التدخين في مضمار المشاة

[ام عبدالرحمن]

السلام عليكم ورحمه الله وبركاته
اطالب بلدية تمير من وضع لوحات وشعارات يمنع فيها التدخين
وبالطبع الجميع يعلم اضرار التدخين ووجود المدخنين يضر جميع المتواجدين بالمضمار
ونتمنى وضع الشعارات لكي لايتواجد من يكتم الناس برائحة التدخين وينفرهم منه
وجزيتم خيرا

[ابوعبدالرحمن11]

وجود الوحات لايردع المستهتر ويجب تدخل هيئة الأمر بالمعروف والنهي عن المنكر ولو بالوعظ وفي الغالب ان المدخنين هم من العمال او من المواطنين من خارج البلد كمالاحظت ذلك في كل الميادين العامه والأسواق.

[aanh]

اذا لم تستحي فاافعل ماشئت ظاهرة التدخين اصبحت عادة نراها كل وقت والمؤسف ان ترى شخص يقود سيارتة ومعه زوجتة واطفاله ويدخن والمساكين يستنشقون والله مرة من المرات في فصل الشتاء واحد معه هايلكس غمارة قديمه ومعه بناته في الابتدائي رايح يوصلهم للمدرسة شفتة بام عيني مقزز القزاز ويدخن بصراحة هذي قلة الادب بعينها وشذنب هالبنيات اللي منظفتهم امهم ومعطرتهم للمدرسة اذا نزلو وريحتهم زقاير الله لايوفقك ياقليل الادب . شكرا ام عبدالرحمن علي هالملاحظة والله يحمانا واياكم .

[مادريت]

يعني لو حطو لوحه ماراح يدخنون خخخخ اتحدى

مفروض يحطون شبك خاص للمدخنين

استغفر الله بس

[مضيع غترته]

الله يصحلكـ ادعله بالصلاح

[كيان]

اللہ پعپن

[ام منى]

الله يهديهم ويصلحهم

[الامبراطور 15]

وش دخل البلديه وهيئه
الي يشم ريحة دخان يسد خشمه
اقوال بس اعو لهم بهديه وبس

[النادر]

التدخين عادة سيئة ومقززه ووجود لوحات ارشاديه
اعتقد ان تجاوز الشخص وتدخينه في الاماكن العامه تعود لثقافة الشخص المدخن
اخي المدخن اذا ابتلاك الله بهذه العادة سيئه فلا تشركنا بها فلا ذنب لنا .
الله اسئل ان يعصمني عنه وان يعافي كل مبتلى

[غلا الدنيا]

وش دخل البلديه وهيئه
الي يشم ريحة دخان يسد خشمه
اقوال بس اعو لهم بهديه وبس

صح والله والله مالقيتو شغل على ذالسالفه انا اشوفها حريه شخصيه ونقص على قلبه وريايئاه
لاتحسبوني ادخن عاد < تسوونها

[ط َـموح]

-

آلسلام عليكم ,
معليش آخوي صاحب آلموضوع , صحيح آلتدخين مضر بالصحه ومضر بالاخرين ,
آنآ اعطيك حل ابسط من وضع اللوحآت , وتقدر تسويها بكل مكان حتى ف الشارع .
اذا شفت واحد يدخن رح انصحه بكلمتين حلوين صدقني ماراح تشوفه يدخن بمكان عام مره ثانيه , وممكن يوقف التدخين نهائياً .
مشكلتنا ياذا الشعب نبغى كل شيء يصير وحنا نجلس نتفرج . يأأخي آنت لآزم تكون عضو فعال ف المجتمع .
إذا اردت الوعي في مجتمعك , كن انت السبب فيه .

آسال الله ان يعافي من ابتلآ ب التدخين منا , وان يعصمنا منه .

[عازف الأحزان]

وجود الوحات لايردع المستهتر ويجب تدخل هيئة الأمر بالمعروف والنهي عن المنكر ولو بالوعظ وفي الغالب ان المدخنين هم من العمال او من المواطنين من خارج البلد كمالاحظت ذلك في كل الميادين العامه والأسواق.


أخوي أبو عبد الرحمن

المدخنين كثير منهم من اهل تمير

ولا تخليني اعددهم لك هنا ومستعد انزلهم لك بالاسماء ولا تتهم العماله او الناس من خارج

البلد هذا الكلام سوفه تسأل عنه يوم القيامه

[ام عبدالرحمن]

معليش آخوي صاحب آلموضوع



لاصررت رجال ذيك الحزه قولي أنصحيهم وبعدين مهب عيب تبيني اروح للرجال الاجنبي واقول لاتدخلن يضرنا !؟

وبعدين الهيئه اشوفها رايحه جايه تقوم بهالعييل الي مايتعدون الخمس طعش وتاركهه هالرجاجيل الي مع عوايلهم يدخنون وكاتمين الممشى كلهه بريحتهم
ويالي تقول سدو خشومكم انا رايحه اونس عييلي ولا اسد خشمي : /

[khaloody]

الله يهديهم ويصلحههم !