لماذا التسيب في مستشفى تمير؟؟؟

[جروح الزمن]

السلام عليكم ورحمة الله وبركاته..
اكتب معاناتي في مستشفى تمير والتسيب لبعض الاخصائين
بنتي للأسف تعرضت لكسر في رجلها وركبنا لها جبيره لمدة شهر
والحمدلله التحم الكسر وتحتاج الى علاج طبيعي وللأسف لنا أسبوعين
نلاحق إحصائيه العلاج الطبيعي ولكن كل مانجي المستشفى تكون استأذنت
ورجعت الرياض واحنا في رمضان نجي بدري بعد صلاة الظهر مباشرة لان زوجي
مايقدر يطلع من الدوام الصباح الان بنتي اصبحت تعرج بسبب تسيب المدير الذي يسمح
لها بالغياب المتواصل وكثرة الاستئذانات حتى اننا نريد ان ناخذ موعد ولكن كيف وهي غير
موجوده..ارجوا من المسؤولين ايجاد الحل في التسيب وعدم الحرص على المرضى في
مستشفى تمير...
وشكرا لتعاونكم

[عزوف]

الله يكون بعونك

بس حاولى تدربينها انتى وحط عليها ما ء دافي جدا بفوطة وبتتحسن بدون علاجهم الطبيعي

[عاشق الديرة]

هذا من مدير المستشفى وتهاونه مع الاخصائيه هذي وتهاونيه مع بعض الممرضات

[برق1]

خل ولي امرك

يشتكي عند ديوان المراقبة في المجمعة

وشوفي كيف يداوم من عليه المسؤلية

[وافي وشافي]

الله يعافي بنتك ويخليها لكم

[كيان]

والله مستشفى تمير مستشفى فااااشل


خاااصه عيااده الاسنان

هالهندي هاللي حااطينه مااعنده مااعند جدتي

[الموادع]

الله يكون بعونكم
والله يشفي بنيتكم ويقومها ربي بالسلامه
والتسيب موجود بااكثر مستشفيات المملكه
وياليت يكون فيه قرار صارم لكل متخاذل لايقوم بأداء عمله على الوجه المطلوب

[جروح الزمن]

شكراً لتجاوبكم معي
ولكن لانه علاج طبيعي ولا اقدر اروح الرياض كل يوم
ولا كان ماطبيت مستشفى تمير اللي مافيه اي امكانيات
ولا موظفين او إداريين مثل العالم والناس...
ارجوا من المسؤلين التحرك وحل الازمه بأسرع وقت ممكن...

[فراوله تنقط عسل]

بعض الردود سيئه وخادشه

[امورة تمير]

هلا اختي روحي لمستشفى الحوطه فيها علاج طبيعي .والله يشفي بنتك ويخليها لك

[المارد]

الله يعينك على التعب الحوطه مافيه علاج طبيعي

[غريبة]

هلا اختي

طيب مافيه غير الحرمة روحي لو للرجال اذا كانت بنتك صغيره
او روحي لمدير المستشفى وكلميه في وقتها

[العلاقات العامة بمستشفى تمير]

السلام عليكم ورحمة الله وبركاته..
اكتب معاناتي في مستشفى تمير والتسيب لبعض الاخصائين
بنتي للأسف تعرضت لكسر في رجلها وركبنا لها جبيره لمدة شهر
والحمدلله التحم الكسر وتحتاج الى علاج طبيعي وللأسف لنا أسبوعين
نلاحق إحصائيه العلاج الطبيعي ولكن كل مانجي المستشفى تكون استأذنت
ورجعت الرياض واحنا في رمضان نجي بدري بعد صلاة الظهر مباشرة لان زوجي
مايقدر يطلع من الدوام الصباح الان بنتي اصبحت تعرج بسبب تسيب المدير الذي يسمح
لها بالغياب المتواصل وكثرة الاستئذانات حتى اننا نريد ان ناخذ موعد ولكن كيف وهي غير
موجوده..ارجوا من المسؤولين ايجاد الحل في التسيب وعدم الحرص على المرضى في
مستشفى تمير...
وشكرا لتعاونكم

وعليكم السلام ورحمة الله وبركاته

في البداية حمداً لله على سلامة ابنتكم وان شاء الله ما قدامها الا الخير

ونشكر لكم حرصكم وأهتمامكم وانتقادهم الهادف ونحب ان نوضح الآتي :

1- مواعيد العلاج الطبيعي بالعيادة من الساعة ( 10 - 12 ) ظهراً

ومن بعد صلاة الظهر الى نهاية الدوام مواعيد التنويم .

وبإمكان حضور الطفلة مع والدها لقسم الرجال بعد صلاة الظهر مباشرة

وفي مواعيد المساء يتواجد فني علاج طبيعي من الساعة ( 9 - 11 ) مساءً

بقسم الرجال حيث انه لا يوجد الا اخصائية واحدة بالقسم ..

مع العلم ان مواعيد استقبال المرضى أيام ( السبت والاثنين والاربعاء ) من كل أسبوع


نتمنى لكم ولجميع المرضى الشفاء العاجل

[T_N_T]

الله يشفي بنتك وجميع مرضى المسلمين ..(يعني وشلون ..سعيد اخي مبارك ...!!!)
كل دائرة او موقع .. نجاحة من نجاح مديره وقدرته على الادارة ..
اما شغل طقها والحقها في جميع اداراتنا في تمير فهو اللي مودينا ورى

[أبو ريوف]

بعض الردود سيئه وخادشه


لم أرى أي رد خادش بل هي وجهات نظر

يحق للأهالي طرحها والمطالبة بها

[أبو ريوف]

وعليكم السلام ورحمة الله وبركاته

في البداية حمداً لله على سلامة ابنتكم وان شاء الله ما قدامها الا الخير

ونشكر لكم حرصكم وأهتمامكم وانتقادهم الهادف ونحب ان نوضح الآتي :

1- مواعيد العلاج الطبيعي بالعيادة من الساعة ( 10 - 12 ) ظهراً

ومن بعد صلاة الظهر الى نهاية الدوام مواعيد التنويم .

وبإمكان حضور الطفلة مع والدها لقسم الرجال بعد صلاة الظهر مباشرة

وفي مواعيد المساء يتواجد فني علاج طبيعي من الساعة ( 9 - 11 ) مساءً

بقسم الرجال حيث انه لا يوجد الا اخصائية واحدة بالقسم ..

مع العلم ان مواعيد استقبال المرضى أيام ( السبت والاثنين والاربعاء ) من كل أسبوع


نتمنى لكم ولجميع المرضى الشفاء العاجل



نشكر لكم الرد والتجاوب مع الأهالي وذلك للرقي بالمستشفى للأفضل