الفطور المدرسي

[وزمانك راح]

السلام عليكم ورحمة الله وبركاته..

اتمنى من اخواني واخواتي منسوبي التربيه والتعليم النظر للموضوع للاهميه

في احد المدارس الطالبات .. جابو معهم فطور لهم للمدرسه وتوقع انه مو ممنوع مدام الفطور مافيه شي مخالف

جات المديره المدرسه اخذت الفطور منهم واحد المساعدات حطت رجلها على الفطور ((نعمة الله ))

واخذو جميع الفطور وهددوهم لو احد شكى ولا تكلم راح يعقبون الطالبه

رمو كل الاكل بالزباله ..البنات وش ياكلون !!!

اذا المدرسه مقصفها مافيه شي والفطور اوقات يلقون في السندويشات اشياء مووب زينه وعصيرات في احد المدن ممنوعه لان لقين فيها اشياءء والحين يبيعونها في المدارس للبنات

من حق الطالبات يجيبون معهم فطور الحين الجو بارد ويحتاجون لشي يدفيهم مثل الشاهي والحليب

بعد مرور كم اسبوع على هالمشكله يجمعون كل الفصول وينزلونهم تحت للعرض ويعرضون لهم اكل البنات من الزباله ويستهزون بالطالبات ((لهدرجه فيكم جوع ))< كلمت الداريه لهم

طيب اذا المعلمات 24 ساعه معهم فطور وشاهي وقهوه ليه يمنعون الطالبات من ان يفطرون دخل المدرسه بحدود مافيه ششي ممنوع اذا الفطور جاهز من البيت والشاهي ليدفي جسمهم من البرد

يخلون بناتنا جوعانين وينتفضون من البرد والمقصف الي تلحق تاخذ والي ماتلحق ماتلقى شي !!!!!!!


اتمنى من المسؤلين التدخل بالموضوع

[مخاوي سدير]

اذا كان الموضوع صحيح وفيه شهود عيان انا اطلب من صاحبه الموضوع والطالبات بتقديم شكوى رسميه لمدير مكتب التربيه والتعليم بتمير الاستاذ / محمد المناع وان لا يمر هذا الموضوع مرور الكرام

اذ كانت هذه المهزله المدرسيه من قبل مديره المدرسه والمساعده اتمنى بيكون هناك تتدخل من ادراه التربيه والتعليم بمحافظه المجمعه والرفع لها بهذا الخصوص اذا كان حلال على المديره والمساعدات والمدرسات

الاكل والشرب وحرام على بناتنا في الجو البارد فهذه مصيبه يا مدير التربيه والتعليم ختاما لكل شخص حريه الراي ويقول ماشاء في حدود المعقول وشكر لصاحبه الموضوع واتمنى بان يكون المتحدث الرسمي متابع للموضوع ..

[وزمانك راح]

فيه شهود وفيه شهود على ان المساعده حطت رجلها على الاكل

واذا تبون اسم المدرسه والفصل ارسالته لكم علشان تسالون الطالبات وتتحققون منهم

[عزوف]

الله يستر بالزبالة مرة وحدة

كان قالو هالمرة كلوة والمرة الجاية لاتجيبون كان قصدهم ممنوع

واتمنى صوتكم يصل الى المسؤل

[النادر]

اذا الموضوع صحيح لاتسكت وين حفظ النعمه
بعدين حتى لو صار مخالف تنبه البنت وانتهى الامر
اتمنى ان تكون المعلمه والمعلم قدوه حقيقيه

[هجـير الصمت]

السلآم عليكم اولآ ..| انا شاهده والله شاهده وشاايفتها بعيوني توطيه برجلينها الله يهديها .. وسؤوال الحين ليه تاخذ الفطور كله عادي ومافيه شيء شاهي يدفينا عن البرد فوق ماهي تطلعنا في البرد وتسكر الباب بعد ماتبينا نجيب شي .. المشكله هم دايم قهوه وشاهي وفطورات وجالسين عند دفايه ولا بمكاتبهم موب ضارهم شي ..
والله ما ظلمتها مسويه المدرسه سجن وهي سجانه قرارات وتحكم من راسها مالها اي علاقه في القرارات .. اللي اعرفه وزارتنا اللي تحط القرارات مو اهي ..


المهم اتمنى الموضوع مايتوقف في المنتدى وبس و يووصل كلامنا للمسئولين ..


يعطيكم العافيه

[عبدالله المحمد]

لاحول ولاقوة إلابالله
لهذي الدرجه تهان النعمه بالقدم

[فلسفة روح]

-

في الزبآلهه مره وححده وش هالنذآلهه
ي ششين الإدآريآت لآ تفرعنن
وبعدين ممن جدكم حآطه جلهآ ع الأككل !!
ذي ميب صآحيهه وميب مؤهله اسآسآ تصير معلمه او تعلم اججيآل
ع الدنيآ السسلآم لو بتكممل في هالمدرسسه !

[الدلع فن]

السلام عليكم ....انا اشهد على الكلام الي قالتته وهذا موووضوع جد وجمعت البنات المدرسه والمعلمات والاداريات كليا عرضته له بعرض بروجكتر امامهم وتصرفت مع البنات تصرففف مو حلوو وقالت كلام عنهم وانا شاهده بأفطار البنات لايوجد ششي مخالف ومع هاذا قطعتت برنامجج اللغه التعليمي علشان تعرض عرضها ليه هالتصرف مفرووض تحترم طالبتها مو تفشلهمم امام المعلمات والاداريات واتمنى ان هالموضووع يوصل محمد المناع ابو مناع ويرد .......وسلام

[مخاوي سدير]

اذ لم يجد حل للموضوع النشر الاعلامي عبر الصحف هو الحل

تتدخلي بموضوع شي داخل القلب تهان نعمه الله ونحن نصمت ..

[كيان]

شكلكم تقصدون......لاني سمعت عنهم بهذا الشيء والله يرحمووون

[سُلاَفْ القَصِيدْ]

آن شاء الله بصل صوتك للمسئولين عن هذه المشكله
وياليت عدم التطرق لذكر آسمآء وآلآ سوف آضطر نقل الموضوع لقسم الشكآوي للنظر اليه من قبل مكتب التعليم هنآك ..

[شوكلاته]

السلام عليكم....
انا وحده من الطالبات اللي اخذوا مني فطووري..
مع ان احنا اللي جايبييينه كله اكل عادي مافيه شي مو زين..
قالوا ممنوووع قلنا اوووكي ..ممنوع ممنوع ...
بس توصل لانهم يكبوونه بالزباله ويوطونه برجليهم,,هذا مايرضي الله ..
اقل شي يسوون مثل المدارس الثانيه يخلون الاكل عندهم واخر الدوام كل بنت تاخذ اكلها وع البيت ..
حتى المووااعين حقتنا خذووها ومارجعووها ..!!!!
هذا غيير العشر درجات اللي نقصووها من كل بنت جابت فطووور ..
ماااأقووول غير الله الهادي ...
وحسبي الله ونعم الوكييل فيهم ان كانهم ظالميينا ...

[قطوش]

حسبي الله ونعم الوكيلللللل
ماجربت تنحرم من النعممممممممممممه :(

[نبضك]

السلام عليكم....
انا وحده من الطالبات اللي اخذوا مني فطووري..
مع ان احنا اللي جايبييينه كله اكل عادي مافيه شي مو زين..
قالوا ممنوووع قلنا اوووكي ..ممنوع ممنوع ...
بس توصل لانهم يكبوونه بالزباله ويوطونه برجليهم,,هذا مايرضي الله ..
اقل شي يسوون مثل المدارس الثانيه يخلون الاكل عندهم واخر الدوام كل بنت تاخذ اكلها وع البيت ..
حتى المووااعين حقتنا خذووها ومارجعووها ..!!!!
هذا غيير العشر درجات اللي نقصووها من كل بنت جابت فطووور ..
ماااأقووول غير الله الهادي ...
وحسبي الله ونعم الوكييل فيهم ان كانهم ظالميينا ...

وزيادة تلفضو علينا ولمن بنتين دافعو عن نفسهم استدعو وليات امرهم وخلو البنات يعتذرون وحتى الفطور هجمو علينا كن جايبين مخدرات مو اكل

[اوركيدا]

والله شكل ادارة المدرسه معد لقوا لهم شغله
كابين الاكل ب الزباله وموطينه وزياده تلفظوا على البنات ب الفاظ بذيئه
كونهم ادارة مدرسه ما اتوقع ان هذا اسلوب تربوي يتعاملون به مع طالباتهم
طيب البنات جابوا فطور مرره في السنه مو كل يووم مثل الاداره ليه ياخذونه منهم ع الاقل
ماينكب في الزباله يعطونه عامل المدرسه او اي احد ع الاقل ترحم البنات الي تعبوا وهم يطبخون
شكل الرحمه انتزعت من قلوبهم*
حاطين حيلهم ع البنات لافطور راضين يجيبون وزياده على كذا رامين كتب البنات في الساحهه
مع العلم ان فيها اسم الله وخسسف ب الدرجات ومخلين البنات طول الفسحه في الساحه الخارجيه
في هـ البرد وقافلين الباب زين البنات متحملين للحين
م اقول الا ( اللهم لا تواخذنا بما فعل السفهاء منا )

[غلا الدنيا]

الاصحيح
بنات اخوي مودين سندويشات ورموها بالزباله قدام عيونهم

وش هالنجاسسه اعوذ بالله وش خلو لليهود اللهم ياكافي

[تسسوى عيوني]

لا مشكلتها انها هي اللي تكبه بالزباله وتتهم الطالبات هذا يسمى ظلم
حسبي الله عليييك
الله يتبلاك دنيا واخخخره

[ولد تميم]

سلامي للجميع اذا كان هذا اموضوع صاير فيجب على الشركه بل تلزم انها تغير ما تبيعه على الطالبات الى اشياء مفيده وتصلح لبرد الشتاء فجميع ما تبيعه الشركه غير مناسب ولا يشجع على الشراء وغالي يجب ان تكون الاسعار مناسبه لجميع الطالبات اين المشروبات الطازجه اين المشروبات الدافئه اين السندويشات اعذرو الطالبات عندما يحضرنا معهن فطور هن لانهن لم يجدن اي شئ مفيد ويسد جوع الشتاء خاصه انها تقضي وقت طويل عذرا واوشكرا لمن طرح الموضوع وارجو مراقبة ما يباع قبل اخذ الفطور
:t173:

[همسات الحب]

حسبي الله عليها

[الالماسه]

انا طالبه بالمتوسطه واختي بالثانوي وحنا طالعين طلعه شفتهم مجمعين النعمه بالتدبير لاتتبلون على خلق الله يعاقبكم الله
على اساس ياخذه العامل ولا خذه من بكره خرب ورموه بالزباله والبنات من الشطانه طلعوه من الزباله ونثروه عناد للاداره وبعضهم كلوه الله يقرفهم
والله على ماقول شهيد
الكلام من مصدر موثوق

[جوهرة تميم]

الله وصدقه وانا وحده من الطالبات

[هجـير الصمت]

عزيزتي الالماسه لاتقولين ماكلين من الزباله محنب حيوانات صدقيني احنا رحنا لقيناه مكبوب ومنثر عند الزباله جايه ومشتطه وتقولين ياكلون من لزباله وراءه قطاوه ولا مجاعه وماشفنا العيشه
وبعد تقولين والله على ماقول شهيد اانا اتوقع انك الاداره نفسها وتدافعين عن نفسك حراام عليك جد لاتقولين شي مو جد احنا صح رحنا لزباله بس ماخذناوكلنا ولا نثرنا شفناه وتحيسبنا عليهم ودورنا مواعينا
ولا لقيناها وطلعنا ..|

[اوركيدا]

حبيبتي الالماسه مافيه شي يخرب في الشتاء على ما اظن
والاكيد ان البنات راحووا يدورون مواعينهم لا تقولين ان البنات الي كابينه وانتي م تدرين
وبعدين عمرك شفتي اكل ينكب في الزباله والله من الفسقه بس الله يصلحك

[تمريه]

حسبي الله عليهم *

الحقيقه في الامر ان المديره اقدمت على الطالبات بكل ((( شراسه )))
متناسيه باأنها هي القدوهة للطالبات ؛
ومن اعمال الاداره الفاضله :

1 - الالفاظ البذيئه من قبل المديره .
2 - تجميع الكتب ورميها من اعلى المبنى .
3 - اهانه النعمه .

والله على ماقول شهيد
الكلام من مصدر موثوق

[..,]

هي الي كابته وهي رايحه ومتعبه عمرها ومصلحه عرض بوربوينت مدري شسمه ذا وماذا حصل وماذا سيحصل تكبه وتحطها فينا

[ضبيا]

آنآ وحده من آلطآلبآت
آليوم هي كآتبه وهي عآرض العرض وآلصور تبي تفشلنآ عيب ولو هي خآفت على سمعت مدرستهآ مآسوت كيذآ وآذ فيه خير تجي وتقول لنآ آن يآبنآت وتهآزآنآ لكن آنهآ تقوم وتعرض قدآم آللكل عععيب وقسم تبي سمعت مدرستنآ تنزل
وعلى آلفطور ترآ شي عآدي جآيبين سندوشيآت مآجبنآ بيبسي وخرآبيط وآذ صآر آلمقصف في شي زين نآكله ويدفينآ تجي تتكلم وقآونين آلمدرسه كلهآ زفت ليه وش مسوين لهآ
آتمنى آلمدير يقرآ

[جوهرة تميم]

وشذا معقولة كذا مهزلة صارت ياشين ذالمدرسة
انا درست ماعمري شفت مثل كذا يازين مدارس الرياض بس
كل يوم نجيب فطورنا وسفرةوش كبره واشكال والوان وحتى المعلمات يعطونا
شاي وقهوة اذا طلبنا منهم وهذا ومدرستنا عادية جدا
لازم المديرة توقف عند حدها عسى ماشر تحط حرتها بالبنات ويقولون البنات قليلات ادب
اذا مالقو من يحترمهم اكيد بتكون كذا ردة فعلهم
المديرة والمساعدة يبيلهم اعادة تأهيل
حسبي الله ونعم الوكيل الله بيحاسبهم
ياليت تاخذون القضية هذه بمحمل الجد

[جوهرة تميم]

الله وصدقه وانا وحده من الطالبات





ترى انا من طالبات الرياض في احد زرف معرفيي :medfa3::medfa3:

[na12seraaa]

السلام عليكم
والله غريبه عليكم يا اهل تمير ترضون على بناتنا بالاهانه من قبل وحده ماتخاف ربها

ولفترض ان اكل ممنوع وين الممنوع بالموضوع النفس تشتهي ياناس انا اتحدى هي تفطر يوميا من المقصف مثل الطالبات وانا ماقول الا سحبي عليها وجعلها مثل مارمت هالنعمه ربي يحرمها منها
البنت ماتتحاسب على لقمة جابتها اهي لاجابت جوال ولا كاميرا ولا شي ممنوع اهي تحشر خشمها بكل شي ويوم انها تعرض بالبروجيكتر صور الاكل تجاهر بمعصيتها هاذي وحده ماتخاف ربها عيب عليها والله بس بيجي لها يوم

[shosho2]

السلام عليكم ورحمة الله وبركاتة
اخواني واخواتي الأفاضل : اود أن أبين في هذا الحديث عن تصرف ادارة مدرسة
احضرت احد الفصول فطور جماعي
فعلمت إدارة المدرسة بالموضوع
حيث قامت الأدارة
-المديره --
بأخذ الفطور من الطالبات ولم يكتفو بذلك بل قامو برميه في سلة المهملات! بعد مانتهت الأدراة من جريمتها قامو بتهام الطالبات برميه في سلة المهملات! وقامت الأدراة

-تهديد الطالبات بتصوير سلة المهملات وكتابة الأسماء ونشرها في احد مواقع التواصل الأجتماعي.
-كتابة تعهد للطالبات.
هل هذا تصرف مديرة مدرسة على بناتها بهذا الشكل! وهل نعمة الله سبحانة وتعالى ترمى! حسبي الله ونعم الوكيل
كان من المفترض أن تتصرف الأدراة بلباقه بتحذير الطالبات بعدم إعادة مافعلوه ولكننا أبتلينا بأشخاص لاينتمون لتربية بصله. والله على مأكتب شهيد

تحياتي:

[ملاك بين الناس]

استغفر الله

[na12seraaa]

السلام عليكم ورحمة الله وبركاتة
اخواني واخواتي الأفاضل : اود أن أبين في هذا الحديث عن تصرف ادارة مدرسة
احضرت احد الفصول فطور جماعي
فعلمت إدارة المدرسة بالموضوع
حيث قامت الأدارة
-المديره --
بأخذ الفطور من الطالبات ولم يكتفو بذلك بل قامو برميه في سلة المهملات! بعد مانتهت الأدراة من جريمتها قامو بتهام الطالبات برميه في سلة المهملات! وقامت الأدراة

-تهديد الطالبات بتصوير سلة المهملات وكتابة الأسماء ونشرها في احد مواقع التواصل الأجتماعي.
-كتابة تعهد للطالبات.
هل هذا تصرف مديرة مدرسة على بناتها بهذا الشكل! وهل نعمة الله سبحانة وتعالى ترمى! حسبي الله ونعم الوكيل
كان من المفترض أن تتصرف الأدراة بلباقه بتحذير الطالبات بعدم إعادة مافعلوه ولكننا أبتلينا بأشخاص لاينتمون لتربية بصله. والله على مأكتب شهيد

تحياتي: عائشه ناصر العيسى

صح لسانك يابنت ناصر
والمساعده اللي وطت النعمه معروفه كانت مستخدمه وصارت اداريه وان شاء الله فعلها هاذا يكون سبب لطردها يارب

[هجـير الصمت]

السلام عليكم ورحمة الله وبركاتة
اخواني واخواتي الأفاضل : اود أن أبين في هذا الحديث عن تصرف ادارة مدرسة
احضرت احد الفصول فطور جماعي
فعلمت إدارة المدرسة بالموضوع
حيث قامت الأدارة
-المديره --
بأخذ الفطور من الطالبات ولم يكتفو بذلك بل قامو برميه في سلة المهملات! بعد مانتهت الأدراة من جريمتها قامو بتهام الطالبات برميه في سلة المهملات! وقامت الأدراة

-تهديد الطالبات بتصوير سلة المهملات وكتابة الأسماء ونشرها في احد مواقع التواصل الأجتماعي.
-كتابة تعهد للطالبات.
هل هذا تصرف مديرة مدرسة على بناتها بهذا الشكل! وهل نعمة الله سبحانة وتعالى ترمى! حسبي الله ونعم الوكيل
كان من المفترض أن تتصرف الأدراة بلباقه بتحذير الطالبات بعدم إعادة مافعلوه ولكننا أبتلينا بأشخاص لاينتمون لتربية بصله. والله على مأكتب شهيد

تحياتي: عائشه ناصر العيسى


كفووووووو بنت ناصر ..ّ يعطيكك العافيه

[مشآعر تميرآويه]

فيه شهود صح وانا منهم طالبه واشهد اللي شفته والله بيحاسبني عليه ليه الكذب ي طالبات شفت اللي صار هي ماوطته وانا شفتها وكنت من ضمن البنات وطت الكيس اللي جنبه وبعدين صديقاتي جايبات ورق عنب وفول وشاورما وكانوا مسوين فطور جماعي وهذا ممنوع في جميع المدارس المديره قالت لنا جيبوا سندوتشات موب فطور جماعي كذا هذي مدرسه مهي للاكل..
واتقوا الله في تصرفاتكم اخواتي *

[زمان الصمت]

رساله عاجله لابو مناع
لابد من النظر في هذه الاداره
وما تفعله لاادارياتها بالطالبات وفتح تحقيق معهن
فمشاكلهن كثر زبد البحر فلا هم يمتلكون الحنكه الاداريه

[نبضك]

فيه شهود صح وانا منهم طالبه واشهد اللي شفته والله بيحاسبني عليه ليه الكذب ي طالبات شفت اللي صار هي ماوطته وانا شفتها وكنت من ضمن البنات وطت الكيس اللي جنبه وبعدين صديقاتي جايبات ورق عنب وفول وشاورما وكانوا مسوين فطور جماعي وهذا ممنوع في جميع المدارس المديره قالت لنا جيبوا سندوتشات موب فطور جماعي كذا هذي مدرسه مهي للاكل..
واتقوا الله في تصرفاتكم اخواتي *

لا تكذبين خافي ربك كل بنات اول ثانوي شفوها ولمن قالو لها نعمه قالت الله لا ينعم عليكم من بنات
صح ولا كلامي خطا يا....

[shosho2]

فيه شهود صح وانا منهم طالبه واشهد اللي شفته والله بيحاسبني عليه ليه الكذب ي طالبات شفت اللي صار هي ماوطته وانا شفتها وكنت من ضمن البنات وطت الكيس اللي جنبه وبعدين صديقاتي جايبات ورق عنب وفول وشاورما وكانوا مسوين فطور جماعي وهذا ممنوع في جميع المدارس المديره قالت لنا جيبوا سندوتشات موب فطور جماعي كذا هذي مدرسه مهي للاكل..
واتقوا الله في تصرفاتكم اخواتي *

اختي الغاليه:
لاتنكرين
الله راح يحاسبك على كل كلمه كتبتيها كذب '
والله ع ماأقول شهيد

[فراوله تنقط عسل]

الله يعين كان خلوهن ياكلنه ياعمري قبل بيوم تلقينهن يصلحن فيه
بلشات في تصفيط ورق العنب. غيره من الي يبي شغل متعب.
لا نسينا السبب من كل الهوشه والصجه الا وهو حضور المجهات للمدرسه والطالبات فالتها عزومه
هذا ماغضب المديره ولازم تساتذنون من الاداره
بس تحدى الطالبات يعترفن انهن مخطاءت
هذا والله اعلم
اختكم. لبنى طاهر

[تمريه]

مكتب التربيه والتعليم يقرا بصمت !

[عبدالله المحمد]

الساكت عن الحق شيطان اخرس
الى متى تهان كرامة بناتنا ام الملا ونحن نتفرج
الرجاء التدخل في اسرع وقت
خصوصااا ان الطالبات مقبلات على فترة اختبارات ويمكن ان تفعل المديرة مالا يحمد عاقبته من خسف درجات السلوك لامور تافهه

[مشآعر تميرآويه]

مستحيل الطالبات يعترفون انهم مخطئات وبعدين صدق والله فيه بنات طلعوا الاكل من الزباله وكلوه الحمد لله ما جبت شي وهن فالتها كنه بوفيه اتمنئ من مدير التربيه النظر في الموضوع ومعاقبه الطالبات ..

[وزمانك راح]

الساكت عن الحق شيطان اخرس
الى متى تهان كرامة بناتنا ام الملا ونحن نتفرج
الرجاء التدخل في اسرع وقت
خصوصااا ان الطالبات مقبلات على فترة اختبارات ويمكن ان تفعل المديرة مالا يحمد عاقبته من خسف درجات السلوك لامور تافهه

اصلا المديره مهدده الي بيشتكي ياويله

[ضمى المشاعر]

لدرجه ان الشاهي يبيعوونه بالمقصف خاطرن ينكب علينا
واذا جبنا قالو ممنووع وينا فيه ؟؟!

[عبدالله المحمد]

اذا هذا دليل على ان ماتقوم به من افعال مخزيه وغير لائقه كمنصب مديره صحيح

[مشآعر تميرآويه]

اصلا المديره مهدده الي بيشتكي ياويله

والله ماهدتنا ولا قالت شي قالت ما عندي لكم مواعين واللي تبي مواعينها يجون اهلها يستلمونها اللي تبي تشتكي هذا مكتب مدير التربيه مفتوح
خافي الله في كلامك

[وزمانك راح]

مستحيل الطالبات يعترفون انهم مخطئات وبعدين صدق والله فيه بنات طلعوا الاكل من الزباله وكلوه الحمد لله ما جبت شي وهن فالتها كنه بوفيه اتمنئ من مدير التربيه النظر في الموضوع ومعاقبه الطالبات ..


طيب والعرض الي سوته واستهزاء للبنات من المخطي فيه !!!!!!!

[نبضك]

مستحيل الطالبات يعترفون انهم مخطئات وبعدين صدق والله فيه بنات طلعوا الاكل من الزباله وكلوه الحمد لله ما جبت شي وهن فالتها كنه بوفيه اتمنئ من مدير التربيه النظر في الموضوع ومعاقبه الطالبات ..
تتبلين علينا وبعدين خافي ربك لا تكذبين فوقك رب يحاسبك على كل كلمه قلتيها. كذب

[وزمانك راح]

والله ماهدتنا ولا قالت شي قالت ما عندي لكم مواعين واللي تبي مواعينها يجون اهلها يستلمونها اللي تبي تشتكي هذا مكتب مدير التربيه مفتوح
خافي الله في كلامك

انتي خافي الله في كلامك

[vetomz]

حسبي الله ونعم الوكيل فيهم
حسبي الله ونعم الوكيل فيهم
حسبي الله ونعم الوكيل فيهم

[shosho2]

تصحيح لبعض الردود

-قامت الطالبات بأخذ الاكل من سلة المهملات ووضعه خارج القمامه احترام لنعمة الله وليس لأكله
هل نرا النعمه تهان ونسكت!


تحياتي
عائشه ناصر العيسى

[مجهول الهويه]

الاخطاء من طرفين الاداره وطالبات

اول شي الاداره : المفروض من الاداره تسجل اسامي الطالبات ويتم خصم درجات السلوك ويخلونهم يكملون فطورهم .

الطالبات (جيل المستقبل ) : قبل اي خطوه تسوينها في مدرسه لازم اخذ الاذن من الاداره سوا كان فطور او غيره .
لان لو فتحو لكم المجال الفطور الجماعي كل وحده من البنات بدل ماتشيل شنطه ( تشيل حافظه فيها فطور ) تطلع المدرسه فوضه .

[مشآعر تميرآويه]

تصحيح لبعض الردود

-قامت الطالبات بأخذ الاكل من سلة المهملات ووضعه خارج القمامه احترام لنعمة الله وليس لأكله
هل نرا النعمه تهان ونسكت!


تحياتي
عائشه ناصر العيسى

والله ماكلاته البنات

[نبضك]

والله ماكلاته البنات
لا تحلفين

[تنتر]

اذا كلووه بالعافيه على قلوبهم واذا طلعوه من الزباله الله يجزاهم خير ماسووا ذنب الذنب على اللي رمى الاكل حسبنا الله ونعم الوكيل فيمن ظلمهم

[عبدالله المحمد]

اذا كان الاكل نظيف ومكيس مايمنع من اكله احمدي ربك على النعمه الي انتي فيها
ولماذا هذا التحيز بصف الاداره (قل خيرا او اصمت)

[وزمانك راح]

والله ماكلاته البنات

طيب واذا كلوه تراه نعمه

[نبضك]

اصلا البنات اخذو صحونهم واغراضهم من الزباله وانا شفتهم باعيني فا لذالك لا تحلفين

[تمريه]

والله ماكلاته البنات
عزيزتي : لا تدخلين الامور في بعضها

هو الموضوع ب ذاته رمي النعمه ف القمامه ودعس النعممه ورمي الكتب من الاعلى والالفاظ البذيئه التي تقال لنا بمعني عندهم (علينا حلال وآنتم حرام ) وهم القدوه لنا
نطالب باان الموضوع يصل الى مكتب التوجيه


_
( والخافي اعظم من هذا ) ؟؟

لابد من ابو مناع يقرا الموضوع ....

[مشآعر تميرآويه]

اذا كان الاكل نظيف ومكيس مايمنع من اكله احمدي ربك على النعمه الي انتي فيها
ولماذا هذا التحيز بصف الاداره (قل خيرا او اصمت)

الحمد لله انا بنت نعمه وحامده ربي عليها وليش اسكت عن الحق انت قلت الساكت عن الحق شيطان اخرس صح
وانا ما اسكت عن الحق واللي شفته ولا هو تحيز ولا شي الله اللي بيحاسبني مهي الاداره
والحمد لله كلهم يعرفون قوانين المدارس انه ممنوع الفطور الجماعي بس الله يهديهن يحبون العناد

[فلسفة روح]

-


وش يطلععون الأككل اللي ف الزبآله ويآكلونه معليش الله لو انآ ب ممجآعه
ممكن مطلعينه من الزبآلهه اصصدق > أحترآم للنعمه اللي المديره وربعهآ م احترموهآ
وإذآ كلوه بآلعآفيهه هذآ ان كآنهم مأكلينهم
وفيهه ششآهدين كثير انتي الوحيده اللي مخآلفتهم !! > مشآعر تميرآويه

عممومآ المشكله ف الإدآره والمهزلةة اللي مسويتهآ ف النعمه والعرض اللي متكلفه عليه !!
مو في الطآلبآت

[تمريه]

الحمد لله انا بنت نعمه وحامده ربي عليها وليش اسكت عن الحق انت قلت الساكت عن الحق شيطان اخرس صح
وانا ما اسكت عن الحق واللي شفته ولا هو تحيز ولا شي الله اللي بيحاسبني مهي الاداره
والحمد لله كلهم يعرفون قوانين المدارس انه ممنوع الفطور الجماعي بس الله يهديهن يحبون العناد


م يصير الكل ضد 1 ي مشاعر !!!

[نبضك]

ارحمك يامشاعر تسون الغلط وتحطونه على الطالبات +تحلفين كذب

[ضمى المشاعر]

خليهم يجيبوون شيء زين في المقصف ثمين يمنعوون

[وزمانك راح]

الحمد لله انا بنت نعمه وحامده ربي عليها وليش اسكت عن الحق انت قلت الساكت عن الحق شيطان اخرس صح
وانا ما اسكت عن الحق واللي شفته ولا هو تحيز ولا شي الله اللي بيحاسبني مهي الاداره
والحمد لله كلهم يعرفون قوانين المدارس انه ممنوع الفطور الجماعي بس الله يهديهن يحبون العناد

واذا جابو فطور وش فيها !!! من حقهم وقت الفسحه يفطرون

غير هذا ليه منعو الفلافل لان لقو فيها شي موب زين وبلغو عنه مدرسه ثانيه وقطعوه

ولقو في سندويش الجبن وكان البنات يبون يبلغون بس ان بلغو وش ياكلون !!!

غير العصير الي يبيعونه دولة الامارات لقت فيه دود ومدارسكم للحين يبيعونه للبنات

[مشآعر تميرآويه]

وحده من الاداريه وجايه تدافع ي مشاعر طيب جيبي ربعك وراهم نكبوك !!!
زين خليتيني اداريه

[ضمى المشاعر]

يسمى تخللللللللف

[سُلاَفْ القَصِيدْ]

الموضوع آخذ كفآيته من الردود
وبأنتظآر المسؤول للرد وإيضآح الحقيقه ..

[النادر]

الموضوع اخذ حقه من التعليق ويكفي ان الصوت وصل للمسئول بتمير
وكل مخطى ينال جزاءه .
جميع ماطرح يضل لصالح العام ونحترم ونقدر من علق ونعتذر لمن حذف رده
فكل موضوع يطرح بالمنتدى الهدف منه هو ايضاح الحقيقه والبحث عن حل لها
شكرا

[أبو ريوف]

نتمنى أن الرسالة وصلت والفضفضة انتهت ، ولدي بعض النقاط :

- منع الافطار الجماعي لا يعني سوء ردة الفعل من إدارة المدرسة

- تقع ملامة أيضاً على شركة التغذية في إيجاد المفيد من الأكل

[المهند]

كل من كان حريص على هذا الموضوع ..

خطاب شكوى يرفع لمدير مكتب التعليم ..

كي يتم اتخاذ الاجراء المناسب ..

[توليب2]

المفروض الموضوع ماينسكت عنه وتتوقف المديرة عند حدة. والكلام كثير سمعنا عنه بس ماعندك احد والقوانين تمشي على كيفة