العالمي
07 / 01 / 2013, 17 : 05 PM
ان ابتسم ذبح المعنّى ثناياه
واليا لحظ جنِّك سهومن تصيبي
لو ينعرض هرجه على الطير غناه
وانا اشهد انه علتي والطبيبي
لا باغي(ن) غيره بخيره وحسناه
ولا نايم(ن) ليلن وهو لي طليبي
عليه قلبي يابساتن حناياه
وانا على لاماه يقنب قنيبي
لا واعلى مسكة يميني بيمناه
وارقد هني وخابر انه نصيبي
ينلاع قلبي له وروحي تمناه
باسباب هجره صرت كني غريبي
لي روعة(ن) لامن حنا ذكرناه
بين العظم والجلد تدبي دبيبي
عجز البخت يبني لنا ما حلمناه
وحظي من الاقدار جرحن عطيبي
مرحوم ياحبن قديمن دفناه
عز الله اني عقبكم بان عيبي
عابر السبيل
واليا لحظ جنِّك سهومن تصيبي
لو ينعرض هرجه على الطير غناه
وانا اشهد انه علتي والطبيبي
لا باغي(ن) غيره بخيره وحسناه
ولا نايم(ن) ليلن وهو لي طليبي
عليه قلبي يابساتن حناياه
وانا على لاماه يقنب قنيبي
لا واعلى مسكة يميني بيمناه
وارقد هني وخابر انه نصيبي
ينلاع قلبي له وروحي تمناه
باسباب هجره صرت كني غريبي
لي روعة(ن) لامن حنا ذكرناه
بين العظم والجلد تدبي دبيبي
عجز البخت يبني لنا ما حلمناه
وحظي من الاقدار جرحن عطيبي
مرحوم ياحبن قديمن دفناه
عز الله اني عقبكم بان عيبي
عابر السبيل