اذا توهقت وطلع اكلك مالح ... تعال اعلمك وش تسوي

[تامر]

السلام عليكم ورحمة الله وبركاته

مساء الخير لكم يا تميراويه

موضوعي مختصر لكنه اكبر واكبر بكثير من هالسطرين الا وهي الفائده العظيمه
سلمك الله اخوي راعي البر
اذا طبخت عشاك او غداك تمام .... وذقت المرقه ولقيت الملح زايد اكيد بتقفل معك لكن هه انتبه تقول لاخوياك اللي معك الملح زاد خلهم يسولفون ويسمرون بكيفهم وخذ هالطريقه .....
جب لك بصله وحده او حبة بطاطس وقطعهم مكعبات وحطهم بالقدر واتركهم الين يخلص اكلك
والا منك جيت تكب الاكل طلعهم من القدر لانهم خلاص سووا الواجب عليهم وهو امتصاص الملح الزايد من طعامك
سفره هنيه ان شاء الله
تقبلوا تحياتي

[توأم الجود]

جزاك الله خير اخوي تامر ؛؛؛

والطريقة هذي بجربها >>>> يعني اتعمد يصير مالح ثم اجربها >>>> وعلى قولتهم مع الربع و لا مع الاجناب

تقبل تحياتي

[تامر]

الطريقة مجربة وممتازة 100%

وان ماصلحت اعزمني بالبر وخله مالح واجي ازينه لك.

[ملك روما]

والله طريقه حلووووه وانا اخوك !! أول مره أسمع بها !!

جربها ..جربها ..أخوي توأم الجود ..بننتظر النتيجة...نشوف ..

تحياتي للجميع

[هادي]

ما يحتااااااااااااااااج انا بعد مجربها

وهي لها فواااااااائد بعد انك تلقى بطاطس او بصل كنوع من المقبلات مع الوجبة >>> قلها للشباب ولا يدرون ان قصدك هو الملح الزايد

وكذلك معلومه اذا ورى الغداء >>>> يعني صار له ريحة

ما عليك الا انك تحط لك خبزتين فوقه وخمس دقايق وتروح الريحه وتراها بعد مجربة

مشكووووووووووووووووور يا تامر


سلام

[اتيكا]

تسلم أخوي تامر على نقلك هالافكار الحلوه

لكن المشكلة اذا حطيت بصل أوبطاطس وطلع الأكل ناقص الملح مشكلة وشلون ترقعها

أو كنت في البر ولا عندك بطاطس و البصل خلص وش تسوي ؟؟؟

أتوقع أفضل طريقة أنك تنقص من المرقه و تزود مويه


وتقبل التحيه

[سنافي تمير]

جزاك الله خير تامر
والله انك تبي تفك ازمه بالنسبه لي

[hamad15]

مشكور على المعلومة الطيبة الله يجزاك خير....

[صـ التاريخ ـدى]

مشكور على المعلومة الطيبة الله يجزاك خير....

نجربها ونشوف