شي خوفني ولا قدرت انام

[برنسيس]

امس الساعه تقريبا عشر وشوي ليلا
راجعين من الرياض وعلي طريق تمير تقريبا بعد الجلسات الشبابيه والملاعب بكيلو وشوي
علي اليمين وانت رايح لتمير نشوف نور يأشرر يمكن سيارة يمكن شي ثاني لفت انتباهنا وكان بعيد شوي عن الشارع مانشوف الا النور فقط
رجع اخوي ثانيه له يبي يتاكد وش هو
ونشوف نور فيشر سيارة كانه يضعف ويقوي شوي
اخوي خاف قلت له بلغ الشرطه وهم يتولون المهمه رفض وقال خلونا نبعد عن المشاكل والشبهات

والموقف في بالي الاى الان ماقدرت انام تعبت من التفكير والنور مافارق خيالي ابد
اللي يعرف شي عنه يقول .... واسفه على الموضوع والله حبيت اطمئن. واريح قلبي
قلت انزله يمكن احد عنده خبر او شاف اللي شفناه

[عزوف]

الله يعين صارت الدنيا تخوف معد ودك توقف عند شي وانت ماتدري

[برنسيس]

اي والله اخوي قال مثلك وانا تعبت اقنعه انه يبلغ الشرطه
الله يحفظنا ويحمينا من الشر

[المهند]

ما يحتاج
الأرض هذي أرض جن .. الله يقاصرنا ويقاصرهم بالاحسان ..

واشتهرت عن تلك المنطقة ..

واحتمال أنه مهوب يمكم .. مشغول بناس كاشتين حوله ...

الأهم الدعاء والذكر ...

[L O R D]

الله يحمينا وياكم من كل شر

زين انكم خليتوه لان هالوقت الدنيا تروع

الله يكفينا الشر

[اماااال]

الله يحمينا وياكم

[جعبوط تميراوي]

الله يحمينا وياكم من كل شر

[اابو عزوز]

هذا اكيد انه داق فليشر عشان ربعه يجون له

[صافي النيه]

ماتشوفون شر سلامات هذا واحد راعي حلال غنم موجود روحو في النهار وتشوفونه واضح واقرو المعوذات الله يحفظكم بحفظه والله الموفق

[ام فوفو]

انت يا لمهند صرحت ان الارض ارض جن على كيفك (طلع فيلسوف)

[المهند]

انت يا لمهند صرحت ان الارض ارض جن على كيفك (طلع فيلسوف)

ما شهدت إلا بما سمعت ..

وبحصول أكثر من موقف لبعض الكشاتين في تلك المنطقة بوجود نار تطفي وتولع في مواقع مختلفة محيطة بهم ..

وهذا النوع من الجن له مصطلح معروف به ..

[ام فوفو]

جزاك الله خير

[طفولة تمير]

الله يستر اذا هو جن اهون من الاوادم يجيب لك مشاكل وشبهات والواحد غني عن هالاشياء

[جنون الموج]

يمكن تجار مخدرات
الله يكفينا شرهم

[برنسيس]

مدري الصررررراحه كل شي يخوووف والله يستر ويحفظنا جميعا

[برنسيس]

اللي يقول مراح غنم
من طلعو الشمس رحنا نشوووفه
بس ما اتوقع انه منه لان النور كان بعيد ابعد منه

[نديم البر]

وش فيكم قلبتوها فلم هندي مع دقة حزن
المنطقة ذي معروفة بالجن من وقت اجدادنا ومعروفه بالشيف اللي تنور واذا جيتها راحت

[مادريت]

معروفه المنطقه بسكن اهل الآرض فيها وياكثر مانسمع ونشوف فيها

اعوذ باالله

لو شاب مارحت له أضحي بععععمري ااااااا

[ط َـموح]

-

هه

[2006]

هههههههههههههههههههههههههههههههههههههههههههههههههه ههـ

[ولد المنتدى]

مثل ماقال اخوي المهند هذي الارض معروفه بالجن والشيف اللي فيها والله يكفينا ويكفيكم الشر

[khaloody]

عرفت وش قصدك !
هذا مراح غنم .. عنده لمبه على اشعة الشمس اذا غربت الشمس تولع المبه "
وفيه نااس واجد يكشتون هنااك
تحياااااااتي .. :)

[ابوفي]

المفروض ماتترك الشي هذا حتى تبلغ الشرطة لانك مواطن وكل مواطن مسئول عن امن هذه البلاد

[الصياهد]

ام فو فو لايهمك المهند يبي يروعكم عشان ماتكشتون في الليل لانه مايخاف دايم يكشت للدهنا لحاله ومايخاف بس ياخوفتي ان كلامه صحيح ابكشت في حوش بيتنا

[❤صعبة المنال❤]

ههههه
حسيت أني أقرى قصه
كملوو

[jihkd]

ح:110:تى أنا تحمست على السالفه كملو وش بعد....

[داوود الشريان]

لاحول لله وراكم خليتو من الحبة قبه اذكرو الله وتعوذو من الشيطان وبس يعني لازم موضوع لو على أتفه الاسباب!!

[راعي الفزعه]

المعروف عن اهل تمير وانا منهم

العقل الراجح والسلوك الرزين والصرامة في المواقف

والابتعاد عن الخزعبلات مالها داعي

هذولا ......... شباب كاشتين ومواعدين ربعهم ..





تحياتي
:110:

[ورده موف]

هههههههههههه
المشكله كل واحد يجيب من راسه صوت
اللي يقول جن واللي مدري ايش
ياليت تتأكدون قبل الواحد يفتل عضلاته ويقول انا الفاهم
المسأله هي
فيه وايت على اليمين بعد ماتتعدا البوابه بعيد عن الشارع تقريبا كيلو
مراية الوايت الواقف تسطع فيها لمبات الشارع وانت داخل تمير
وتشر لانك تمشي واللمبات كثيره ولو توقف على الشارع مافيه لاشي ياشر ولاجن
خلو عنكم الفلسفه اللي مالها سنع

[sarab88]

اقووول لاترووعوني تراي قبل ارووح واجي لاتخلوووني اوسوس يممممممممممممممه

[القلم الجاف]

هههههههههههه
المشكله كل واحد يجيب من راسه صوت
اللي يقول جن واللي مدري ايش
ياليت تتأكدون قبل الواحد يفتل عضلاته ويقول انا الفاهم
المسأله هي
فيه وايت على اليمين بعد ماتتعدا البوابه بعيد عن الشارع تقريبا كيلو
مراية الوايت الواقف تسطع فيها لمبات الشارع وانت داخل تمير
وتشر لانك تمشي واللمبات كثيره ولو توقف على الشارع مافيه لاشي ياشر ولاجن
خلو عنكم الفلسفه اللي مالها سنع

كلام سليم وانا وقفت على الوضع بنفسي وسويت اختبار بقيادة السيارة ببطء ثم التوقف عند خروج الضوء

[ندى العمر]

هههههههههههههههههههههههههههههههههههههههههههههههههه ههههههههههههههههه
اكبرهم اهبلهم اجل جن هههههههههههههههههههههههههههههههههههههههههههه
ومنطقه معروفه بعد ههههههههههههههههههههههههههههههههههه

[الموادع]

الي خوفني انا عنوان الموضوع
اكثر من الي في الموضوع
انا واعوذ بالله من كلمة انا
بنفسي وقفت على موقف فيه جن بالشمالي
الساعه 1 ليلاً كنت راكب مع واحد من عيال العم نتمشى
وحنا رايحين الى ان وصلنا غريزية الامور زينه وفي الرجعه
شفنا على اليسار نار تقتوي وتضعف انا بين مصدق ومكذب ورجعت
ثانيه حصلت النار جمر ورجعت ثالث مره واحصل النار اقوى مما شفت
نار في السماء تبعد عن الارض قرابة خمس امتار ونار بالارض ونار فوق سطح مسجد
اشوف النار فوق نار تحت في عدة اماكن حسيت بخوف شوي استقويت ووقفنا نشاهد الموقف
ماشفنا الا نار فقط ماشفنا احد قلت للي معي نتصل على الدفاع ولا وش الحل مارد يقول مدري
قلت اجل هذي نار الجن مشينا لايشبون فينا ومن بكره الصباح جيت للموقع ماشفت اي اثر
سميت بالله ومشيت وهذا من اغرب المواقف الي شفتها بصراحه

[سرور]

\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\\\\\\\\\\\\\\\\\ ضحكتوني اللي يقول جن واللي يقول مخدرات ومهربين وكل واحد يجيب من راسه شي ههههههههههههههههههههههههههههههههههههه هالموقف تقريبا دايم نشوفه وحنا راجعين من الرياض بعد الجلسات اللي على اليمين وانت راجع من الرياض تدرون وش هالشي تضحكون هذا زباله اهالي تمير اللي يشبوون فيها البلديه تجلس احيانا شابه الى الفجر والهواء يحركها يمين وشمال وتكون مثل الفلاشر واللي يجي من الرياض يشوفها الله يخلف عليكم يالخوافين واصحاب التاويلات هههههههههههههههههههههههههههههههه تبلغون الشرطه هههههههههههههههههههههههههههههههههههههههههههههههههه ه

[هاوي المزن]

هذا قالبا يسما سراب النور الذي يضي ثم يختفي اكتشفه عالم بريطاني في عام 1368هـ احتمال يكون هو السبب والله اعلم ......؟

[توليب2]

الله يستر بس

[مجهول الهويه]

هذا سعلو اللي يقولون عنه

[محامي الحارة 506]

اقرو الاذكار والمعوذات ولا هوب جايكم شي

[محامي الحارة 506]

اقرو الاذكار والمعوذات وموب جايكم شي ان شاء الله

[ابراهيم محمد]

الله يكفيان شرء هم

[ابوعبدالرحمن11]

أعـــــــــــــــوذ بكلـــــــــــــــــمات اللّـــــه التــــــــامــــــه من شــــــــــــر ماخلــــــــــــــــــــق

[باترولـ1991ـ]

وهو صادق المهند اجل وش
من شفت موضوعك وانا غسل يدي

[dark man]

يا جماعه قفلوا الموضوع ... احس انه خذ اكبر من حجمه .....

[dark man]

يا جماعه قفلوا الموضوع. أحس انه خذ اكبر من حجمه .....
اذا شفت شي يخوفك ولا تقدر تنام , تعوذ من الشيطان وتجي العافيه ......

[صافي النيه]

بسم الله عليك وعلي طوايفك وش مطلعك بها الوقت الى مهوب قد طلعات الليل يقعد بيت امه احسن علشان ما يخاف ويرتاع من العواه