عزي لحالي والديار خلي عقب الراحلين

[هذي انا]

عزي لحالي والديار خلي عقب الراحلين
........ اللي مضوا درب السفر والبعد طالت مدته




أقفوا وخلوني وقلبي مجزعه كثر الونين
........وخلو فراغ فالعمر كل البشر مـا سدته




خلوني أبكي بعدهم والهم فـي قلبي دفين
........صكت على قلبي غرابيل الزمان وهدتـه




صرت أتبع الهوجاس وأسري لا ذكرت الغايبين
..........كني يتيم مالقـا امه راح يتـبـع جدتـه





ويلاه يا وجدي عليهم وجـد مظلوم سجين
........خلوه ربعه يوم ضرب الوقت زادت شدتـه




خلوه يصرخ ويتطلب مالقـا قلب يلين
.........ضدوه واقفوا دون رحمه والصوادف ضدته




أو وجد عود ذره بنيات مـا جالـه بنين
......... خارت قواه وطاح معتل وعجـز عن كدته




اليا فتح عينه وإلى هن من يسار ومن يمين
.........هن مالهن غيره وهو كف المنايـا لدتـه




القلب قطعه البكا ونياطه أبلاها الحنيـن
.......يسري ويهرب عن همومه والمصايب ردته




يا طول ليلي بعدهم يا جور دورات السنين
........يا ويل قلبي دام سيف الوقت زادت حدته




وعزي لحالي والديار خلي عقب الراحلين
........ اللي مضوا درب السفر والبعد طالت مدته


قصيدة الراحلين ... كلمات الشاعر ..مرزوق الروقي ... أداء مهنا العتيبي ..

http://www.safeshare.tv/w/ubRoKDTCMR

[أبـوحـمـد]

يا طول ليلي بعدهم يا جور دورات السنين
........يا ويل قلبي دام سيف الوقت زادت حدته




ابدااااااع والصوت والاداء جميل جدا

شكرا لك ياامبدعه..

[هذا انا]

ابيات جميله ومعبره واختيار موفق ،، تسلمين .. هذي انا

[دروب الامل]

رااااائعه يالغلا

عواافي يالغلا

[سُلاَفْ القَصِيدْ]

آبيآت جميله
سلمتِ حبيبتي ع روعة آختيآرك