يانصر لا تلعب بالنار ماحسبت حسابها

[الوهبي]

بسم الله الرحمن الرحيم

يانصر لا تلعب بالنار ماحسبت حسابها// يشهد عليك التاريخ من سنين
يانصر زمانك راح مع محيسن وماجدها// الزعيم شهادته تعلت الخمسين
امجادك يازعيم تجدد وانت من أمجادها// ارحم فقيرا زمانه من المحسنين

اهلا وسهلا بكم اخوتي واحبابي حياكم الله الوهبي لبس ثوب العيد الجديد بهذا البيتين
اولا أنا لست شاعرا وانما معبرا عن فرحه وحزن ماحصل في الديربي
والحمدالله أنها انتهت النتيجة بالرحمه من الله ثم من خمول بعض لاعبي
الهلال ولا لكانت كارثة مبروك لهلال وحظ أوفر لنصر
اخواني النصراويه الا تعلمون أن الهلال درس وتخصص في مادة سهله وهي نصر
واخيرا مبروك لجميع الزعماء وهاردلك لجمهور مادتنا المفضلة

[عشقي الزعيم]

الله يبارك فيك ومبروك فوز الهلال

[عزوف]

مبروك لك افرحو كثييير الدنيا سعة صدر

[لميس]

الف مبرووك الفوز لكل الهلاليين
وهاآردلك لكل نصراووي

[ضمى المشاعر]

الله يبااارك بعمررك

[المهند]

مبروك للهلاليين هذا الفوز ... وهارد للنصراويين الخسارة الشريفة ..

أتمنى أن يرد الهلاليين الجميل ... وأن يقدمو الفوز لعضو الإدارة نواف بن محمد .. الذي استقبل طاقم التحكيم بكل حفاوة في المطار ..

وسمح لك أن تعيد لبس ثوب العيد الجديد ..

[ولد امير]

اخوي الوهبي
شكراا عل القصيده (عزالله الشعر راح فيه دام كلن يفق خشته ويسولف )
اجل حسابه واضح عل وزن ماجدها

[ام فوفو]

الله يخليلكم الحكم الغى هدف صحيح لى ابراهيم غالب والله انكم كمخ ماتفوزون الى بتحكيم وانت ياالوهبى والله ماتدرى وش الكوره

[النايفه]

بطلت اشجع نصر يفشششششششششششششل وحرام اشجع فريق انت تشجعه

[كلاش تمير]

ألف مبروك فوز الهلال

[توليب2]

خخخخخ هدف صحيح حت لو كان الهدف صحيح تر الزعيم متقدم 3 للمعلوميه فقط

الف مبروك الفوز لكل هلالي وبعدين مو اول مرة نفوز عليهم مافية شي جديد

[عالي]

لو عندك جرئه وش رايك في الهدف الملغي

[المجهول 505]

تسلم على هالابيات لكن مهما تقدم الزمان سيظل العالمي في قلوبنا حتى لو يصير الاخير بالدوري

[غليط]

نداء لكل هلالي

انت ماتلاحظ انك عديم الثقه يعني ماتحسس انك فايز الا ع العالمي طيب والانديه الثانيه
ثانيا عادي فاز ولا خسر فنحن يالعالميمين نمتلك روح رياضيه عاليه ونحن لانشجع لجل الفوز بل لجل محبتنا لتلك النادي العريق ووفائنا الممدود ع مدار السنين الطويله
النصر لوحده هو من صنع الكره ومن صنع عالم التشجيع رغم هزيمته التكرارا
ولذلك النصر هو من صنعكم يالهلاليين ولا كيف الهلال بلا نصر

والدليل انكم لا تتذلذون بالفوز الا ع النصر ولا تفرحوا الا بالنصر ولا يتجمهر جمهوركم الا بالنصر


كلام لا خلاف عليه

فوزا سعيد

ونصرنا ف قلوبنا

[الوهبي]

غليط يبدو أن الهزيمة مؤثره جدا وتسبب لك ازعاج وأنا ماحب حبايبي النصراويه لهم ذلك ارجو أن لا تكون ممن فقد بصيرته
وضيع طريقة أنتم يعاب فيكم شي واحد الفوز بالنسبه لكم مستغرب والهزيمه تعودتو عليها منذ زمن لماذا تزعل لما نفرح بهزيمكم
تضايقون نحن تعودنا على الأنتصارات والبطولات وأنتم تعودتو على الهزايم بمعنى الكلمة وبدون زعل تذكروني بأهل فلسطين
ماعندهم سلاح الا الرمي بالحجاره ومشاء الله عليكم صابرين وأعتبرها شجاعة فيكم وتعجبوني والله لو الهلال يحصل له ماحصل
لنصركم العزيز ماتلقى فرد في المدرجات والسبب تعود على الانجازات الزعيم يذكرني بقوة أمريكا وسلاحها
شكرا على مروركم جميعا

[لميس]

آهنيك يالوهبي على موضوعك الرائع
وعلى ردك اعجبني كثثييير
وآآصل يآآمبدعنا :)

[ولد امير]

فخرلنا بفلسطين تشبهنا وتشبه نفسك ب امريكا
هذا يدل عل عقليتك ي الوهبي اجل مثل امريكا ياشيخ انت وش لك وش المنتديات حرام احد مثلك يكتب كيذا ولو اني معرف انك رجال كبير في السن كان قلت معليه ولا شرهت

[الوهبي]

ولد الأمير كفو القب اولا أنت مافهمت قصدي أنا لا يشرفني بتشبه أمريكا أنا أقصد القوة والضعف يبدو أنك قرأت الموضوع على عجله ولا فهمت الغز حبينا لك قدرك ولك إحترامك وبما أن الهز يمة مؤثره لا الومك على هذا الصبر ونعم فلسطين وأبناءها نتشرف بهم كمسلمين ونتشرف بوجودك معنا نحن في هذه الساحه من التحاور والنقاش والنقد البنا الهادف والتنافس بيننا في التعليقات الشريفه واخيرا شكرا على مرورك وسامحك الله

[ساموراي]

حظ اوفر للنصر

[غليط]

لن ارد احترامي لسنك اولا ثم لعقليتك

تحيتي للجميع

[هذي انا]

الف مبروووووووووووووووك للهلال
ودااايم انتم يالنصراااوييين اذا خسرتوا تقووولوا الحكممم
ماعندكم روووح رياضييييههه
بس تستاااهلوووا الهزيمهه

[العالمي]

بسم الله الرحمن الرحيم

يانصر لا تلعب بالنار ماحسبت حسابها// يشهد عليك التاريخ من سنين
يانصر زمانك راح مع محيسن وماجدها// الزعيم شهادته تعلت الخمسين
امجادك يازعيم تجدد وانت من أمجادها// ارحم فقيرا زمانه من المحسنين

اهلا وسهلا بكم اخوتي واحبابي حياكم الله الوهبي لبس ثوب العيد الجديد بهذا البيتين
اولا أنا لست شاعرا وانما معبرا عن فرحه وحزن ماحصل في الديربي
والحمدالله أنها انتهت النتيجة بالرحمه من الله ثم من خمول بعض لاعبي
الهلال ولا لكانت كارثة مبروك لهلال وحظ أوفر لنصر
اخواني النصراويه الا تعلمون أن الهلال درس وتخصص في مادة سهله وهي نصر
واخيرا مبروك لجميع الزعماء وهاردلك لجمهور مادتنا المفضلة

اخي الوهبي
اولا مبروك الفوز حتى وهو غير مستحق
والله فريقكم يفشل حتى في عزه لم يفز الا بمساعدة الحكم
ثانيا مبروك الموهبة الجديدة اثرك شاعر اقصد افرك شاعر
ومخبي هالموهبة من زمان ومتواضع تقول منيب شاعر
الاشاعر ونصف
شاعر ان الفوز غير شرعي بس ماتقدر تقول
هذي موهبة احسن من تشجيع الهلال يمكن متأثر بالريس حقكم
ليت ادارته مثل شعره كان يهبط الهلال
لازلت تذكر محيسن وماجد الله يسقس ذاك الوقت
مماعلينا مادامك شاعر على الاقل نزل لنا كل اسبوع قصيدة
حتى لو في ساحة الرياضة انا ابا اعطيك مطلع وانت كمل
بغيت اكتب لي قصيدة
من يوم كلت العصيدة
اليوم فاز الهلال
والفوز ماهو حلال
الغو هدفنا الصحيح
هذا المعلق يصيح
نواف جاب الحكام
قالو تمام التمام
يالوهبي خلك عاقل
هلالكم مايستاهل
انا ماقلت انك جاهل
لكن يلعن ام الكوره
هاه وش رايك نسوي دويتو انا واياك وننزل لنا كم شريط احسن من الكورة ونحط صورتك على الغلاف وهات بيع
واحد منا عند الملتقى والثاني عند محطة الشمال والثالث عند العتش او اثرنا مغير اثنين
تدري نبي نحط الاشرطة في سطل ونبيعهن على انهن خراف
على طاري الخراف عندي خروف ان قلت قصيدة
مثل اللي كتبت في اول الموضوع لان هذيك اكيد مسروقة او احد بايعها لك
صدقني فوزكم مثل قصيدتك ياحامد زيد المجابيب او تدري انا حامد زيد المجابيب
انت خلك سعد علوش قوع ناصر
ياحبي لك

[قصائد]

اخوي الوهبي نحن نحب النصر لذاته وليس لبطولاته مثلكم يالهلالين .. أترى الفرق !!

النصر لعب وتعب لكن الحظ الردي دائما حليفه

على العموم مبروك فوز الهلال وهاردلك لنصر

ومبروك الثوب الجديد يالوهبي

[ملامح صادقه]

دآئمآ مآنرى جمهور الهلآل عندمآ يفوز ع النصر يآتي ويكتب هنآ ويتمسخرون ع النصر

لكن عندمآ يفوز ع فريق ثآني لآيكتب ولآيقول شيئآ عن فوزه ع الفرق الثآنيه

لكننآ عرفنآ السبب لآن النصر فريق عآلمي فريق كبير يقهر الهلآل حتى بهزيمتهم له

فهنيئآ لنآ بهذآ الفريق الرآئع

[آخت لميس]

الف الف مبروك لكل هلالى الفوز
وعقبال المباريات الجايه

[ساموراي]

يااهلاللليين الي مايطول العنب حامضا عنه يقووول

[زيد الخير]

اخوي العالمي سوي سوي قصدي شوي شوي على شارع الهلال قصدي شاعر الهلال خلة يفضفض عن مساعرة قصدي مشاعرة هذى احثيث قصدي احاسيس طالعة من الدلب قصدي من القلب

ليش تزعل على قصيدة الوهبي توك تدري عنة انة شاعر ويييييييييييييييييييييييييييين من يوم (ززززززززززززززززززززززززززز)

الحمدالله ان الوهبي هلالي

[العالمي]

اخوي العالمي سوي سوي قصدي شوي شوي على شارع الهلال قصدي شاعر الهلال خلة يفضفض عن مساعرة قصدي مشاعرة هذى احثيث قصدي احاسيس طالعة من الدلب قصدي من القلب

ليش تزعل على قصيدة الوهبي توك تدري عنة انة شاعر ويييييييييييييييييييييييييييين من يوم (ززززززززززززززززززززززززززز)

الحمدالله ان الوهبي هلالي

اخوي رجال الرجاجيل
عز الله انك ماتعرف الوهبي
انشد واحد معاشره
صاحب قلب طيب ونظيف مايغلط على احد يمزح ويقبل المزح وكريم وحبوب وروحه رياضيه
وفوق هذا كله من اكبر اربعة شياب في تمير
الايستحق الاحترام
انا احترمه لهذه الصفات وكونه اكبر مني بعشرين سنة ايضا يفرض احترام
مافيه عيب الا انه هلالي وهذي صعب تتغير
ما سمعت
ولايلين اذا قومته الخشب
اما انه هلالي الله اقوى وانا اتمنى يكون نصراوي وادفع مليون هذا مكسب
مشيته فيها من مشية ماجد
لاتسألني اي ماجد
ماجد ولد خالتك
ماجد جد ناصر الماجد
كيفي
تحياتي

[ابوغادة]

الهلال في اسوء احواله يتعادل مع هجر ويهزم من الفتح

ولكنه يفوز على الغشم بثلاثه مع الرافه

واجبرهم يطردون المدرب فاذا كان الفوز بسبب الحكم فلماذا ابعدتوا مدربكم

ههههههههههههه

[تمير نت نت]

هدف صحيح + محاولة استفزاز حسين عبد الغني , كانت النتيجه تنتهي (2-1) للنصر لو لم يتدخل الحكم ,في النهايه اقولك , لو منك ماحطيت الموضوع لانه فوز غير مستحق

[ابوغادة]

طيب واخذ البطوله منامامكم وش تقول فيها بعد

اعرف حجمكم بس ولاتنافس الزعيم