إلى مـــــــــتى....؟؟ نكررها مليون مره

[برنسيس]

السلام عليكم ورحمه الله وبركاته

اخوتي في الله الرجاء تفهم الموووضوع وعدم حذفه
(( اللي يحذف هالموووضوع وربي راح ندعي عليه ياخي خلونا نفضفض شووووي مافي قلوبنا)) دعوة المظلوووم تعرفونها مايحتاج
المهم

هناك امور تحصل في مدينه تميرررررر

تضيق الصدر وترفع الضغط ونكره تمير منها
مثلا انا... والعياذ بالله من كلمه انا

حصلت لي وظيفه
في دار حفصه
بالخالديه
وقبلو ملفي
وقالو بعد اسبوع تعالي داومي
طبعا مديره لدار التحفيظ
علما انني جامعيه تربويه دراسات اسلاميه
ماتتخيلون كنت فرحانه
بالوظيفه تشتغل وقتي
المهم
بعد اسبوع رحت لهم
واعتذرو لي ان جات لهم افضل مني شهاده
وقبلوها
انا رضيت
باللي اختاره الله لي ... طبعا انا مدري منهي اللي قبلوها وجات بمحلي
بعد شهر كنت اكلم وحده من صحباتي من عائله معروووفه
قالت اني انا مديره التحفيظ
انا انصدمت
ماقلت لها شي بس بقلبي
اقول انتي يالله مامعك حتى ثانوي
وين يقولون لي جات افضل مني..

اخوتي هنا بالمنتدى اسالكم
هي افضل مني في ايش
علموووني
علشان عائلتها\..؟ علشان ابوها فلان بن فلان...؟؟

رددت دعاء ابراهيم عليه السلام حسبي الله ونعم الوكيل
وهذا الكلام قبل سنتين
وملفي عند الجميعه حقت التحفيظ
وعندهم رقم ولي امري

وقالو لي اذا احتجنا مدرسات طلبناك
مرت سنتين

وقبل اسبوع من هذا الموضوع
قالو ان تحفيظ العزيزيه يبي
معلمات محتاجين
طبعاا
انا رحت قالو للاسف اكتفينا
طيب اكتفيت
واطلع

سالت من جاء عندهم يدرس
ورب الكعبه كلهم بنات
ماتعدو الثانوي
كلهم مهونين عن الدراسه
اللي معها شهاده الثانويه واللي ماكملت هونت

طيب ليش
انا درسات
وتربويه
ليش تفضلونهم علي
علشان النسب
علشان هذه صديقتي ابحاول اوظفها
هذه قريبه لي
هذه ابوها فلان
هذا بنت الفلان
عندهم واسطات تنفعنا
وش ذا
طيب انا من لي؟؟
اذا مالي احد...
غير ربنا سبحانه وتعالى

ليش يا اهالي ديرتي
تكرهونا بتمير

كلنا كلنا نعرف بعض
اذا ماسعيت لوظيفه بنت ديرتي
اسعى لمين.. للناس الاغراب


... للأسف اشياء كثيررررررره
او ربما كل شي يصير في تمير وسطات
واسطه ×مصلحه = يبون يركضون وراك يدورون بسمتك ورضاك


طيب موضوع ثاني
روضه العزيزيه الجديده

بنت صديقتي عمرها 5 سنين
طيب راحت امها تسجلها
رفضووو
ليش..؟
قالو اكتفينا
طيب وهي نفس اليوم عندهم جات وحده معها
ولدها واصغر من بنت صديقتي
وقبلو ولدها
ليشششششش

حنا نعرررررفها زين
عرفتو الواسطه كككيف..؟
غيررررر

طيب وش ذنب هالطفله
ماتقبل
علشان ابوها موظف عادي ماعنده واسطه لكم ولا راح تحتاجونه بشي
ماتقبلون بنته

اعوذ بالله
ليش كذاا..

ليش الحسد بينا عايش
وين ارض اجدادنا وابائنا
ارض طاهره قلوب بيضاء صافيه مايعرفون الغش
واذا احد احتاج شي
كلهم يوقفون معه
فزززعه
يساندونه
مايحسسونه بشي

كلهم يد وحده

ياللله وين هذيك الايام
ياليتني عايشه بينهم
صفاء ونقاء وطهاره

لاحسد لا حقد لاشي يتعب البال

اتمنى منكم
عدم حذف الموووضوع
اتركوووه هنا
على الاقل نبي نحس ان حنا فضفضنا
خذنا حقنا حتى بمنتدى تمير
او هنا بعد بواسطه تخلون الموووضوع


يارب سترك

واعذروني
على الكلام من الضيقه اللي فينا
حبيت ارتاح واتكلم بطلاقه


اكرر عدم حذف الموووضوع

[وافي تمير]

قال الله تعالى( رب إنى مسنى الضر وأنت أرحم الراحمين).

ادعي الله وراح يرزقك ان شاء الله
انا ياوخيتي صبرت 4 سنين مافيه شي ماقدمة عليه ولا رزقني الله فيها
وياسبحان الله ووالله بدون لاأعلم ولا توقعت وجتني في الجامعه....

الصبر مفتاح الفرج والله يرزقك يارب
ويرزق كل مسلم...

بالتوفيق لك وللجميع..


الـــــى اللقـــــــاء

[برنسيس]

الله يووفقك يارب

انا ما اقول ابي وظيفه او ابي واسطه
واسطتي رب العالمين
انا ابي اوصل صوتي لكل مسؤؤل لكل واحد او حده تقدر تساعد هالديره
نبي نبعد عنا كل الحسد الواسطه مانبيها بينا

فاهمين علي

[برنسيس]

اشكررك يا وافي تمير

على المرور

والله يوووفقك ويسخر لك عباد الله

[دائما دموع]

الله يرزقك ويفرج همك. ..

[نور سدير]

الله يرزقتس ولا يحيجتس لخلقه هذا زمن الضعيف ماكول حقه الله يكفينا بس الشر


وليدي انحرم من الروضه بسبب انهم اكتفو ولا عندنا واسطه الشكو لله سبحانه

[السيف]

الجي لله الواحد الاحد
وستجدين كل خير

[ابوعبدالرحمن11]

نسأل الله السلامه من الظلم واني اري ان من ظلم ولديه ادله تثبت ظلمه عليه بالبحث عن المسئول عن الإداره التي حصل له الظلم منها ورفع شكوى على من ظلمه .

[زمان الصمت]

ان شاء الله ما يضيع حقك
والله يرزقك خيرا منهم

[برنسيس]

مشكووورين اخواني على المرووور

والله يوفقكم

[قصايد حزن]

الله يعين بس المدرسات حتى لو مامعها الا متوسط مو مهم المهم خاتمه القران وخذيها مني مافي مدرسه تدرس بتحفيظ القران الا خاتمه له اذا انتي خاتمه له طالبي بحقك والله يوفقك

[المتهور]

الله يكون في عونك أختي وإن شاء الله راح تلاقي خير وأفضل
من ذلك (وعسى أن تكرهوا شيئا وهو خير لكم )

[برنسيس]

الله يعين بس المدرسات حتى لو مامعها الا متوسط مو مهم المهم خاتمه القران وخذيها مني مافي مدرسه تدرس بتحفيظ القران الا خاتمه له اذا انتي خاتمه له طالبي بحقك والله يوفقك


اختي انا اعرفهم زين البنات ولا وحده خاتمه

والله مابي اقطع ارزاق
ولا ابي اذكر اسماء ....

وياليت ماتتكلمين الا اذا متاكده من كلامك اوووكه

[مادريت]

ارض طاهره قلوب بيضاء صافيه مايعرفون الغش


شفتي هل كلمه ؟
ترا اهل مؤ منها ابد ألد ماتصلح لهم وماتركب عليهم جد وقسسسسم


شوفي رددي حسبي الله ونعم الوكيل

والله يأخذ حقك..

ليتني اقدر اسوي لك شي وقسسسسم لااشل اللي جاي بالثانوي واوضف الجامعيات

بس حسبي الله ونعم الوكيل

[النادر]

اختي المنتدى صوت من لاصوت له واي موضوع يطرح يجب ان يخلوا من الشخصنه يذكر القطاع والعمل فقط ونبتعد عن الاسماء عشان ما نشوه الموضوع ونجعله عرضه للحذف او التعديل .

ارجع للموضوع اذا كلامك صحيح يجب ان تتبعي الخطوات الصحيحه لكل دائرة حكوميه
مرجعيه تكون هي الاداره العليا لها وتحل مشكلتك وتاخذين حقك وزود لاتسكتين طالبي بحقك
وما يضيع حق وراه مطالب .
والله يوفقك ان شاء الله

[أبو ريوف]

نتمنى أن يصل صوتك لمن يهمه الأمر وشكراً


علماً أن المنتدى لا يحذف إلا وجدت الإساءة الصريحة

[بنت عبدالله]

كان الله في عونك
وياليت تجددي طلبك للوظيفه بدايه كل عاام
حتى لايذهب ملفك بعيد عن انظارهم
والله يرزقك من واسع فضله

[قاصر عنوه]

الى جمعية تحفيظ القرآن الكريم

اتقوا الله في انفسكم اتقوا الله في انفسكم انقوا الله في انفسكم

هل كل شخص موظف في التحفيظ ملم بعلوم القرآن وتوجويده وتفسيره ام هم من جماعتك تريد ان توظفهم وياخذوا 2000 ريال وهم اولى من غيرهم ام انك تخاف الله وتقدر الشهادات الجامعيه في تخصص الدراسات الاسلامية

اختي الفاضله توكلي على الله ولا اله غيره هو الرزاق بيده كل شيء

حسبنا الله ونعم الوكيل عليهم

[حَرفْ !]

معظم من يتم توظيفهم في الدور مسبقاً يأتون بديلات " يمعني تتغيب معلمة لمدة تحضر عنها "

فالأفضل إنك تضعين رقمك عند إدارة الدار وأنك على أتم الإستعداد للحضور بديلة وبكذآ إن شاء الله تحققين مرآدك ،

[قاهر العود]

يقوووولك
<اعيش بديررررة فسسسق ولا ديررررة حسسسسد >



الله يوفقك ويسر امورك ......

[الرحال999]

نظام جمعية تحفيظ القران الكريم

الاولويه في التقديم على وظيفة معلمة ان تكون حافظة للقرآن كاملاً

ولا يوجد شي اسمه واسطات



والقبول المستجدات من عمر خمس سنوات
*

[الموادع]

نسأل الله لنا ولكي وللجميع المسلمين التوفيق والسداد
والله يرزقك ويرزق كل مسلم من حيث لايحتسب
لكن حبيت أقول لك أن تقومي بمراجعة الاداره والاستفسار منها
واذا لم يفيد دعي ولي امرك يراجع الاداره الرئيسة ومعرفة أسباب عدم القبول
لان توقعاتي وعلى حسب ماسمعت أن التحفيظ يعتمدون على الحفظ أكثر من الذي يحمل الشهادة
لو حضر متسابقتين تسابق على أن تكون معلمه
الاولى تحمل شهاده جامعيه ودورات ووو ولكن لاتحفظ القرآن
الثانيه لايوجد معها غير شهادة إبتدآئيه وحافظه القرآن
بالتأكيد سأقبل التي حفظت القرآن عن ظهر غيب
لاني هناء أريد أن أحفظ الطالبات القرآن
فعذراً من كلامي ولكن هذه هي الحقيقه
وعسى أن تحبوا شياً وهو شروُ لكم وأن تكروا شياً وهو خيراً لكم
ولكن أتمنى من الله الكريم أن يرزقك من حيث لاتحتسب
والله يحظك ويستر عليك دنياء وآخره
وعذراً إن قسوة بكلامي ودمتي بخير

[توأم الجود]

المشكلة عامه في قطاعات مختلفه و هي اختيار الشخص قبل الوظيفة ؛ يعني ممكن ان تخلق وظيفة لمجرد شخص ؛؛ طبعا التوظيف هو عامل ايجابي للديرة و لاهلها حتى لو مهنا حاجة للوظيفة ؛؛ لكن الاهم ان لا تكون على حساب احد اكثر استحقاقاً ؛؛

بخصوص النظرة الشرعية و القول ان القطاعات ذات الجانب الديني ليس فيها واسطات ؛ فهذا كلام غير صحيح فالواسطات موجودة وعلى حساب ناس اكثر استحقاق حتى لو الوظيفة ( تدريس قران )

تحياتي

[مرح]

من طال لسانه خلو له مكانه

بس همسه لك00000خلك من حفظة القران ولا من معلماته

[طموح داعيه]

اختي انا اعرفهم زين البنات ولا وحده خاتمه

والله مابي اقطع ارزاق
ولا ابي اذكر اسماء ....

وياليت ماتتكلمين الا اذا متاكده من كلامك اوووكه

أختي الفاضله انا معلمة في دار حفصة
أرجوا إنك تتثبتين من كلامك
الحمدلله جميع المعلمات خاتمات لكتاب الله

إذا أنتي جادة في كلامك ارسلي لي رقمك على الخاص وابشري تكونين بديله لأي معلمه
وأنا مستعدة أخدمك
وان كنتي حافظه لكتاب الله قدمي اوراقك من جديد
لازم تقدمين ملفك بداية كل عام حتى يتحقق لك التدريس
الكلام لك ولغيرك اللي تبغى تجي للدار بديله تتصل على دار حفصه وتسجل رقمها عندهم

ياليت تسجلين كدارسه تستفيدين من وقتك حتى يكتب الله لك الخير

وفقك الله وأعانك ويسر أمورك

[طموح داعيه]

اختي برنسيس
الى متى وأنا انتظر ردك أو رساله منك لي
عرضتي مشكلتك ومددت لك يد المساعده لكن لامجيب

[برنسيس]

اهلا وسهلا
انا تكلمت عن دار حفصه قبل سنه واكثر بخصووص موضوع
وتكلمت عن المدرسات الغير خاتمات في تحفيظ العزيزيه وتحفيظ الخالديه
واحلف لك بالله العلي العظيم
اني اعرف المدرسات بعضهم صح خاتمات ماقلنا شي
بس تجي وحده من جماعتهم
وهي غير خاتمه لا
انا اعرف البنات وربي
لاتخلوني اتنرفز واذكر اسمائهم واكون سبب لهم في قطع الرزق
قسما بالله لو نتكلم نص المدرسات في المدارس تفصل لاكن ما نقول الا حسبي الله ونعم الوكيل
حسبي الله ونعم الوكيل

واعتذر لا اريد واسطات من احد ....
ربي وحده سبحانه وتعالى واسطتي
والحمد لله شهادتي بكلوريوس درسات وقريبا اتوظف بإذن الله


لاحد يرسل لي خاص

[برنسيس]

اخوتي
طرحت هالموضوع مو مسأله ادور وظيفه او ادور واسطه منكم بعضكم يرسل لي يبي يعرف انا مين...

انا طرحته ابي اوضح لكم الوسطات لاعبه دور كبير في ديرتنا دور كبيررررررررر


اتمنى نقضي على هالواسطات ونبعدها عنا حتى الله يكتب لنا الحلال المبارك في كل شي

[برنسيس]

شكـــــــــــــراً لكم من عطر موضوعي بعذب الكلام والدعاء
شكرا لكم من القلب
وجزاكم الله خيراً

[طموح داعيه]

اهلا وسهلا
انا تكلمت عن دار حفصه قبل سنه واكثر بخصووص موضوع
وتكلمت عن المدرسات الغير خاتمات في تحفيظ العزيزيه وتحفيظ الخالديه
واحلف لك بالله العلي العظيم
اني اعرف المدرسات بعضهم صح خاتمات ماقلنا شي
بس تجي وحده من جماعتهم
وهي غير خاتمه لا
انا اعرف البنات وربي
لاتخلوني اتنرفز واذكر اسمائهم واكون سبب لهم في قطع الرزق
قسما بالله لو نتكلم نص المدرسات في المدارس تفصل لاكن ما نقول الا حسبي الله ونعم الوكيل
حسبي الله ونعم الوكيل

واعتذر لا اريد واسطات من احد ....
ربي وحده سبحانه وتعالى واسطتي
والحمد لله شهادتي بكلوريوس درسات وقريبا اتوظف بإذن الله


خلاحد يرسل لي خاص
حياك الله أختي
مابحثت لك عن واسطه ولاشي
ذكرت في كلامي سابقا ان الكلام موجه لك ولغيرك
الله ييسر لك الوظيفه اللي تتمنين
حفظك الله أينما كنتي

[دناجح]

لعله خير

[حلقوم]

غيرك كثير وانا منهم جامعيه ودرست خمس سنوات عقد وبعدين جلسة سنه والحين كلماجيت المجمعه قالو حدثي بياناتك كل شي من الرياض وكل بنات المجمعه عقد بدل استثنائي مدري شكل الديوان مايعرف الا بنات المجمعه 😱😱كل ياغزيزتي مصلحه يعني واسطه وانا اناشد مكتب شؤون الموظفات في المجمعه

[توليب2]

ان شاء الله يوفقك