هرج شاااايب ..

[عساف الأصايل]

هرج شاااايب

سمعت هرج لشايبن باخص الناس
الناس تفرقها الا بانت السود
الناس طبع ولون واشكال واجناس
لكن مرجعها وسط حفرة الدود
البعض شعشع نور والبعض خناس
والبعض ما عنده مفاهيم للجود
العقل لابن آدم توزع بمقياس
والطيب في هالوقت صاير له حدود
يقول لا من زاد هرجـــ(ن) بهالناس
اعرف ترى الدخان ما جا بلا عود
ما يدري ان الوقت هذا به انجاس
ناسـ(ن) تدور لك على زله العود
مير البلا ماشي على جرة الساس
ولاني بخايف وان تبلاك مقرود
الخوف من ربي ومن ثم الانفاس
انفاس تقطع والعمل مابه الزود
وانا ولد قومــ(ن) الا جات بالراس
نصمل لنا بالدين رايات وجنود
شربت كاسـ(ن) للمصايب ورى كاس
وهذا الزمن ماشي وايامه شهود
والعمر يعطينا دروسـ(ن) بكراس
ناخذ عبرها والعمر زود معدود

تحيااااتي لكم
عسااااف الأصااااايل كاااان هنا ومضى

[همس الجفاء]

ابيآت جميلهَ آخوي عسآف .")

وتسلمم يمنآكك لـ ممآخطت لنآ .،ـ

يعطيك الف عافيههَ .، لاهنتَ

[سُلاَفْ القَصِيدْ]

آبيآت جميله بجمآل آختيآرك
سلمتَ

[لميس]

قصصيدة رآآئعه
يسسلمو ع ذووقكك وانتقائك الحلو
لاتحرمنآجديدكك
ودي لك..~

[عزوف]

انتقاء رائع يعطيك العافية

[Just Dream]

أبيآت جميله
عوآفي ..

[دروب الامل]

ابياات راائعه

يعطييك العافيه اخووي عسساف على هييك ذووق

تحياتي لك