالرجال مصدق عمره انها تبغاه لعيونه
مششكله كثثير سعوودين ينصفعون وينلعب علييهم ومايتوبون الله مير يخلف بس
ووهنا المشكله اما من المغرب عاد شيء ثاني والله الله يعينه بس
خابرين سحرهم وشو ،قال ايش قال سحر !
خوفوا هالضعوف بالسحر عشان مايروحون للمغرب .دايم حنا نستخدم عامل الترهيب !والاشاعات .

[لميس]

خابرين سحرهم وشو ،قال ايش قال سحر !
خوفوا هالضعوف بالسحر عشان مايروحون للمغرب .دايم حنا نستخدم عامل الترهيب !والاشاعات .


لا هذا صحيح وهم مايتعاملون الا بالسحر والاغلبيه كذا
حتى فيه من جماعتنا غاسلتن المخ عنده غسسل والله يعين

[الكاريبي]

محد يحس بغيره الآ اذا جرب
والله مايرتاحووون العمر كله
وياليت الرجال ياخذون عبره من غيرهم لا مايفكرون الآ بنفسهم

لميس لو تكلمين لبكره محد درى عنك اللي براسه براسه ههههه
ومنوره بتواجدك
صراحة كلامك يروع !
الله يكفينا الشر ،والواحد يعني اذا نتكلم الواقع ماله الا عييله وحريمته اللي هو خابرها !!!!!
كني بديت اهتز شوي !!!

[الكاريبي]

هههههههههههه لازم نخلي الكاريبي يقتنع
خاف يتهوور ويسوويها هع
شرايك تثبتين الموضووع اعجبني كثير هههه
لا ان شاء الله مانيب مسوّيها !!!!!لكن اقتنع مدري عني
حاولوا يمكن تقنعوني ههههه

[سُلاَفْ القَصِيدْ]

عودنا على طير ياللي اصل وفصل!!!
يعني مافيه اصل وفصل الا عندنا ؟والشي الاهم محد باغيه عود متعفط وجهه وهذا الواقع .والعيال لهم رب يرزقهم او يعتبرونه ميت وتنتهي المشكلة .

شكلك ماتابعت برنامج 99 وحلقه خاصه عن مشاكل الزواج من الاجنبيات
الظاهر لو بنجلس لبكره ماانتهينا من هـ الموضوع لانك ماراح تقتنع ابدآآآآآ

[الكاريبي]

الكاريبي محد يقنعه اللي براسه براسه http://www.tumaer.com/vb/images/icons/icon10.gif
فكره حلوه نثبته ههههههه
الان بديت اقتنع ان الزواج من المغرب ضروري للسعودي!!!!

[الكاريبي]

علشان كذا يقعد على عجووزة ويحمد ربه :t16:
هو منحاش الا من هالعجوز !!!

[لميس]

الان بديت اقتنع ان الزواج من المغرب ضروري للسعودي!!!!


يالله انت بالاول تزوج مغربيه علشان تطييرك وترجع لديرتك منتف :t24:
وعلمنا النتايج علشان يجربون غيرك اذا اعجبك الزاوواج من ام شوش طايره:t16:

[لميس]

هو منحاش الا من هالعجوز !!!


طيب وهالعجووز وش ذننبها تبي تغير
يمكن تبي واحد تركي اولبناني يفتح نفسها على الاكل اخر عمرها
لايصير اناني هالشايب ويخلي عجوزته تتهنا باليومين الي باقي لها من عمرها

[جروح الوفا*]

العوده لا عودة انهبلت ترجع للمراهقه من جديد
اعرست وعندك عيال وغيره وش تبي احمد ربك واقضب ارضك
لا بارك الله فيك يا الشيبه جعلها تحطك على الحديده

[سسارونه]

ممممممهبول والله جن وقعد

تبقى المراة السعودية اجمل واشرف النساء



يسسسسسسسلمو يالغاليهه

[توليب2]

طيب الشايب على قولك يالكاريبي اخر عمره يمسك المسجد والقران مابقاء من العمر ريض رجل في القبر ورجل في الدنياء

رجاجيل معاد يستحون

والسحر حقيقه وكثير صاير وفي تمير بعد فرقهم عن عيالهم وعن زوجته الله لايوفقهم الاجانب قولوو امين