&{ أشـــــــارة العزيزيـــــــــه }&

[ابوعبدالرحمن11]

الأشــاره التي بعد محــطة الـشــمال خطر قــادم هذه الأشاره لم اقف فيها يوما منذ ُشغلت حتي اليوم وإلا وارى الأستهتار والمخالفه بقطعها من
كل الأتجاهات . وأرى والرأي لمن يعنيه الأمر ان يعمل قبلها علامات تهديئه كمطبات مريحه وتكون اشارة تحذير فقط .

[زمان الصمت]

هلا ابو عبدالرحمن هذي الاشاره موقعها غلط
والي يوقف فيها غلطان لسبب تهور من يجي وراك
موقعها يخوف

[نديم البر]

هالإشارة ردة فعل لـــ شيلة الدوار ................... يعني عقوبة

[أبـوحـمـد]

اشاااره فاااشله لو يكون محلها دوار يكووون افضل بكثير عشان نكون مجبورين بالتهدئه عند وصولنا للتقاااطع !!

[عزوف]

الله يعين اشارة خطرة

ولا احد يلتزم بها..

[النادر]

موقع الاشاره غلط ومعاند ولا فيه اماكن في تمير اخطر من هالموقع بدون اشارات
ياليت احد من الي عنده ذرة احساس يطلع ويقول وش الهدف من وضعها هنا بالضبط
عجزت اجد تفسير لها .. تحس ان الاشاره في البر مو في ديره .

[ذيب تميم]

الصراحه انا ما فهمت شي الخط مدري وش يبي ابي افهم عجزت :t49:


بس الي فهمته من الردود ان الاشاره موقعها خلط

وياليت يشيلونها ونفتك قسم معاد تدري اذا خضرا تمشي ولا توقف والله حاله

ويعطيك العافيه على الموضوع وياليت يفيد يارب

[الموادع]

ماأقول الا شي واحد
اذا الاشاره جاية على شي اسمه عناد او بالاصح
انتقام لشيلة الدوار فاللهم أعطي الي فرض تشغيلها على نيته
اذا مقصده خير جزاه الله خير ورأية غلط واذا مقصده عناد الله يهديه ويصلحه
فهذه أرواح اخوان لنا ومسلمين وهي ليست لعبة في أيدي ناس جهله

والله يعطي كل واحد على نيته ان شاء الله وبيشوفها في نفسه ليصحح من غلطه

[توأم الجود]

اشارة ليس لها داعي

نزلة ابو زيد ؛ مستحيل يجي احد نازل منها على سرعته لان الشارع فجاة يرتفع على النزله ؛ يعني النازل يبي يهدي

و كذلك مستحيل يجي احد طالع من الياسمين على سرعته بسبب ميلان الشارع العام في وجهه ؛؛؛

يعني الناس مهيده غصب و بتوقف غصب ؛؛؛ مايحتاج اشاره

اما وضعها الان فهو كنه اللي يقول ( اذا صارت حمراء اقطعها عادي ) و ( اذا صارت خضراء خلك منتبه )

تحياتي

[الكااايد]

ليش جالسين تكتبون هنا بما انكم على يقين ان موقعها غلط وانها خطر مدقع بكل من يقف فيها ؟

خطاب بديع يصاغ بطريقه فيها من السجع الشي الكثير ويشار فيه الى كل الاحتمالات التي ادت الى وضع تلك الاشارة

سواء كانت رد فعل بسبب الدوار او كذا عنجهية ! المهم الخطاب هذا مباشرة

يرسل الى رئيس مركز تمير
ونسخه اخرى الى سمو محافظ المجمعة ...
ونسخه منه الى شعبه مرور تمير ..
و نسخه الى ادارة مرور المجمعة ..

حاجه بسيطة جدا ما تحتاج الا تكرم شخص يقوم بصياغة الخطاب بحرفية

كبيرة ومن بعدها وفي نهاية الخطاب

يتم توقيع كل من له اعتراض على موقع الاشارة ويرى فيها الخطورة

واتركوا عنكم القيل والقال لان الامور لاتحل الا بالأفعال لا بالأقوال :)

[ابوعبدالرحمن11]

أخي الكايد ردك منطقي جــــــــداً وهذا الذي يجب ان يكون في كل موضوع يهم البلد ومصلحة اهلها فمن يقرع الجـــرس .

[دناجح]

[QUOTE=الكااايد;2018128]ليش جالسين تكتبون هنا بما انكم على يقين ان موقعها غلط وانها خطر مدقع بكل من يقف فيها ؟

خطاب بديع يصاغ بطريقه فيها من السجع الشي الكثير ويشار فيه الى كل الاحتمالات التي ادت الى وضع تلك الاشارة

سواء كانت رد فعل بسبب الدوار او كذا عنجهية ! المهم الخطاب هذا مباشرة

يرسل الى رئيس مركز تمير
ونسخه اخرى الى سمو محافظ المجمعة ...
ونسخه منه الى شعبه مرور تمير ..
و نسخه الى ادارة مرور المجمعة ..

حاجه بسيطة جدا ما تحتاج الا تكرم شخص يقوم بصياغة الخطاب بحرفية

كبيرة ومن بعدها وفي نهاية الخطاب

يتم توقيع كل من له اعتراض على موقع الاشارة ويرى فيها الخطورة

واتركوا عنكم القيل والقال لان الامور لاتحل الا بالأفعال لا بالأقوال :)

تمام التمام