عاجل طريق ابا خسيفه قبل الحوادث

[admin]

الطريق بعد الصناعية باتجاه اباخسيفه هناك وصلة قرابة كيلوين تم تزفيتها مؤخرا لكنك لاتدري في خطك تسير ام في الخط الثاني الزفت متشابك ولايوجد اي علامات للمسارين
فياليت يتم معالجة هذا الطريق قبل ان تزهق فيه الارواح

[ابوعبدالرحمن11]

ملاحظه قيمه جدا ووالله مامررت مع هذاالطريق بعد السفلته إلا واقول اللهم سلم سلم بل لقدرأيت من يواصل المسير على المسار القديم .ه

[خلود الحربي]

:t16:

[اماااال]

يعطيك ألعآفيهـة

[عزوف]

الله يستر ويعطيك العافية علي التنبية

[توأم الجود]

لانه لا يوجد تنظيم ولا حلول ؛ الافضل الواحد يمسك يمين كلما تشابكت عليه الخطوط ؛؛

حي الياسمين مافيه الا عدد محدود من السكان و كانو مستانسين واذ فجاة حاطين رصيفات و محفرين حتى ان اهل الياسمين مضيعين بيوتهم و استراحاتهم بسبب هالارصفه اللي كل شوي جايك رصيف جديد ؛؛

و خط مبايض اللي ( ماشاء الله ما يوقف ) ناسينه من الرصيف !!

الله يكتبه في ميزان اعمالك اخوي ADMIN

تحياتي

[أبـوحـمـد]

ماراح يعالج حتى يكون هنااك ضحيه فأنا من مرتادي هذا الطريق فوجود الخطوط الجديده ودخولها مع الخطوط القديمه والغيرمنظمه الآن اصبحت تشكل خطرا
افضع من طريق بوضاء المجمعه

والله يسسسستر..

[صافي النيه]

الله يعطيك العافيه على تنبيهك وملاحظتك ولكن الشق أكبر من الرقعه ضياع في ضياع البلديه سفلتتهم كلها ترقيع بترقيع الشغل الصح مابعد شفناه بتمير الدعوى كلها مشي حالك ليتهم حطو عيون القطط الى ركبوها بالعزيزيه يوم افتتاح الملاعب بالساحه بها الوصله هذي لين الله يفرجها ويسير علينا المحافظ مره ثانيه وتكمل الاعمال والله الموفق

[النادر]

الله يستر والله الطريق الان خطر جدا وكم مره نسج ونمشي مع القديم
الي اول مره بيجي من مبايض لتمير وباليل وش بيسوي .
اقل شي وضع لوحة ارشاديه ماهو لازم يصير حادث عشان تتحرك الجهه المسئوله
والله يكفيكم شر الحوادث

[ط َـموح]

-

ملآحظة مهمه جداً ,
وآزيد على كلامك , المشكله ليست ف السيد اللي وانت رايح ,
وانت جاي راح تشوف تشعب مابين السفلت القديم والجديد , وبينهم جرف
قبل فتره بسيطه جيت معه وعلى حلول الظلام . لو اني ماني مهدىء السرعه ومنتبه ومع ستر الله , ستر الله علي .

آلف شكر اخوي على الملاحظة , واتمنى لو يتعدل الوضع حالاً , او وضع لوحات ارشاديه
حفظ الله الجميع .

[داوود الشريان]

ربعنا مب متحركين الا اذا راح ضحايا وجا المحافظ

[عبيد الفيصل]

فعلا الطريق خطير وملخبط خاصة على اللي ما يعرف الديرة كم مرة يقابل فيه سيارات مع المسار الأوسط لايدرون عن المسار الأيمن وقد وضعت فيه الآن براميل لكن ينقصها وجود لمبات في الليل ضروري جدا وضع اللمبات
مشكور عزيزي على ملاحظاتكم القيمة .

[أبـوحـمـد]

تم تسكير المنافذ والبدء بالشغل وشيل الازفلت القديم ووضع ببراااميل بدوون اناااره !!

شغل قلبه قلبه والله يسسستر من الحوادث

[البارقه]

الله يرحم الحال مااحد حولك انتظر تكثرالضحايا بعدين يدرسون الموضوع.

[المهند]

اتصلت قبل أمس بمخفر شرطة تمير في الليل ...

وإبلغتهم عن وجود براميل وتحويله بلا إنارة .. وأنها تشكل خطراً على سالكي الطريق ..

ولكن للأسف لم أرى أي تجاوب أو تغير مساء أمس .. فالوضع كما هو ..

الشرطة يجب أن تأمر الشركة المنفذة بإيجاد إنارة .. أو على أقل تقدير إيقاف إحدى سيارات الشركة وتشغيل الفليشر ..

فلو كان هناك ماطور كهرب لرأيت سيارة ورقابة عليه من قبل الشركة ..

وعلى ما أعتقد أن أنفس البشر أغلى من ماطور كهرباء ..

[سالم التميمي]

الحادث وقع والحمد الله على السلامه الخوف من الجاي الله لايبارك فيهم من له يد في الموضوع ولاتحرك يصيبه ما اصاب غيره

[أبو ريوف]

نتمنى من رئيس المركز والشرطة والشركة والبلدية التحرك

يكفي احراجات وتدخل صحي من المحافظ في كل سالفة