رحلة النفود الكبير::الغضاة:السُره:بن رخيص:رطيان:نقذه:الخريزة:الجفر:الخطة3/4/1434هـ::(160)

[المهند]

http://almohndtumer.com//uploads/images/ma937a84f28.gif

مرحباً بكم .. مجدداً .. وأسعد الله جميع أوقاتكم بكل خير ومحبة .. في ظهيرة يوم الثلاثاء 3/4/1434ه كانت الانطلاقة من عروس الربيع مدينة تمير نحو عروس الشمال حائل وبالتحديد على بعد 500 كيلو متر على طريق الرياض القصيم السريع حيث استمرينا معه وخرجنا للسريع الجديد بين القصيم وحائل والجوف .. واستمرينا مع الخط لنجنب حائل على اليسار حتى وصلنا جبه التي تزودنا منها الوقود .. وبعد مابقي على الجوف 345 كيلو نزلنا يميناً نحو مركز الغضاة .. فإليكم التقرير المصور ..

** التزود من مركز الصياد بتمير لرحلة تبلغ ثلاث ليال .. وأربعة أيام ..

http://www.mekshat.com/pix/upload01/prof023/mk61448_img_2715.jpg

** تفاصيل أكثر .. ومستجدات جديدة لداخل هذا المركز .. عبر الرابط أدناه ..

http://www.up-tumaer.net/tumaer/download.php?img=19125

** الوصول إلى النفود الكبير ليلاً .. والكاميرا لم تشتغل إلا الصبح .. فاللهم بك أصبحنا ..

http://www.mekshat.com/pix/upload01/prof023/mk61448_img_1464.jpg

** أجواء باردة منعشة .. مع بزوغ الشمس الدافئة ..

http://www.mekshat.com/pix/upload01/prof023/mk61448_img_1465.jpg

** بعد الفطور .. الانطلاق نحو مورد الغضاة حيث تبعد قرابة الثلاثين كيلاً عن الطريق السريع ..

http://www.mekshat.com/pix/upload01/prof023/mk61448_img_1466.jpg

** جواد الإبل .. والسيارات .. تتفق في صحراء النفود الكبير ..

http://www.mekshat.com/pix/upload01/prof023/mk61448_img_1467.jpg

** إلى المراعي .. إلى المراعي .. ماشاء الله تبارك الله ..

http://www.mekshat.com/pix/upload01/prof023/mk61448_img_1469.jpg

** بوادر الربيع .. لم نرها إلى بعد الخوض في غمار النفود ..

http://www.mekshat.com/pix/upload01/prof023/mk61448_img_1472.jpg

**مناظر تبشر بالخير ..

http://www.mekshat.com/pix/upload01/prof023/mk61448_img_1473.jpg

** الوصول إلى مورد الغضاة .. في طريق سهل ومرسوم ومتيسر .. ولله الحمد ..

http://www.mekshat.com/pix/upload01/prof023/mk61448_img_1476.jpg

** شجرة الغضاة .. والتي سميت لأجلها هذه الهجرة .. تستقبلنا بجمالها ..

http://www.mekshat.com/pix/upload01/prof023/mk61448_img_1481.jpg

** الغضاة ترحب بنا .. وقد أحسنت لقاءنا ..

http://www.mekshat.com/pix/upload01/prof023/mk61448_img_1477.jpg

** هنا الخزان .. الذي يجلب الأنظار .. الله يطرح فيه البركة ..

http://www.mekshat.com/pix/upload01/prof023/mk61448_img_1479.jpg

** وقد زرع أحدهم بعض نباتات الحبق أو النعناع .. فقطفنا بعض أوراقها ..

http://www.mekshat.com/pix/upload01/prof023/mk61448_img_1483.jpg

** مزرعة صغيرة .. اصطفت فيها النخيلات ..

http://www.mekshat.com/pix/upload01/prof023/mk61448_img_1484.jpg

** وفي أقصاه .. منطقة لزراعة ( الزت )

http://www.mekshat.com/pix/upload01/prof023/mk61448_img_1487.jpg

** وهنا رمز الكرم .. الشمالي .. المجلس ....

http://www.mekshat.com/pix/upload01/prof023/mk61448_img_1480.jpg

** وبجواره المقلط .. والمضياف ..

http://www.mekshat.com/pix/upload01/prof023/mk61448_img_1518.jpg

** المجلس من الخارج ..

http://www.mekshat.com/pix/upload01/prof023/mk61448_img_1515.jpg

** وهنا من الداخل .. النار .. حيه .. والمعاميل جاهزة ..

http://www.mekshat.com/pix/upload01/prof023/mk61448_img_1523.jpg

** أخذنا فنجال الضحى .. من دلتهم الوالمة ..

http://www.mekshat.com/pix/upload01/prof023/mk61448_img_1497.jpg

** وهنا تتضح مساحة المجلس .. الله يجعله عامر بأهله ..

http://www.mekshat.com/pix/upload01/prof023/mk61448_img_1498.jpg

** بيالة شاي .. أيضاً جاهزة .. والبغداديات مصفوفة بالخلف .. في مجلس الشيخ شفاقه الشمري ..أنعم وأكرم ..

http://www.mekshat.com/pix/upload01/prof023/mk61448_img_1511.jpg

** هنا المقلط .. وفيه تتضح كثرة المكيفات .. والسقف الخشبي ..

http://www.mekshat.com/pix/upload01/prof023/mk61448_img_1516.jpg

** المغاسل .. كثرتها لم تأتي من فراغ ..

http://www.mekshat.com/pix/upload01/prof023/mk61448_img_1517.jpg

** مزرعة أخرى .. تقع خلف هذه المجالس ..

http://www.mekshat.com/pix/upload01/prof023/mk61448_img_1520.jpg

** الغريب أننا لم نجد أي شخص .. في هذا المكان .. سوى عبدالله السوداني .. والذي يحصد في المزرعة ..

http://www.mekshat.com/pix/upload01/prof023/mk61448_img_1521.jpg

** صورة قريبة للمزرعة ..

http://www.mekshat.com/pix/upload01/prof023/mk61448_img_1527.jpg

** ما شاء الله تبارك الله .. ( الزت ) فيه خضار عجيب .. ووتضح فيها بركة المولى عز وجل ..

http://www.mekshat.com/pix/upload01/prof023/mk61448_img_1526.jpg

** قطة .. تتابعنا .. وتهلي وترحب بطريقتها الخاصة ..

http://www.mekshat.com/pix/upload01/prof023/mk61448_img_1522.jpg

** وداعاً أيتها الغضاة .. وأكرمكم الله .. وزادكم بسطة وبركة .. علمكم غانم ..

http://www.mekshat.com/pix/upload01/prof023/mk61448_img_1529.jpg

** اتجهنا شمالاً .. وعلى بعد أربع كيلو مترات .. تفاجأنا بهذا الربيع ..

http://www.mekshat.com/pix/upload01/prof023/mk61448_img_1540.jpg

** هذا إذا قالو لك ( يوصل حد الركب )

http://www.mekshat.com/pix/upload01/prof023/mk61448_img_1539.jpg

** قيلولة .. ضحوية .. سريعة ..

http://www.mekshat.com/pix/upload01/prof023/mk61448_img_1542.jpg

** التعرف والتأمل على نبات الأرض ..

http://www.mekshat.com/pix/upload01/prof023/mk61448_img_1550.jpg

** اللهم لك الحمد .. الابل تشبع ..

http://www.mekshat.com/pix/upload01/prof023/mk61448_img_1551.jpg

** الزاهر البنفسجي .. يكتسي النفود حلةً جميلة ..

http://www.mekshat.com/pix/upload01/prof023/mk61448_img_1559.jpg

** بعض الغضا .. أحجامه غير ..

http://www.mekshat.com/pix/upload01/prof023/mk61448_img_1569.jpg

** البحث عن مكان .. لقضاء وجبة الغداء ..

http://www.mekshat.com/pix/upload01/prof023/mk61448_img_1571.jpg

** اختيار نقرة .. عميقة .. خضراء ..

http://www.mekshat.com/pix/upload01/prof023/mk61448_img_1578.jpg

** المذاري .. ويبدوا ربيعها وخضارها ..

http://www.mekshat.com/pix/upload01/prof023/mk61448_img_1579.jpg

** اخترنا دعيب رملي .. ذاري عن الشرق والشمال والغرب ..

http://www.mekshat.com/pix/upload01/prof023/mk61448_img_1583.jpg

** وكبسنا كبستنا الأولى في هذه الرحلة ..

http://www.mekshat.com/pix/upload01/prof023/mk61448_img_1584.jpg

** بعد وجبة الغداء واصلنا الطريق .. لنجد هذا المرسام .. لوزارة المواصلات سابقاً .. حيث كان الطريق المقرر يمر من هنا ..

http://www.mekshat.com/pix/upload01/prof023/mk61448_img_1586.jpg

** واصلنا المسير .. وبالتحديد نحو مورد ( السُره ) والذي يبعد عن الغضاة قرابة 30 كيلو ..

http://www.mekshat.com/pix/upload01/prof023/mk61448_img_1594.jpg

** وكان الخضار .. لا ينقطع .. بل يخف ويزداد ..

http://www.mekshat.com/pix/upload01/prof023/mk61448_img_1597.jpg

** منطقة .. خضراء .. تزينها الورود البيضاء ..

http://www.mekshat.com/pix/upload01/prof023/mk61448_img_1600.jpg

** ألف مبروك .. هذا المولود .. الذي جاء في هذا الربيع ..

http://www.mekshat.com/pix/upload01/prof023/mk61448_img_1608.jpg

** طريق يجبرك على التهدئة وإخراج يدك .. لتمشي الهوينا الهوينا ..

http://www.mekshat.com/pix/upload01/prof023/mk61448_img_1611.jpg

** وتلف يمنة ويسرة .. وتصعد للأعلى وتنزل للنقره ..

http://www.mekshat.com/pix/upload01/prof023/mk61448_img_1624.jpg

** أرض ممطورة .. وربيعٌ وسمي موسوم ...

http://www.mekshat.com/pix/upload01/prof023/mk61448_img_1628.jpg

** استمتاع .. وتشريف ..

http://www.mekshat.com/pix/upload01/prof023/mk61448_img_1632.jpg

** ونقره .. أخرى من نقر النفود الكبير الشهيرة ..

http://www.mekshat.com/pix/upload01/prof023/mk61448_img_1639.jpg

** أرض منبسطة .. تشبه إلى حد كبير .. الروض ..

http://www.mekshat.com/pix/upload01/prof023/mk61448_img_1641.jpg

** نبتة غريبة .. تشبه المروحة ..

http://www.mekshat.com/pix/upload01/prof023/mk61448_img_1642.jpg

** بعض المناطق .. العبور عبر المفاصل .. ولا يسمح بغيرها ..

http://www.mekshat.com/pix/upload01/prof023/mk61448_img_1647.jpg

** وصلنا مركز ( السُره ) والربيع لم ينقطع ..

http://www.mekshat.com/pix/upload01/prof023/mk61448_img_1650.jpg

** إطلالة عليا .. لهجرة السره ..

http://www.mekshat.com/pix/upload01/prof023/mk61448_img_1651.jpg

** هناك الخزانات والمزرعة ..

http://www.mekshat.com/pix/upload01/prof023/mk61448_img_1652.jpg

** وهنا نظرة عامة للمنطقة ..

http://www.mekshat.com/pix/upload01/prof023/mk61448_img_1654.jpg

** مجلس الضيافة .. وقد أكرمنا صاحبه بفنجال من القهوة وبيالة من شاي العصر ..

http://www.mekshat.com/pix/upload01/prof023/mk61448_img_1655.jpg

** ودعنا السره .. متجهين نحو حفر النفود ( بن رخيص ) والذي يبعد قرابة ال 25 كيلو ..

http://www.mekshat.com/pix/upload01/prof023/mk61448_img_1657.jpg

** بيوت من الشعر .. لازال أهلها ساكنين بهذه الصحراء .. يواجهون صعوبتها ..

http://www.mekshat.com/pix/upload01/prof023/mk61448_img_1658.jpg

** البحث عن مكان .. للخلود به للنوم .. وتبين لنا أن النقر لا تصلح لذلك ..

http://www.mekshat.com/pix/upload01/prof023/mk61448_img_1662.jpg

** جال نقرة .. ذاريه .. حماها الله من البرد ومن السيارات ومن الرعي ..

http://www.mekshat.com/pix/upload01/prof023/mk61448_img_1712.jpg

** اختيار مكان مشرف .. وذاري عن الشرقية ..

http://www.mekshat.com/pix/upload01/prof023/mk61448_img_1664.jpg

** ضيف لفانا .. لنستأنس بحديثه ويستأنس بحديثنا .. ويسامرنا حتى الحادية عشر ليلاً .. أعطانا من علوم النفود الكبير التي عشقها .. وصار يتردد عليها .. بلا أنيس أو ونيس سواها ..

http://www.mekshat.com/pix/upload01/prof023/mk61448_img_1666.jpg

** بعد ليلة غير .. بوجود هذا الضيف الخفيف اللطيف ... توجهنا صباحاً بعد الافطار ..

http://www.mekshat.com/pix/upload01/prof023/mk61448_img_1669.jpg

** لنكمل المسير .. نحو حفر النفود .. في أرض ربيعية بكر ..

http://www.mekshat.com/pix/upload01/prof023/mk61448_img_1675.jpg

** بانتظار عبور راعي الشاص .. والذي لابد له من الصعود بسرعه ..

http://www.mekshat.com/pix/upload01/prof023/mk61448_img_1678.jpg

** وصلنا لحفر النفود (بن رخيص) وإطلالة مشرفة .. على المنازل ..

http://www.mekshat.com/pix/upload01/prof023/mk61448_img_1680.jpg

** وهنا على المورد والمزرع ..

http://www.mekshat.com/pix/upload01/prof023/mk61448_img_1681.jpg

** وهنا المدرسة الابتدائية ..

http://www.mekshat.com/pix/upload01/prof023/mk61448_img_1682.jpg

** وقبلها حصلت هذه اللوحة الفنية ..

http://www.mekshat.com/pix/upload01/prof023/mk61448_img_1683.jpg

** من داخل المدرسة .. والتي سبق زيارتها في تقرير سابق ..

http://www.mekshat.com/pix/upload01/prof023/mk61448_img_1685.jpg

** الدمج بين الفصول ..

http://www.mekshat.com/pix/upload01/prof023/mk61448_img_1686.jpg

** وتاريخ الشرح أمس 2/4/1434هـ أمورهم زينة ياإدارة التعليم بحايل ..

http://www.mekshat.com/pix/upload01/prof023/mk61448_img_1690.jpg

** واهتمام ملحوظ ..

http://www.mekshat.com/pix/upload01/prof023/mk61448_img_1692.jpg

** أسماء المعلمين قبل ثلاث سنين .. وهنا يبدو نشاط المعلم فيصل فهيد الرمالي الشمري ..

http://www.mekshat.com/pix/upload01/prof023/mk61448_img_1694.jpg

[المهند]

** إطلالة شمالية .. نحو المدرسة والمزرعة والسكن ..

http://www.mekshat.com/pix/upload01/prof023/mk61448_img_1698.jpg

** وهنا إطلالة جنوبية .. نحو السكن والمزرعة والمدرسة ..

http://www.mekshat.com/pix/upload01/prof023/mk61448_img_1705.jpg

** من ذكريات هذه الهجرة التي نقلت لنا : أن بيوت الشعر بها كانت أكثر من مائة وخمسين بيت في سنة من السنوات الماضية .. والآن كما ترون ما آلت إليه .. وبقيت هذه المزرعة ..

http://www.mekshat.com/pix/upload01/prof023/mk61448_img_1707.jpg

** صورة من الأرشيف .. يبين آثار الربيع هذا العام ..

http://almohndtumer.com//uploads/images/ma2d6f85a1b.jpg

** وهنا تبقت هذه البئر .. لتورد عليه الإبل وأهل الإبل والمواشي ..

http://www.mekshat.com/pix/upload01/prof023/mk61448_img_1703.jpg

** نظرة لجمال الأرض إذا كساها الله الربيع ..

http://www.mekshat.com/pix/upload01/prof023/mk61448_img_1700.jpg

** جانب من جنبات الربيع في حفر النفود ..

http://www.mekshat.com/pix/upload01/prof023/mk61448_img_1709.jpg

** ونزول جميل .. في لوحة فنية أكثر من رائعة ..

http://www.mekshat.com/pix/upload01/prof023/mk61448_img_1710.jpg

** الإبل وقد .. استرخت بعد أن شبعت ..

http://www.mekshat.com/pix/upload01/prof023/mk61448_img_1717.jpg

** منطقة ربيعية .. يحيط بها الحطب ..

http://www.mekshat.com/pix/upload01/prof023/mk61448_img_1718.jpg

** وفي وقت الظهيرة .. حان وقت الغداء .. توقفنا في أحد المذاري بعد أن توجهنا إلى بن رطيان والتي تبعد عن بن رخيص قرابة 35 كيلو للجهة الجنوبية الشرقية انقطع معها الربيع .. (المسافات جوية وليست أرضية)

http://www.mekshat.com/pix/upload01/prof023/mk61448_img_1722.jpg

** زووم أقرب لموقعنا الذي حل علينا فيه وقت الغداء ..

http://www.mekshat.com/pix/upload01/prof023/mk61448_img_1723.jpg

** بعد الغداء توجهنا .. نحو مورد بن رطيان .. والذي انقطع حوله الربيع والخضار .. وهنا الاطلالة والتشريفة المعتادة لكل هجرة ..

http://www.mekshat.com/pix/upload01/prof023/mk61448_img_1725.jpg

** هذا منزل .. الأخ شاكر ..

http://www.mekshat.com/pix/upload01/prof023/mk61448_img_1726.jpg

** وهنا عدة منازل للجهة الجنوبية.. توالت عليها الهبايب حتى دفنتها ..

http://www.mekshat.com/pix/upload01/prof023/mk61448_img_1727.jpg

** الجهة الشرقية للهجرة ..

http://www.mekshat.com/pix/upload01/prof023/mk61448_img_1728.jpg

** مجلس .. انطمر تحت الرمال ..

http://www.mekshat.com/pix/upload01/prof023/mk61448_img_1747.jpg

** لم نجد لهذا المورد .. حياة إلا لقليل من السكان .. والذين تعلقوا بحب هذه الأرض .. وأبت نفوسهم الدخول للمدن .. هنا الجهة الجنوبية الغربية ..

http://www.mekshat.com/pix/upload01/prof023/mk61448_img_1749.jpg

** مشروع مياه الشرب في أرطيان .. وإن كانت المياه ليست بتلك العذوبة .. في الآبار التي مررنا بها بشكل عام .. سوى حفر بن رخيص ..

http://www.mekshat.com/pix/upload01/prof023/mk61448_img_1731.jpg

** مقبرة .. ويقع في أعلاه عند الثلاث أثلات .. المدرسة ..

http://www.mekshat.com/pix/upload01/prof023/mk61448_img_1732.jpg

** نظرة أخرى لهذه الهجرة التي غرقت في بحر الرمال .. وبقيت هذه المدرسة .. تعلم وتنتج ..

http://www.mekshat.com/pix/upload01/prof023/mk61448_img_1750.jpg

** هنا المدرسة .. وإن كانت لم تلحق على وزارة التربية والتعليم .. وبقيت على وزارة المعارف ..

http://www.mekshat.com/pix/upload01/prof023/mk61448_img_1744.jpg

** تقع في غرب ( الشيب ) وعلى بعد 500 متر تقريباً هذه الخيمة .. وما إن مررنا حولها حتى سمعنا ذلك الصوت ( اقلطوا اقلطوا )

http://www.mekshat.com/pix/upload01/prof023/mk61448_img_1742.jpg

** نزلنا نحو هذه الخيمة .. لنجد هذا الرجل الكبير .. وقد قرب دلته للجمر ..

http://www.mekshat.com/pix/upload01/prof023/mk61448_img_1734.jpg

** هنا يسكن سعود .. وهنا يعيش هذا الرجل المريض .. عشق هذه الأرض .. وترك أقربائه في حائل بعد أن عجزوا عنه لينتقل معهم .. ليعاصر الحياة وحيداً .. مع بعض الإبل الهائمة على وجهها في هذه الصحراء .. رجل متحرول بعض الشيء .. قهوته على الجمر .. أردنا أن نساعده فأبى أن يستقبل شيء إلا أن يشتريه .. نفسهُ عزيزه .. ونفسيتهُ عاليه .. لاسيما بعد أن تطرقنا لإبله المنقطعة والتي شاهدنا إحداهن ونحن قادمين من بن رخيص .. وقمنا بوصفها ومدح جنابها وسندها ورقبتها .. واستأنس لحديثنا .. ومدحنا فيها .. لاسيما لو كانت تُعلف ويزداد الاهتمام بها .. فقال ضاحكاً : أجل نبي نشارك به في مزاين الرقيبة .. رحم الله ضعفه .. وأعطاه الله بسطه ونعمة ..

http://www.mekshat.com/pix/upload01/prof023/mk61448_img_1737.jpg

** خرج لنا سعود ليودعنا .. وقد نادانا بقوله ( أغليتكم يا بعد حيي ) ..

http://www.mekshat.com/pix/upload01/prof023/mk61448_img_1741.jpg

** خرجنا من عند سعود .. ولجهة الجنوب نحو بئر نقذه .. والتي تبعد عن بن رطيان 20 كيلو ..

http://www.mekshat.com/pix/upload01/prof023/mk61448_img_1752.jpg

** في طريق لا صعوبة فيه تذكر .. وهنا خزان البنزين في شرق هجرة بن نقذه ..

http://www.mekshat.com/pix/upload01/prof023/mk61448_img_1753.jpg

** أحد المنازل .. الشرقية ..

http://www.mekshat.com/pix/upload01/prof023/mk61448_img_1754.jpg

** وهنا مورد نقذه الذي يبلغ طول بئره أكثر من 80 متر كما ذكر لنا ذلك صاحبه ..

http://www.mekshat.com/pix/upload01/prof023/mk61448_img_1758.jpg

** مورد جديد .. تم تركيبها إلا أنه لم يكن كالمأمول .. رزقهم الله السيل والمطر النافع ..

http://www.mekshat.com/pix/upload01/prof023/mk61448_img_1761.jpg

** يقع في داخل هجرة نقذه وعلى طرفها الشمالي .. مسجدها الكبير ..

http://www.mekshat.com/pix/upload01/prof023/mk61448_img_1762.jpg

** وبجواره منزل الشيخ أبو زاهي .. ذو اللحية الحمراء .. وهو راعي نقذه .. والتي سميت بهذا الاسم بعد أن أنقذهم الله من العطش وجاءتهم سحابة أغاثت أرضهم ووردوا من ماءها .. واستوطنوا بها ..

http://www.mekshat.com/pix/upload01/prof023/mk61448_img_1769.jpg

** ذود من الإبل .. يتبع لأهل نقذه ..

http://www.mekshat.com/pix/upload01/prof023/mk61448_img_1772.jpg

** بحثنا عن مكان مشرف .. بعد أن أنهينا معاملة شاي العصر عند أبو زاهي كثر الله خيره ..

http://www.mekshat.com/pix/upload01/prof023/mk61448_img_1775.jpg

** قضينا المساء في هذا الفضاء .. بالذكر والتسبيح .. ثم سامرنا الليل بالقصيد والشيلات القديمة .. وفي الصباح الباكر .. كانت هذه الأجواء الجميلة ..

http://www.mekshat.com/pix/upload01/prof023/mk61448_img_1782.jpg

** في مساء البارحة ونحن خلود في النوم هبت علينا رياح عاصفة قوية .. وكان من فضل الله علينا أن كان لكل واحد منا غرفته التي بات بها.. حيث أثبتت خيمة المبيت فاعليتها ..

http://www.mekshat.com/pix/upload01/prof023/mk61448_img_1779.jpg

** بينما قوة الهواء تسببت في حفر ما تحت الكفرات .. فتحركت معها السيارة ..

http://www.mekshat.com/pix/upload01/prof023/mk61448_img_1785.jpg

** ولله الحمد .. هدأت العاصفة في الساعة الرابعة .. وكنا مضبطين وضع العفش قبل النوم .. من إطفاء للنار .. وترتيب مالا حاجة لبقائه ..

http://www.mekshat.com/pix/upload01/prof023/mk61448_img_1788.jpg

** فنجالاً من القهوة الصباحية .. مع قدوع التمر المجروش ..

http://www.mekshat.com/pix/upload01/prof023/mk61448_img_1787.jpg

** وتجهيز للفطور .. وتقطيع بالسكين السرامكية .. التي لا تصلح إلا للخضار والكبده .. وما لا عظم فيه ..!!

http://www.mekshat.com/pix/upload01/prof023/mk61448_img_1791.jpg

** خمسة البصل والطماط .. والكشنة .. عبر التاوه الاستل استيليه ..

http://www.mekshat.com/pix/upload01/prof023/mk61448_img_1789.jpg

** وتغطية الحمسه .. بالخبز لتسخينه ..

http://www.mekshat.com/pix/upload01/prof023/mk61448_img_1792.jpg

** هنا كان مكان مبيتنا ..

http://www.mekshat.com/pix/upload01/prof023/mk61448_img_1796.jpg

** وفي تلك المنطقة المشرفة .. مكان إفطارنا ..

http://www.mekshat.com/pix/upload01/prof023/mk61448_img_1798.jpg

** في صبيحة يوم الجمعة كنا على موعد للذهاب نحو بئر الخريزة والتي تبعد قرابة 25 كيلو من بئر نقذه .. في طريق قائم .. هذه هي الخريزة ..
http://www.mekshat.com/pix/upload01/prof023/mk61448_img_1802.jpg

** وزووم أقرب .. لمنطقة الخريزة .. حيث لم ينقطع الربيع خلال ذهابنا لها ..

http://www.mekshat.com/pix/upload01/prof023/mk61448_img_1803.jpg

** بئر الخريزة القديم .. من حفره .. وكيف حفره .. ؟؟

http://www.mekshat.com/pix/upload01/prof023/mk61448_img_1804.jpg

** مورد الماء .. وإن كان كما ذكرت ليس بذلك العذوبة ..

http://www.mekshat.com/pix/upload01/prof023/mk61448_img_1808.jpg

** صورة لجهة أخرى من مركز الخريزة .

http://www.mekshat.com/pix/upload01/prof023/mk61448_img_1810.jpg

** إبريق شاي الضحى .. يتدلى من على القنارة ..

http://www.mekshat.com/pix/upload01/prof023/mk61448_img_1816.jpg

** ومن بين الزهور البنفسجية ..

http://www.mekshat.com/pix/upload01/prof023/mk61448_img_1817.jpg

** منطقة أكثر من رائعة أجبرتنا على التوقف بها ...

http://www.mekshat.com/pix/upload01/prof023/mk61448_img_1823.jpg

** بعد خروجنا من الخريزة كانت الاتجاه نحو هجرة الجفر والتي تبعد 45 كيلو ..

http://www.mekshat.com/pix/upload01/prof023/mk61448_img_1818.jpg

** بيالة شاهي .. ختامية لهذه الرحلة الاستكشافية ..

http://www.mekshat.com/pix/upload01/prof023/mk61448_img_1832.jpg

** واصلنا المسير نحو الجفر .. ومررنا بجوار هذا الدحل ..

http://www.mekshat.com/pix/upload01/prof023/mk61448_img_1838.jpg

** دحل كبير .. دفنته التربة ..

http://www.mekshat.com/pix/upload01/prof023/mk61448_img_1839.jpg

** مواصلة المسير نحو الجفر .. وإن كان الربيع قد قلّ رغم تميز هذه المنطقة أول الشتاء بربيعها ..

http://www.mekshat.com/pix/upload01/prof023/mk61448_img_1842.jpg

** قبيل الوصول .. كانت هذه الردمية المبروكة .. التي قطعت علينا عرقاً كان صعبا ..

http://www.mekshat.com/pix/upload01/prof023/mk61448_img_1843.jpg

** يالله .. وش عذركم يا شركة زين .. أهل الجفر يطلبونكم .. وتركوا stc وموبايلي ..

http://www.mekshat.com/pix/upload01/prof023/mk61448_img_1845.jpg

** إشرافة معتادة .. لمركز الجفر ..

http://www.mekshat.com/pix/upload01/prof023/mk61448_img_1846.jpg

** وقد وصله الازفلت .. من عند مدينة الخطة ..

http://www.mekshat.com/pix/upload01/prof023/mk61448_img_1848.jpg

** مدينة حيه .. وصلناها وقت صلاة الجمعة .. أحياها الكهرباء والازفلت ..

http://www.mekshat.com/pix/upload01/prof023/mk61448_img_1850.jpg

** مزرعة .. في زاوية من زوايا الجفر ..

http://www.mekshat.com/pix/upload01/prof023/mk61448_img_1852.jpg

** بقالة .. مبطين عن هالشوفه ..

http://www.mekshat.com/pix/upload01/prof023/mk61448_img_1854.jpg

** بجوارها مدرسة ابتدائية .. وقد تم تغيير الشعار الجديد ..

http://www.mekshat.com/pix/upload01/prof023/mk61448_img_1855.jpg

** لوحة ترحيبية ..

http://www.mekshat.com/pix/upload01/prof023/mk61448_img_1856.jpg

** جامع والدة الأمير سلطان بن محمد . رحمها الله ..

http://www.mekshat.com/pix/upload01/prof023/mk61448_img_1860.jpg

** هنا الجفر .. وقد خرجنا منه ..

http://www.mekshat.com/pix/upload01/prof023/mk61448_img_1861.jpg

** توقفنا .. بعد أن ابتعدنا بعض الشيء لنجهز وجبة الغداء الأخيرة .. مع وجود بصيص من الربيع ..

http://www.mekshat.com/pix/upload01/prof023/mk61448_img_1863.jpg

** الوصول للخطه .. والتي تبعد عن الجفر 25 كيلو مزفلت ..

http://www.mekshat.com/pix/upload01/prof023/mk61448_img_1866.jpg

** وهي على طرف النفود .. وبين السهل والرمل .. أرضها زراعية خصبة ..

http://www.mekshat.com/pix/upload01/prof023/mk61448_img_1867.jpg

** والاهتمام بها وبزفلتتها واضح ..

http://www.mekshat.com/pix/upload01/prof023/mk61448_img_1868.jpg

** هذه بلدية الخطة ..

http://www.mekshat.com/pix/upload01/prof023/mk61448_img_1871.jpg

** وهذه المجسمات .. الجمالية ..

http://www.mekshat.com/pix/upload01/prof023/mk61448_img_1874.jpg

** خرجنا من مدينة الخطة .. نحو مركز القاعد والذي يبعد 18 كيلو ..

http://www.mekshat.com/pix/upload01/prof023/mk61448_img_1876.jpg

** ومررنا مرور سريع بالقاعد ..

http://www.mekshat.com/pix/upload01/prof023/mk61448_img_1877.jpg

** مناظر جمالية معبرة ..

http://www.mekshat.com/pix/upload01/prof023/mk61448_img_1879.jpg

** الصعود للحصور على الفنجال ..

http://www.mekshat.com/pix/upload01/prof023/mk61448_img_1881.jpg

** واصلنا المسير .. من القاعد إلى الخط السريع 20 كيلو والذي انطلقنا منه جنوباً نحو الديار .. لنتوقف على أطراف رشاش أخضر قبيل وصولنا لمنطقة القصيم ونجهز شاي العصر ..

http://www.mekshat.com/pix/upload01/prof023/mk61448_img_1885.jpg

** وبعد أن أقمنا صلاتي المغرب والعشاء جمعاً وقصرا ..انطلقنا نحو القصيم لنصل للديار مساء يوم الجمعة بحمدالله وسلامته .. بعد رحلة استكشافية جديدة ..
من الرحلة :
** العام الماضي كانت رحلتنا لشق النفود من الشرق إلى الغرب وكانت عسيرة الدروب .. وكانت عبر هذا التقرير :

::المهند في:الدهناء:الصمان:تربة:أشيقر:بن رطيان:نقذه:بن رخيص:الرديفة:حائل::28/2/1433هـ (http://tumaer.com/vb/showthread.php?t=98176)

** في إجازة الحج قبل الماضي كان لي رحلة تباري النفود من الجهة الغربية مروراً بجبه والعليم :

::جبه:العليم:الدومة:سكاكا:عذفاء:ساموده:أم رقيبة::(180)صورة مهندية لإجازة عيد الضحية 1432 (http://tumaer.com/vb/showthread.php?t=95879)

** قبل قرابة أقل من شهر كانت لي زيارة تشطف النفود الكبير وبالتحديد من الحيانية إلى عذفاء .. مع النفود .. في هذا التقرير :

::الحيانية:النفود الكبير:عذفاء:ربيع بين سكاكا وعرعر:مسيج الغرابة:الرجل الكريم : الرحبة:النظيم:18/3/1434هـ (http://tumaer.com/vb/showthread.php?t=109745)

** بحول الله وقوته .. نظرتي للمرحلة القادمة .. نحو شق النفود من جبل العليم إلى مركز عذفاء والتي تبعد أكثر 100 كيلو ..

في الختام .. كل الشكر والتقدير لجميع المتابعين والداعين والذاكرين ..

حفظنا الله وإياكم بحفظه .. ولاتنسوني من دعاؤكم ..

تقبلو تحيات أخيكم
المهند
تمير
9/4/1434هـ

[كلاش تمير]

ماشاء الله تبارك الله

يعطيك العافية يامهند وربعك النشاما والله يبيض وجيهكم


تقرير في قمة الروعة

سرد شامل ووافي

حمدا لله على سلامتكم

[سُلاَفْ القَصِيدْ]

مآشآء الله رحله جميله و موفقه وصور ومعلومآت أجمل
عجبتني النظآفه للاماكن البريه اللي مريتوآ عليها الله يجيب لهآ ولنآ السيل يآرب


http://www.mekshat.com/pix/upload01/prof023/mk61448_img_1823.jpg

آستعراض روعه للابريق وهو بين الزهور البنفسجيه

تسلم آلآيآدي ع التقرير وعلى الرحله آلآستكشآفيه
التي من خلآلهآ تعرفنآ على مدن وقرى وصحآري المملكه لو تقآريرك ورحلآتك كآن ماتعرفنآ على هـ المدن والقرى الغريبه
الله يجزآك خير كفيت ووفيت
والله يعطيكم الصحه والعآفيه
والحمدلله على سلآمتكم

[النادر]

كفيت ووفيت اخوي المهند تقرير رائع
ودائما تقدم التشويق والابداع بالمواضيع التي تطرحها
شاكر ومقدر لك هذا التقرير والله يحفظك وين ماكنت
ويكفي شفنا بهالتقرير ابو عبدالله الفيصل ونعم الرجل

[المهند]

ماشاء الله تبارك الله

يعطيك العافية يامهند وربعك النشاما والله يبيض وجيهكم


تقرير في قمة الروعة

سرد شامل ووافي

حمدا لله على سلامتكم

الله يعافيك أخوي كلاش تمير ..

شكراً لك ولحضورك ..

سلمك الله .. .

[المهند]

مآشآء الله رحله جميله و موفقه وصور ومعلومآت أجمل

عجبتني النظآفه للاماكن البريه اللي مريتوآ عليها الله يجيب لهآ ولنآ السيل يآرب


http://www.mekshat.com/pix/upload01/prof023/mk61448_img_1823.jpg

آستعراض روعه للابريق وهو بين الزهور البنفسجيه

تسلم آلآيآدي ع التقرير وعلى الرحله آلآستكشآفيه
التي من خلآلهآ تعرفنآ على مدن وقرى وصحآري المملكه لو تقآريرك ورحلآتك كآن ماتعرفنآ على هـ المدن والقرى الغريبه
الله يجزآك خير كفيت ووفيت
والله يعطيكم الصحه والعآفيه
والحمدلله على سلآمتكم


الله يعافيك ويسلمك أختي الراقية ..

تتميز أرض النفود الكبير .. بأنها أرض بكر .. لم يكثر عليها الكشاتة أو أهل الحلال .. وبشكل عام البشر الذين لا يهتمون بالمحافظة على هذه الطبيعة ..
أما الابريق فأينما نوجه له الكاميرا بين هذه الزهور فهو جميل ..

شكراً لحضورك .. والله لا يهينك ..

[المهند]

كفيت ووفيت اخوي المهند تقرير رائع
ودائما تقدم التشويق والابداع بالمواضيع التي تطرحها
شاكر ومقدر لك هذا التقرير والله يحفظك وين ماكنت
ويكفي شفنا بهالتقرير ابو عبدالله الفيصل ونعم الرجل


يا مرحباً بك أخوي أبو عثمان .. وأبرك الساعات حضورك ..

وما يحتاج أبو عبدالله هو راعي النفود والباخص فيها .. وما عليك زود ..

حياااك الله ..

[عزوف]

ماشاءالله عليك الله يحفظكم

تقرير مميز كالعادة سلمت علية

وبانتظار جديدك..

[ابوخليــــل]

ماشاء الله رحله موفقه اخوي
ويعطيك العاافيه على التقرير المميز

[المهند]

شكى لي أكثر من شخص .. تعليق الصفحة عبر منتديات مدينة تمير ..

ولعلي إحيلهم على رابط التقرير في منتدى مكشات ..

http://www.mekshat.com/vb/showthread.php?t=563986 (http://www.mekshat.com/vb/showthread.php?t=563986)

مع شكري وتقديري واعتذاري لجميع المتابعين والمشاهدين ..

[المهند]

ماشاءالله عليك الله يحفظكم

تقرير مميز كالعادة سلمت علية

وبانتظار جديدك..

الله يعافيك .. والله يسلمك ..

شاكر لك حضورك ..

[المهند]

ماشاء الله رحله موفقه اخوي
ويعطيك العاافيه على التقرير المميز

الله يوفقنا وإياك أخوي أبو خليل ..

الله يعافيك .. ويجزاك خير على حضورك ..

[المتحـ2007ـد]

ما شاء الله

تقرير واااافي يا المهند وشيق كما عوتنا

رحلنا معكم بين هذه الصور الى تلك الاماكن الجميله

شرح ممتع وصور مميزه

كل الشكر لك على هذا الموضوع الأكثر من رااائع

والحمد لله على السلامه

[المهند]

ما شاء الله


تقرير واااافي يا المهند وشيق كما عوتنا

رحلنا معكم بين هذه الصور الى تلك الاماكن الجميله

شرح ممتع وصور مميزه

كل الشكر لك على هذا الموضوع الأكثر من رااائع

والحمد لله على السلامه



الله يسلمك أخوي المتحد ..

والشكر لك على حضورك وتواجدك ..

لاهنت يالغالي .

[الكاريبي]

هلا ابو مهند صباح الخير
كالمعتاد صورة المتجر في تقريرك مثل الحمد في الصلاة

http://www.mekshat.com/pix/upload01/prof023/mk61448_img_2715.jpg

[الكاريبي]

ملاحظة تر من يوم حنا صغار ومواضيعك خطيرة تلخبط الاجهزة والفكر،انت متعب يبيلك راس صاحي !
مار الله يعني عليك عشرة ايام لبق في هالموضوع ،كني خشير

[المهند]

هلا ابو مهند صباح الخير
كالمعتاد صورة المتجر في تقريرك مثل الحمد في الصلاة

http://www.mekshat.com/pix/upload01/prof023/mk61448_img_2715.jpg

هلا بالخير والعافية ..

هالمرة ماله دخل متجر الصياد ..

الدعاية هالمره للهايلكس اللي للبيع ومغسلة العليا ودهانات الجزيرة ..

أنت دائماً تنظر للنصف الفارغ من الكأس ..!!

[المهند]

ملاحظة تر من يوم حنا صغار ومواضيعك خطيرة تلخبط الاجهزة والفكر،انت متعب يبيلك راس صاحي !
مار الله يعني عليك عشرة ايام لبق في هالموضوع ،كني خشير

يارجال أزبن مكشات ..

وألقط منه .. وتعال هنا ..

[الكاريبي]

هلا بالخير والعافية ..


أنت دائماً تنظر للنصف الفارغ من الكأس ..!!
الطريقة العلمية الجديدة للتعليم تبدأ بكل ثم الجزء!
رح انت وكاسك ما دريت عنه هو فارغ والا مليان ،والكلام هذا لاتقربه منه ثم ادهورك !
المهم خلنا في موضوعنا الاهم ،
متى رحت للنفود الكبير ؟
وهل كمان في السابق على وعورته ،وارتفاعاته ؟
لاني اشوف كل من هب ودب قال رحت للنفود الكبير ،
مول يابومهند في شجر الغضا كنه طلح من كبره هل لا يزال موجود؟
وليت تحط صورة له

شكرا لك

[الكاريبي]

http://www.mekshat.com/pix/upload01/prof023/mk61448_img_1569.jpg

[الكاريبي]

http://www.mekshat.com/pix/upload01/prof023/mk61448_img_1522.jpg

ماش انت خطير !!
قمت اخاف منك عقب هالقطاوة

[المهند]

الطريقة العلمية الجديدة للتعليم تبدأ بكل ثم الجزء!
رح انت وكاسك ما دريت عنه هو فارغ والا مليان ،والكلام هذا لاتقربه منه ثم ادهورك !
المهم خلنا في موضوعنا الاهم ،
متى رحت للنفود الكبير ؟
وهل كمان في السابق على وعورته ،وارتفاعاته ؟
لاني اشوف كل من هب ودب قال رحت للنفود الكبير ،
مول يابومهند في شجر الغضا كنه طلح من كبره هل لا يزال موجود؟
وليت تحط صورة له

شكرا لك

أبشر .. أبشر ... شربت النصف الفارغ من الكأس ..

هذي أسئلة اختبار

تم الذهاب في 2 / 4 / 1434 كما هو مدون في الصور ..
لا لم يعد كما كان في السابق .. فقد زادت وعورته .. وارتفعت كثبانه ..
وبالفعل كل من هب ودب ذهب للنفود .. فالوسائل تيسرت وتسهلت ولم تعد كما كانت في السابق .. السيارات مريحه .. والتغريزات لم تعد تذكر .. بفضل الله ثم بفضل مواطير الهواء اللي شريناها من الصياد ..
الآن ما عندك مشكلة نسم الكفرات .. ولا يردك إلا الربع الخالي .. يالله لك الحمد ..

أما شجر الغضا الآن كنه الأثل من كبره .. ما تدري هو غضا أو أثل ..

http://www.up-tumaer.net/tumaer/download.php?img=20196


أنت متى خبرك بالنفود .. يا خوفتي يوم الفروت واللواري ..

[المهند]

http://www.mekshat.com/pix/upload01/prof023/mk61448_img_1522.jpg

ماش انت خطير !!
قمت اخاف منك عقب هالقطاوة

مسيكينه هالقطوة .. كل ما دخلنا مع محل لقيناها في وجهينا .. لحالها .. لا أنيس ولا جليس ..

[الكاريبي]

أبشر .. أبشر ... شربت النصف الفارغ من الكأس ..

هذي أسئلة اختبار

تم الذهاب في 2 / 4 / 1434 كما هو مدون في الصور ..
لا لم يعد كما كان في السابق .. فقد زادت وعورته .. وارتفعت كثبانه ..
وبالفعل كل من هب ودب ذهب للنفود .. فالوسائل تيسرت وتسهلت ولم تعد كما كانت في السابق .. السيارات مريحه .. والتغريزات لم تعد تذكر .. بفضل الله ثم بفضل مواطير الهواء اللي شريناها من الصياد ..
الآن ما عندك مشكلة نسم الكفرات .. ولا يردك إلا الربع الخالي .. يالله لك الحمد ..

أما شجر الغضا الآن كنه الأثل من كبره .. ما تدري هو غضا أو أثل ..

http://www.up-tumaer.net/tumaer/download.php?img=20196


أنت متى خبرك بالنفود .. يا خوفتي يوم الفروت واللواري ..
النفود خابره يو الحصا تمر !مبطي والله عنه .
هذي شجرة غضاة !!!؟

معقوله كذا ؟

[الكاريبي]

مسيكينه هالقطوة .. كل ما دخلنا مع محل لقيناها في وجهينا .. لحالها .. لا أنيس ولا جليس ..
مسسسسيكينة !!!!!!!
هي حية الى الان بس ؟؟؟؟؟؟؟؟؟؟

[الكاريبي]

** مزرعة صغيرة .. اصطفت فيها النخيلات ..

http://www.mekshat.com/pix/upload01/prof023/mk61448_img_1484.jpg

ماتلاحظ ان النخل عندهم ماش !كنه مستنكر الارض !منظره ماهوب زين ابد

[الكاريبي]

http://www.mekshat.com/pix/upload01/prof023/mk61448_img_1550.jpg

كنك من حقين المسلسات البدوية بالشخصية هذي !
ولو ربيع طيب ماهقيته كذا والله

[أبـوحـمـد]

ماشاء الله تقرير جميل وسرد رائع

تسسلم يالمهند وماقصرت

بسس استغربت كيف تدخلون للمدارس مفتوووحه هي ومسبيه او كيف !!

http://www.mekshat.com/pix/upload01/prof023/mk61448_img_1690.jpg

[الكاريبي]

** هذا إذا قالو لك ( يوصل حد الركب )

http://www.mekshat.com/pix/upload01/prof023/mk61448_img_1539.jpg

وشو اللي يوصل الركب ؟

** قيلولة .. ضحوية .. سريعة ..

http://www.mekshat.com/pix/upload01/prof023/mk61448_img_1542.jpg

هالمرة تصويرك ،ورحلتك موفقه بالحيل من جد والله ،ولا هقيت هذا ا كله منك .
اثر ربيع النفود اطيب وازين

[الكاريبي]

http://www.mekshat.com/pix/upload01/prof023/mk61448_img_1817.jpg

مظر رهيب والله

[المهند]

النفود خابره يوم الحصا تمر !مبطي والله عنه .
هذي شجرة غضاة !!!؟

معقوله كذا ؟

إيه نعم ..

خبرك قديم ..

يوم الناس تشد بالإبل والنجد يمها ..

الله من الفيافي قطعتها ..

مسسسسيكينة !!!!!!!
هي حية الى الان بس ؟؟؟؟؟؟؟؟؟؟

وش يموتها ..

ما تأكل إلا باقي مفاطيح وجرابيع ..

[المهند]

** مزرعة صغيرة .. اصطفت فيها النخيلات ..

http://www.mekshat.com/pix/upload01/prof023/mk61448_img_1484.jpg

ماتلاحظ ان النخل عندهم ماش !كنه مستنكر الارض !منظره ماهوب زين ابد

عز الله أنك صدقت ..

النخلة مهيب أرضها .. في هالنفود .. تحس انها محطوطة غصب ..
حتى أن فيه شيء ممصوع مصع ..

[المهند]

http://www.mekshat.com/pix/upload01/prof023/mk61448_img_1550.jpg

كنك من حقين المسلسات البدوية بالشخصية هذي !
ولو ربيع طيب ماهقيته كذا والله

ههههه

لا يفوتك الجاكيت .. تراه ماركة .. تبع شركة كات للمعدات الثقيلة ...

الربيع شي .. شي .. لا تنسى أنه في نفود ..

[الكاريبي]

هذي وشي ؟ شرع والا بيوت

http://www.mekshat.com/pix/upload01/prof023/mk61448_img_1725.jpg

[المهند]

ماشاء الله تقرير جميل وسرد رائع

تسسلم يالمهند وماقصرت

بسس استغربت كيف تدخلون للمدارس مفتوووحه هي ومسبيه او كيف !!

http://www.mekshat.com/pix/upload01/prof023/mk61448_img_1690.jpg

هلا أبو حمد ..

المدراس مفتوحة وفيها عامل يتابعها .. ويرعى الغنم ويبيع في المقصف .. وووو

الفصول مفتوحة بس لكن الإدارة مصكوكة ..

حياااك ..

[الكاريبي]

ههههه

لا يفوتك الجاكيت .. تراه ماركة .. تبع شركة كات للمعدات الثقيلة ...

الربيع شي .. شي .. لا تنسى أنه في نفود ..
صراحة ذكرتني بابن عجلان ومكاري
http://www.mekshat.com/pix/upload01/prof023/mk61448_img_1550.jpg

هههههههههههههههههههه

[المهند]

** هذا إذا قالو لك ( يوصل حد الركب )

http://www.mekshat.com/pix/upload01/prof023/mk61448_img_1539.jpg

وشو اللي يوصل الركب ؟

الدم ... !!! ما تعرف صيغة المبالغة البرية .. !!

** قيلولة .. ضحوية .. سريعة ..

http://www.mekshat.com/pix/upload01/prof023/mk61448_img_1542.jpg

هالمرة تصويرك ،ورحلتك موفقه بالحيل من جد والله ،ولا هقيت هذا ا كله منك .
اثر ربيع النفود اطيب وازين

الشيء حضورك هو اللي زاد ربيع هالتقرير ...

ما ودك نزرق في هالاجازة الجاية يم النفود عشان نسوي لك تحديث من جديد .. عقب الفرمته اللي حصلت لك ..!!

[المهند]

http://www.mekshat.com/pix/upload01/prof023/mk61448_img_1817.jpg

مظر رهيب والله


وش رأيك فيني ..!!

ما أصلح ملك العدسة الذهبية ..

هههه

[المهند]

هذي وشي ؟ شرع والا بيوت

http://www.mekshat.com/pix/upload01/prof023/mk61448_img_1725.jpg

هذي شينكواااات .. اللهم من الصالي في الصيف ..

[المهند]

صراحة ذكرتني بابن عجلان ومكاري
http://www.mekshat.com/pix/upload01/prof023/mk61448_img_1550.jpg

هههههههههههههههههههه

ابن عجلان ونسمع به ..

لكن مكاري هذا من هو .. ؟

[الكاريبي]

والله ماقصرت الدولة في وسط النفود مدارس

http://www.mekshat.com/pix/upload01/prof023/mk61448_img_1690.jpg

[الكاريبي]

ابن عجلان ونسمع به ..

لكن مكاري هذا من هو .. ؟
اهم شي بن عجلان ،ومكاري لايهمك قهوجي عند الشيوخ

[المهند]

والله ماقصرت الدولة في وسط النفود مدارس

http://www.mekshat.com/pix/upload01/prof023/mk61448_img_1690.jpg

عز الله أنها ماقصرت ..

مدارس وموارد ..

وناس تلهج بالدعاء وبالذكر ..

مهوب خيبة في هالمدن الكبيرة .. تسب وتلعن وهي شبعانه ..

[المهند]

اهم شي بن عجلان ،ومكاري لايهمك قهوجي عند الشيوخ

إيه .. بيّن من اسمه ..

[الكاريبي]

الشيء حضورك هو اللي زاد ربيع هالتقرير ...

ما ودك نزرق في هالاجازة الجاية يم النفود عشان نسوي لك تحديث من جديد .. عقب الفرمته اللي حصلت لك ..!!
تبقى يا امير ،ياملك ،يارئيس ،
الا الزرقات مانيب رايح معك ابد

[الكاريبي]

عز الله أنها ماقصرت ..

مدارس وموارد ..

وناس تلهج بالدعاء وبالذكر ..

مهوب خيبة في هالمدن الكبيرة .. تسب وتلعن وهي شبعانه ..
اجل علمك نفسك وانت تسب الدولة ،شف في قلب النفود مدارس وبيوت وحياة !!

[الكاريبي]

عز الله أنك صدقت ..

النخلة مهيب أرضها .. في هالنفود .. تحس انها محطوطة غصب ..
حتى أن فيه شيء ممصوع مصع ..
النخل يبي اهله ،ماهوب كل من ركز النخله صارت نخله !!!
النخل من الاشجار المحترمه ولها قدر كبير في النفس ،وسبحان الله ترى النخل يعرف الشخص اللي يهتم به

[الكاريبي]

منظر حلو جدا ،
كم قعدتوا من يوم ؟
http://www.mekshat.com/pix/upload01/prof023/mk61448_img_1542.jpg

[المهند]

تبقى يا امير ،ياملك ،يارئيس ،
الا الزرقات مانيب رايح معك ابد

الزرقات حليوه ..
نشوف الشي وحنا عجلين .. وناخذ غدانا من المطعم .. ونسكن في شقه ..

كلها اسبوع ونجيك معودين .. ما يمدينا ولا نركب الموتر ..

[المهند]

اجل علمك نفسك وانت تسب الدولة ،شف في قلبي النفود مدارس وبيوت وحياة !!


أنا ..

يا بكاش ..

يا فقاش ..

نسيت رسايلك اللي ترسل لي ع الخاص ..

أي والله في قلب هالنفود .. ووحيف الرمل وأنواع السافي .. وصرقعة الشينكو .. ويشكرون ويذكرون ..

وعالم في قلب هالعاصمة .. مكيفات شغالة .. وخدم وحشم .. وحتى الشمس ما يشوفها .. ويسب ويشتم ..

هذا مواطن كلب .. تكرم ..

[المهند]

النخل يبي اهله ،ماهوب كل من ركز النخله صارت نخله !!!
النخل من الاشجار المحترمه ولها قدر كبير في النفس ،وسبحان الله ترى النخل يعرف الشخص اللي يهتم به

عز الله ..

النخلة مثل البزر ..

تعطيها .. ترتاح لك .. وتشكرك .. وتنتج لك ..

تشبيه من جنبها ..

[المهند]

منظر حلو جدا ،
كم قعدتوا من يوم ؟
http://www.mekshat.com/pix/upload01/prof023/mk61448_img_1542.jpg

مغير أربعة أيام ..

ياسرع ما راحت .. هذا وحنا لقط ..

[الكاريبي]

الزرقات حليوه ..
نشوف الشي وحنا عجلين .. وناخذ غدانا من المطعم .. ونسكن في شقه ..

كلها اسبوع ونجيك معودين .. ما يمدينا ولا نركب الموتر ..
لاحول اسبوع !!!
الله لو مالي اهل ،والا مطلوب في دم !!
الا بسالك اذا جاء في الليل وانتم في البر ماتحسون بخوف ووحشه ،وتقعد تناظر السماء تحتري الشمس تظهر ؟

[المهند]

لاحول اسبوع !!!
الله لو مالي اهل ،والا مطلوب في دم !!
الا بسالك اذا جاء في الليل وانتم في البر ماتحسون بخوف ووحشه ،وتقعد تناظر السماء تحتري الشمس تظهر ؟

وش عندك عاد أنت وأهلك .. كل هالسنة وأنت عندهم ..
اللي بيشوفك يقول بتحرر فلسطين ..

كشتة خفافية .. حتى محناب ماخذين معنا عزبة .. نبي نجمع صدقات وزكاة ونمر اللي ساكنين في هالبر ونوزع عليهم من هالقهوة والهيل والتمر .. وكل ذبيحة بحقها ..

إذا جاء الليل .. ردد ياليل ما أطولك ..

شرهك على اللي يدري .. اندس في وسط هالشراع واسكت ألين نصبح ..

[الكاريبي]

أنا ..

يا بكاش ..

يا فقاش ..

نسيت رسايلك اللي ترسل لي ع الخاص ..

أي والله في قلب هالنفود .. ووحيف الرمل وأنواع السافي .. وصرقعة الشينكو .. ويشكرون ويذكرون ..

وعالم في قلب هالعاصمة .. مكيفات شغالة .. وخدم وحشم .. وحتى الشمس ما يشوفها .. ويسب ويشتم ..

هذا مواطن كلب .. تكرم ..
اصلا الدولة ماعليها من اللي يتكلم مثلك وشكلك !!
وانا اكبر موالي لبلدي ولا احد يشكك في وطنيتي وحبي للمملكة ،انا احب ارضي واحب ترابها ،
ولاعاد تكذب علي وتفتري !
وفكنا من هالكلام اللي ماله سنع ،وخلنا في موضوعنا لاتخرج عن صلب الموضوع

[الكاريبي]

عز الله ..

النخلة مثل البزر ..

تعطيها .. ترتاح لك .. وتشكرك .. وتنتج لك ..

تشبيه من جنبها ..
سبحان الله النخلة عجيبه ،نفس راعيها الاصلي يكفيها عن الماء اي والله ،واذا ركزها ماتموت !

اما وصفك لها ليتك ساكت .

[الكاريبي]

وش عندك عاد أنت وأهلك .. كل هالسنة وأنت عندهم ..
اللي بيشوفك يقول بتحرر فلسطين ..

كشتة خفافية .. حتى محناب ماخذين معنا عزبة .. نبي نجمع صدقات وزكاة ونمر اللي ساكنين في هالبر ونوزع عليهم من هالقهوة والهيل والتمر .. وكل ذبيحة بحقها ..

إذا جاء الليل .. ردد ياليل ما أطولك ..

شرهك على اللي يدري .. اندس في وسط هالشراع واسكت ألين نصبح ..
احترم نفسك ولا تكلم في اهلي !
شف نبي نروح في اسفل شعيب مبايض رمل وقريب وقبل المغرب وحنا شابين ضونا في المشب ومصلين في الدفا ،ماهوب ابرك ؟
وانا وش علي من فلسطين ؟فلسطين يفكونها اهلها

[المهند]

اصلا الدولة ماعليها من اللي يتكلم مثلك وشكلك !!
وانا اكبر موالي لبلدي ولا احد يشكك في وطنيتي وحبي للمملكة ،انا احب ارضي واحب ترابها ،
ولاعاد تكذب علي وتفتري !
وفكنا من هالكلام اللي ماله سنع ،وخلنا في موضوعنا لاتخرج عن صلب الموضوع

إيه إيه ..

أزبن صلب الموضوع ولا تطلع منه ..

[الكاريبي]

نبي نكمل موضوعنا زين لاحنا مطولين ابد عشرة ايام بس

[المهند]

سبحان الله النخلة عجيبه ،نفس راعيها الاصلي يكفيها عن الماء اي والله ،واذا ركزها ماتموت !

اما وصفك لها ليتك ساكت .

سبحان الله العظيم ..

تعرف راعيها الأصلي .. أكيد معها رقم جواله ..

أقول خلها كنها البزر أهون ..

[المهند]

احترم نفسك ولا تكلم في اهلي !
شف نبي نروح في اسفل شعيب مبايض رمل وقريب وقبل المغرب وحنا شابين ضونا في المشب ومصلين في الدفا ،ماهوب ابرك ؟
وانا وش علي من فلسطين ؟فلسطين يفكونها اهلها

آسف .. آسف ..

طلعات الشبهه القريبة هذي اسمح لي .. مالي فيها ..

خلك عند اهلك أبرك ..

[الكاريبي]

إيه إيه ..

أزبن صلب الموضوع ولا تطلع منه ..
خلاص في صلبه !عاد انا ابروح زين ،
وانت رجال تبي راس صاحي وانا مافي شدة منتهي

[المهند]

خلاص في صلبه !عاد انا ابروح زين ،
وانت رجال تبي راس صاحي وانا مافي شدة منتهي

اهب يا وجهه ...

هذا وأنت مافيك شده ومنتهي ..

أجل وش لون لوك صاحي ..

[الكاريبي]

اهب يا وجهه ...

هذا وأنت مافيك شده ومنتهي ..

أجل وش لون لوك صاحي ..
لا ،صاحيلك ،
ووريك ان تقول معد احط ولا تقرير

[الكاريبي]

الخطة هذي وش فيها ؟
ديرة والا هجرة ولا وش قصتها ؟
وكم تبعد عن حائل ؟

[الكاريبي]

لو سمحت اذا تبي نوسع الصدر حط رابط مكشات ناخذ الصور منه ،ماهوب شغل هذا ؟
موضوعك مندمر

[المهند]

لا ،صاحيلك ،
ووريك ان تقول معد احط ولا تقرير

جعلك على القوة ..

دامنا فارغين نبي نفنيك ... إن الله أحيانا ..

[المهند]

الخطة هذي وش فيها ؟
ديرة والا هجرة ولا وش قصتها ؟
وكم تبعد عن حائل ؟

الخطة هذي ديرة حليوه .. مهيب صغيرة .. وانتقل لها أغلب سكان النفود الأصليين .. وجايه على حد نفود مع سهل .. ويكثر فيها الرشاشات المحورية ..

وتبعد عن حايل يجي 50كيلو شرق منها .. وأنا ماحسبتها بالضبط ..

[سُلاَفْ القَصِيدْ]

لو سمحت اذا تبي نوسع الصدر حط رابط مكشات ناخذ الصور منه ،ماهوب شغل هذا ؟
موضوعك مندمر
غير متصفحك الصور طالعه عندي مآشآء الله ومآفيه آي مشكله ..

[المهند]

لو سمحت اذا تبي نوسع الصدر حط رابط مكشات ناخذ الصور منه ،ماهوب شغل هذا ؟
موضوعك مندمر

أبشر ..

والله إنك شغله تراي سبق أن حطيته لكن ما يمنع نعيده ..

http://www.mekshat.com/vb/showthread.php?t=563986 (http://www.mekshat.com/vb/showthread.php?t=563986)

[الكاريبي]

جعلك على القوة ..

دامنا فارغين نبي نفنيك ... إن الله أحيانا ..
ابكبّر الخط عشان تشوفه ،
اتحداك لو يجي معك الفين ،والميدان ياحميدان !!!

[الكاريبي]

الخطة هذي ديرة حليوه .. مهيب صغيرة .. وانتقل لها أغلب سكان النفود الأصليين .. وجايه على حد نفود مع سهل .. ويكثر فيها الرشاشات المحورية ..

وتبعد عن حايل يجي 50كيلو شرق منها .. وأنا ماحسبتها بالضبط ..

ماشاء الله ،اجل بلد زراعي ؟
هذي على وصفك صيهد .
شكرا على التوضيح

[الكاريبي]

غير متصفحك الصور طالعه عندي مآشآء الله ومآفيه آي مشكله ..
المتصفح مافيه شي وتطلع الصور ،لكن المشكلة يجي تعليق وتطلع مشاكل كثير ـويطفي الاتصال .
ترى هذا شغله معي من مبطي وخاصة في مواضيع الاجودي هذي

[الكاريبي]

أبشر ..

والله إنك شغله تراي سبق أن حطيته لكن ما يمنع نعيده ..

http://www.mekshat.com/vb/showthread.php?t=563986 (http://www.mekshat.com/vb/showthread.php?t=563986)
ايه جبه وانت ساكت !
رح صلح المنتدى وشف مشاكله ،ليه مكشات بالسلاسه هذي وانتم لا ؟؟؟؟؟؟؟؟

[المهند]

ابكبّر الخط عشان تشوفه ،
اتحداك لو يجي معك الفين ،والميدان ياحميدان !!!

أبد ..

نبي نجيبها على سعه ... والأمور سهالات

[الكاريبي]

أبد ..

نبي نجيبها على سعه ... والأمور سهالات
وش قصدك ؟
ليه ماتزعل ؟

[الكاريبي]

أخذنا فنجال الضحى .. من دلتهم الوالمة ..

http://www.mekshat.com/pix/upload01/prof023/mk61448_img_1497.jpg

الوالمة عند دغيّم الظلماوي !!
القهوة هذي منهي له ؟وينها فيها ؟
هذي كويسه اذا جاء برد والا هوا وعج تزبنها ،مثل الفندق لا اجار ولا هم يحزنون

[الكاريبي]

http://www.mekshat.com/pix/upload01/prof023/mk61448_img_1727.jpg
المكان هذا فيه حياة ؟
وش اسم الهجرة هذي ؟؟؟؟؟؟؟؟؟؟؟؟

[المهند]

ماشاء الله ،اجل بلد زراعي ؟
هذي على وصفك صيهد .
شكرا على التوضيح

إيه بلد زراعي .. لكن مهوب صيهد صيهد ..

جاي على طريف ضلع .. ثم تتسهل الأرض ..

وما شاء الله الأرض صار فيها ماء الله يطرح البركة ... واستغلت في الزراعة ...

[الكاريبي]

المكان هذا وينه فيه ؟
كني شفت اسم اسم ميقوع او اني واهم !مدري والله

http://www.mekshat.com/pix/upload01/prof023/mk61448_img_1750.jpg

** هنا المدرسة .. وإن كانت لم تلحق على وزارة التربية والتعليم .. وبقيت على وزارة المعارف ..

http://www.mekshat.com/pix/upload01/prof023/mk61448_img_1744.jpg

[الكاريبي]

إيه بلد زراعي .. لكن مهوب صيهد صيهد ..

جاي على طريف ضلع .. ثم تتسهل الأرض ..

وما شاء الله الأرض صار فيها ماء الله يطرح البركة ... واستغلت في الزراعة ...
ماشاء الله كان عندهم ماء ويسقون هالكين والاثل يبي يخرفون من الدخل !
مايبيعون ارض عندهم يابومهند ؟
انشدهم كان تعرف منهم نفر!

[المهند]

ايه جبه وانت ساكت !
رح صلح المنتدى وشف مشاكله ،ليه مكشات بالسلاسه هذي وانتم لا ؟؟؟؟؟؟؟؟

والله كلمت الإدارة بهالخصوص ..

ومالقينا حل لهالأمر ..

فربطناه بمكشات ..

[المهند]

وش قصدك ؟
ليه ماتزعل ؟

وش يزعلني ..

موضوع متى بغيت وفرغت له رديت ...

[المهند]

أخذنا فنجال الضحى .. من دلتهم الوالمة ..

http://www.mekshat.com/pix/upload01/prof023/mk61448_img_1497.jpg

الوالمة عند دغيّم الظلماوي !!
القهوة هذي منهي له ؟وينها فيها ؟
هذي كويسه اذا جاء برد والا هوا وعج تزبنها ،مثل الفندق لا اجار ولا هم يحزنون

دغيّم الظلماوي .. هذا وش هو ومن هو منه .. هو من أهل ظلم اللي على خط مكة ..

القهوة هذي كل فجر زاهبه .. راعيها شفاقة الشمري .. رجل ابحث عنه في جوجل وشف علومه .. لا دغيم ولا يحزنون ..
إذا جاء الهواء والعج .. فحنا اهله .. ما طلعنا من عند أهلنا إلا نبي نتحمل كل شي ..

أما الرخامة هذي فندق وأجار إذا جيت معك ... أنت وربيعك ..

[المهند]

http://www.mekshat.com/pix/upload01/prof023/mk61448_img_1727.jpg
المكان هذا فيه حياة ؟
وش اسم الهجرة هذي ؟؟؟؟؟؟؟؟؟؟؟؟

هذي هجرة بن رطيان ..

شف توضيح أحد المدرسين وماذا قاله عنها ..


ما أتحدث عنه كان عام 1419هـ

وقد كان رطيان يعج بالحياة وعدد الطلاب يزيد عن الأربعين
بعد وفاة الكثير من كبار السن في رطيان
وحاجة بعض الطلاب مواصلة دراستهم في المتوسط والثانوي
هجر كثير من أهل رطيان المكان وإستقر كثير منهم في الجفر والخطة

وكنا نسلك طريق رملي وعر من الخطة ثم الجفر ثم نقذة ثم رطيان 80كم ذهاياً
ووعورة الطريق تكمن بين الخطة والجفر قبل إنشاء الطريق المعبد الواصل لقرية الجفر

وإن زرت أخي المهند تمير رطيان مرة أخرى بلغ سلامي للرجل الكريم شاكر العبيدان



يعني قبل 15 سنة ..

[المهند]

المكان هذا وينه فيه ؟
كني شفت اسم اسم ميقوع او اني واهم !مدري والله

http://www.mekshat.com/pix/upload01/prof023/mk61448_img_1750.jpg

** هنا المدرسة .. وإن كانت لم تلحق على وزارة التربية والتعليم .. وبقيت على وزارة المعارف ..

http://www.mekshat.com/pix/upload01/prof023/mk61448_img_1744.jpg

هذا تبع البيوت اللي قلنا في الرد السابق والتابعة لابن رطيان ..

أما ميقوع فهي مهيب يمها ..

[المهند]

ماشاء الله كان عندهم ماء ويسقون هالكين والاثل يبي يخرفون من الدخل !
مايبيعون ارض عندهم يابومهند ؟
انشدهم كان تعرف منهم نفر!

أكثر ما كثر الله عندهم الأراضي ..

هم ينحاشون من ديارهم وأنت تتشري أرض ..

رح شف لك نقره منا وإلا منا .. وطق فيها مطق وسمها هجرة الكاريبي ..

والله أن اسمها زين ..

[الكاريبي]

السلام عليكم

هلا ابو مهند ازيك !
الناس تحط التقارير وانت ساكت وش العلم ؟؟؟؟؟؟؟؟
المهم نبي لنا ارض عندهم وانشد كان لك معرفة معهم

[المهند]

السلام عليكم

هلا ابو مهند ازيك !
الناس تحط التقارير وانت ساكت وش العلم ؟؟؟؟؟؟؟؟
المهم نبي لنا ارض عندهم وانشد كان لك معرفة معهم

وعليكم السلام والرحه ..

أبشر .. بعزك ..

كنك تشوف ..

التقرير جاهز وعقب الظهر بينزل إن شاء الله ..

[الكاريبي]

الله يعينا عليك ،اكيد المرافق الرسمي معك ؟
عرفته ظ

[المهند]

الله يعينا عليك ،اكيد المرافق الرسمي معك ؟
عرفته ظ

لا والله ما عرفته ..

من هو .. ؟؟

http://www.tumaer.com/vb/showthread.php?t=110862

[اابو عزوز]

تكفا يازين الشتاء

[توليب2]

مشاء الله عليك كفيت ووفيت موضوع كامل ورائع

الف شكر لك

[لميس]

تسسلم ايدينك ع رووعة موضوعك ورحلااتك
ماقصرت الله يعطيك الف عافيه :)