بنات الرجاجيل

[عهود]

..

.

.

.

.

.


الصبح باحت طلتـه كـل الاسـرار=نوره كشف ماكان في معطف الليل
بانت مقاصـد كـل كـاذبٍ وغـدار=جتني علومه قبل تجمع بها الخيـل
ولـّم معاميل الغـلا واضـرم النـار=يحسَب جميع الكيف في نكهة الهيل
الهيل غالي فوق عن كـل الاسعـار=انشد عنه .. من يعرف الوزن والكيل
لا لتمـّوا اهل الكيـف بالليـل سمّـار=تزهى دلالـه والشـرف للفناجيـل
الهـرج واجـد ينقلـه كـل ثرثـار=وكلٍ بكيفه يتبـع القـال والقيـل
ماجيتك اطلـب زود هيبـه ومقـدار=ولا جيت ابي للي جرى منك تعليل
الله غنـيٍ لا تكـلــّـف بـالأعــذار=خلك بغيبك واتبع الكيـف والميـل
عش حاضرك مرتاح ايّـاك تحتـار=الوقت يضحك لك خـداعٍ وتمثيـل
باكر تدور ازمان .. نسمع بـك اخبـار=نهايـتـك مكتـوبـةٍ فالمقابـيـل
ماهو مهم انـي كتبتـك بالاشعـار=حرفي هدية صدق.. جيلٍ ورى جيل
الحـمـد لله لا خطـيّـه ولا ثــار=ماطلتني لو طاولت يـدّك سهيـل
انا عريبة جد مـن نسـل الاحـرار=والعفو شيمه من بنات الرجاجيـل

[توأم الجود]

المميزة عهود

صح لسانك

معنى و قصيدة ملكة الابداع

تحياتي

[تميراوي الرياض]

انا عريبة جد مـن نسـل الاحـراروالعفو شيمه من بنـات الرجاجيـل

صح لسانك

[هادي]

هلا وغلا

تواجدك بساحة الشعر يزيدها بهجة وسرور

صدق ما يصح الا الصحيح

مشكووووووووووره على اختياااااااارك

سلام

[عهود]

شكرا جزيلا لكم اخواني

وصحت ابدانكم

تحيتي لكم