يصيب بالموت المفاجيء : عطر قاتل يزرع الهلع بالسعودية والعراق والبحرين

[الكاريبي]

يصيب بالموت المفاجيء : عطر قاتل يزرع الهلع بالسعودية والعراق والبحرين
http://www.tumaer.com/vb/contents/newsm/48924.jpg




04-09-1434 10:34 AM
عاجل (متابعات)- أثار خبر اكتشاف "عطر قاتل ومسموم" في العراق والبحرين والسعودية، حالة من الذعر على مواقع التواصل الاجتماعى فيس بوك وتويتر التى سارع عبرها نشطاء بنشر صورة العطر واسمه.

ووصلت نسبة الوفيات على أثره في العراق إلى ثماني أشخاص و35 مصابًا تحت العناية المركزة، كما أعلنت قناة "MBC1" في برنامج "صباح الخير يا عرب"، صباح أول من أمس الأحد.

وتم الكشف عن اسم وشكل هذا العطر المسموم القاتل واسمه (LOVELY)، وبعد إجراء الفحوصات على العطر، تبين أنه عندما ترش نسبة منه على الجسد لا يؤثر في نفس الوقت بل بعد مرور ثلاثة أو أربعة أيام ويكون على أثره الموت المفاجئ وفقا لصحيفة البيان الإماراتية

[أبـوحـمـد]

سمعت عن هذا العطررر من مبطي بس ماسمعت وفيات عنه

مكن تكوون اشااعه الي انتشرت بالوتس اب والبيبي

[طفولة تمير]

اشاعه انا عندي هالعطر وماجاني شي وكل اللي اعرفهم يستخدمونه وما فيهم الا العافيه..

[الكاريبي]

يسمعت عن هذا العطررر من مبطي بس ماسمعت وفيات عنه

مكن تكوون اشااعه الي انتشرت بالوتس اب والبيبي
الا قلي البيبي وشو؟

لو انها اشاعة ما نشروها في الاخبار !
شكرا على حضورك

[الكاريبي]

اشاعه انا عندي هالعطر وماجاني شي وكل اللي اعرفهم يستخدمونه وما فيهم الا العافيه..
ودكم تكذبوني وبس انتي وابوحمد !
لو ان اللي قايله غيري كان قلتوا يا ساتر ياربيه !!!!

شكرا على حضورك

[سُلاَفْ القَصِيدْ]

طيب ليش يحذروون منه وهو مجرب ومافيه اي خطوره مثل ماقالت طفوله !!
تسلم ع الخبر

[طفولة تمير]

ههههههههههه الببي هو بلاك بيري

والله والله عندي هالعطر واستخدمه اتوقع يبون يسيئون له لانه لامرأه اسرائيليه..

ريحته روووعه ..نسيت اقولك ترا الخبر من زمان طالع اكثر من سنه

[الكاريبي]

طيب ليش يحذروون منه وهو مجرب ومافيه اي خطوره مثل ماقالت طفوله !!
تسلم ع الخبر
يحذرون منه لانه خطير ،وهالحين طفولة رئيس هيئة حماية المستهلك ؟
ابد ودها تعاند وتشغلنا .

شكرا على حضورك

[الكاريبي]

ههههههههههه الببي هو بلاك بيري

والله والله عندي هالعطر واستخدمه اتوقع يبون يسيئون له لانه لامرأه اسرائيليه..

ريحته روووعه ..نسيت اقولك ترا الخبر من زمان طالع اكثر من سنه
صراحة ابوحمد ما راكبله الاختصار اجل ابوحمد يقول بيبي!!!!!!!!!!
متاكده ان الطيب عندك والا تشابه الامر عندك ؟
اجل الخبر قديم نحذفه ونخلص !
شكرا على الاضافة والتفنيد للخبر

[أبـوحـمـد]

وشهد شااهد من اهلهاااا خلاص,,,

هذي اشاعات اخوي الكاريبي تمنيت تكون صوره العطر موجوده عشان تشوف طفوله نفس الي عندها اولا,,,

[الكاريبي]

وشهد شااهد من اهلهاااا خلاص,,,

هذي اشاعات اخوي الكاريبي تمنيت تكون صوره العطر موجوده عشان تشوف طفوله نفس الي عندها اولا,,,
ياخوي قل تكذب وخلصنا .

ايه الصورة موجودة وصدقني ان طفولة من جنبها .

[طفولة تمير]

ههههههههههه حرام عليك والله انه عندي العطر طلعت عليه اشاعات من زمان

ابد تعطرو منه ولاتخافون ريحته جنااااان

زي ما قلت يبون يسيئون له لانه اسرائيلي..

وهو الحين عندي واذا خلص ابجيب غيرة..تبي اجيب لك واحد هع

[أبـوحـمـد]

ياخوي قل تكذب وخلصنا .

ايه الصورة موجودة وصدقني ان طفولة من جنبها .

حااشاك الكذب انت جزاك الله خير جايبه بنيه زينه وتحذير وهذا شي تشكر عليه الصرااحه

بس انا سمعت انها اشاعه وحبيت ابلغك

والحمد لله ان الاخت طفوله مجربته وما ماتت ام سبع ارواح :t20:

ووش تبي غير كذا

ووين الصووره طيب,,,

[الكاريبي]

ههههههههههه حرام عليك والله انه عندي العطر طلعت عليه اشاعات من زمان

ابد تعطرو منه ولاتخافون ريحته جنااااان

زي ما قلت يبون يسيئون له لانه اسرائيلي..

وهو الحين عندي واذا خلص ابجيب غيرة..تبي اجيب لك واحد هع
ماتعودنا الاطياب تجيب لنا الشمم والعطاس ،اذا شفنا واحد متطيب تلطمنا ندوخ من ريحة والله !
ودي اصدق انه اشاعة .
الا كم هوبه ؟يعني سعره كم ؟

[طفولة تمير]

هههههههه اجل وش تتعطر به يا الكاريبي..لايكون عطر الليوم ابو خمسه ريال

العطر اللي تسال عنه قيمته بعد الخصم ميه وخمسين قبل الخصم اتوقع حول ثلاث ميه

وبعدين ليش يجيك شمم..

[الكاريبي]

حااشاك الكذب انت جزاك الله خير جايبه بنيه زينه وتحذير وهذا شي تشكر عليه الصرااحه

بس انا سمعت انها اشاعه وحبيت ابلغك

والحمد لله ان الاخت طفوله مجربته وما ماتت ام سبع ارواح :t20:

ووش تبي غير كذا

ووين الصووره طيب,,,
الواضح من كلامك انك ما صدقتني !على طول تقول قديم الخبر !جايب خبر وفرحان به وعوذ بالله تقامزتوا في حلقي !
يمكن طفولة عندها مضادات حيوية خلقة ماتعرف المستشفى الا باسمه !!!!!!ترى بعض الناس يجي صاحي مايضره شي ابد .
ابجيب الصورة هالحين

[الكاريبي]

هههههههه اجل وش تتعطر به يا الكاريبي..لايكون عطر الليوم ابو خمسه ريال

العطر اللي تسال عنه قيمته بعد الخصم ميه وخمسين قبل الخصم اتوقع حول ثلاث ميه

وبعدين ليش يجيك شمم..
نتعطر بذاك اللي يحط على الغسالات عقب العازيم الكلونيا !كويس ورخيّص!
طيب بثلاث مية !!!ثلاث مية ناكل فيها شهر

يجيب الشمم بلانا ماتعودنا هالطيب ويجي قوي ويخلف التوازن .

[أبـوحـمـد]

الواضح من كلامك انك ما صدقتني !على طول تقول قديم الخبر !جايب خبر وفرحان به وعوذ بالله تقامزتوا في حلقي !
يمكن طفولة عندها مضادات حيوية خلقة ماتعرف المستشفى الا باسمه !!!!!!ترى بعض الناس يجي صاحي مايضره شي ابد .
ابجيب الصورة هالحين

اذا قلنا عندها مضادات اهلها عندهم بعد من كلامها كل البيت مستخدمه دور غير هالحكي يالكاريبي الا تبيه يموت بالي هيبه !

[طفولة تمير]

الواضح من كلامك انك ما صدقتني !على طول تقول قديم الخبر !جايب خبر وفرحان به وعوذ بالله تقامزتوا في حلقي !
يمكن طفولة عندها مضادات حيوية خلقة ماتعرف المستشفى الا باسمه !!!!!!ترى بعض الناس يجي صاحي مايضره شي ابد .
ابجيب الصورة هالحين

بسم الله علي اذكروا الله تراني توني طالعه من سخونه وكحه وكتمه بالصدر جلست شهر ونص توني اتعافى..

وبعدين العطر الليمون ماتوا اللي يستخدمونه ..

والله ماتقامزنا بس حبيت اوضح ان الخبر قديم زي عطرك الليمون

وتقول العطر بثلاث ميه ما شريته بهالسعر انا شريته بعد الخصم والعطر الزين غالي

[أبـوحـمـد]

ووشو ابو ليمون هذا لا يكون هذا الكلونيا يالكاريبي

[طفولة تمير]

نتعطر بذاك اللي يحط على الغسالات عقب العازيم الكلونيا !كويس ورخيّص!
طيب بثلاث مية !!!ثلاث مية ناكل فيها شهر

يجيب الشمم بلانا ماتعودنا هالطيب ويجي قوي ويخلف التوازن .


هههههههههههه الكاريبي حسستني انك عايش بغار وش اللي يسوي اختلال بالتوازن

وتقول ثلاث ميه تاكل فيها شهر ..هنا مستحيل اصدقك..الا اذا كان اكللك دايم صامولي

[الكاريبي]

بسم الله علي اذكروا الله تراني توني طالعه من سخونه وكحه وكتمه بالصدر جلست شهر ونص توني اتعافى..

وبعدين العطر الليمون ماتوا اللي يستخدمونه ..

والله ماتقامزنا بس حبيت اوضح ان الخبر قديم زي عطرك الليمون هههههههههههه

وتقول العطر بثلاث ميه ما شريته بهالسعر انا شريته بعد الخصم والعطر الزين غالي
ماشاء الله تبارك الله الله لايضرك .
اترك العطورات هذي كلها كيماويات ومشاكل وهذا انتي هالحين تقولين سخاين وكتمه كلها من العطورات هذي!
ابد هذاعطر الليمون ما نغسل الا وهو قدامنا وش زينه ويزيل الزفر .
اجل قديم مثل عطري!
عاد ترى الطيب لو تدفع ثلثين مالك مافيه شي يقوله الرسول .والطيب مهما تحط فيه من فلوس مافيها شي الا الا سرائيلي هذي.

[الكاريبي]

http://www.up-tumaer.net/tumaer/download.php?img=19446 (http://www.up-tumaer.net/tumaer/download.php?img=19446)

[طفولة تمير]

ايه هذا العطر ..

والله والله انه اشاعه واذا مومصدقني على راحتك ..

صحيح هي تجيب الكتمه بس ما نقدر لازم العطر

[أبـوحـمـد]

طيب كيف تدخل المنتجات الاسرائيليه لنا كذا بالسوووق عيني عينك !!

[الكاريبي]

هههههههههههه الكاريبي حسستني انك عايش بغار وش اللي يسوي اختلال بالتوازن

وتقول ثلاث ميه تاكل فيها شهر ..هنا مستحيل اصدقك..الا اذا كان اكللك دايم صامولي
من جد عاد اشتري طيب 150ريال !!
اشتري رز ناكله لنا شهرين ،لكن طيب !!!الحمدلله رب العالمين .
الا صدقي الله لو اني عايش على المالية !!!!

[الكاريبي]

ايه هذا العطر ..

والله والله انه اشاعه واذا مومصدقني على راحتك ..

صحيح هي تجيب الكتمه بس ما نقدر لازم العطر
صار مثل اللي عندك صدقنا خلاص!
لكن انه يجيب الكتمة ،لو كان واحد حالة ضعيف مات مثل اللي ماتوا .

[طفولة تمير]

من جد عاد اشتري طيب 150ريال !!
اشتري رز ناكله لنا شهرين ،لكن طيب !!!الحمدلله رب العالمين .
الا صدقي الله لو اني عايش على المالية !!!!

الله يرزقك ويرزقنا ..

[الكاريبي]

طيب كيف تدخل المنتجات الاسرائيليه لنا كذا بالسوووق عيني عينك !!
ايه !
ابوحمد قام ينطل الاسئلة علي ويروح يرد له عشرين رد في الترفيهي، وانا ماقابل هالموضوع يكتم ، يذبح !!!وش عليه منه ؟
كل اللي في السوق منتجات اسرائيلة بس يغيرون البلد المصنع .

[الكاريبي]

الله يرزقك ويرزقنا ..
الله يجزاك خير

شكرا لك

[أبـوحـمـد]

ايه !
ابوحمد قام ينطل الاسئلة علي ويروح يرد له عشرين رد في الترفيهي، وانا ماقابل هالموضوع يكتم ، يذبح !!!وش عليه منه ؟
كل اللي في السوق منتجات اسرائيلة بس يغيرون البلد المصنع .

لا والله هنا بس طفووله ماقصرت جاوبتك بالنياابه عني الله يجزاها خير ,,

[طفولة تمير]

الله يجزاك خير

شكرا لك

وياك يالطيب

عفوا..

[الكاريبي]

لا والله هنا بس طفووله ماقصرت جاوبتك بالنياابه عني الله يجزاها خير ,,
عز الله طفولة ما قصرت .
الله يجزاها خير الجزاء

[لميس]

الله يعطيك الف عآفيه ع نقل الخبر
ودي ووردي لك..~

[توليب2]

انا مصدقك اخوي واكيد فيه سبب ماحذروو منه الا فيه شي

عوافي

[الكاريبي]

انا مصدقك اخوي واكيد فيه سبب ماحذروو منه الا فيه شي

عوافي
هههه كفو بيض الله وجهك
انا اقوله لو مامنه خطر ماكتبوا عنه لكن من تعلمين ؟

شكرا على حضورك

[توليب2]

خلك عنهم هذولي مايدرون وبعدين يمكن صنف منه سامه مو الكل الاصناف

[الكاريبي]

الله يعطيك الف عآفيه ع نقل الخبر
ودي ووردي لك..~
الله يعافيك
لاهنتي على حضورك

[الكاريبي]

خلك عنهم هذولي مايدرون وبعدين يمكن صنف منه سامه مو الكل الاصناف
انا ثابت على موقفي وهم يدرون انهم مخطين !
نعم فيه اصناف واشكال والعطورات تشابه مثل ماتفضلتي فيه خطير وقاتل مثل اللي في الخبر .

شكرا على وقفتك الصادقه والمنصفة لا عدمناك يا مشرفتنا