جيتك ولاغيرك ذكرته بمسراي

[عزوف]

لاتلومني لاجيت كلي من اقصاي
مافيه غيرك لاتضايقت جيته
جيتك ولاغيرك ذكرته بمسراي
جيتك وكل انسان غيرك نسيته
جيتك وانا ماني بأنا تايه الراي
جيتك وانا مدري وش اللي بغيته
جيتك وقلبي دقته تسبق خطاي
جيتك اقول مفارقك ماقويته
ان مر يومٍ بالعمر منت وياي
اشتاق لك شوق المسافر لبيته
مثل الهوا تحتاجه الناس والماي
يحتاج لك قلبٍ هواك وهويته
دامك معي ماقصرت يوم دنياي
دامي خذيتك وش بقا ماخذيته
وانكان تنشدني بعد ليه انا جاي
ابشر بردٍ يقنعك لاقريته
جيت اعترف بالفرق يا اخر مناي
بينك وبين اللي عشانك جفيته
اني ليامن جيت لك ( همك رضاي )
واني ليامن جيت له ( مالقيته )
لاتلومني لاجيت كلي من اقصاي
مافيه غيرك لاتضايقت جيته

[العالمي]

جيتك ولاغيرك ذكرته بمسراي
جيتك وكل انسان غيرك نسيته
من اين لك هذا الذوق ؟
اهنيك
تحياتي

[عزوف]

الذؤؤق حضووركـــ الدايم والمستمر

[دروب الامل]

ابيات رائعه يالغلا

تسلمين عزووفه على الانتقاااء

[سُلاَفْ القَصِيدْ]

آبيآت روعه
تسلميين على الذووق وآلآنتقآء

[أبـوحـمـد]

انتقاء جميل ياعزوف وذوق عالي..

تسسسلمين على روعه الانتقاء...

[هذا انا]

كلمات رائعه واختيار موفق تسلمين ..

[القوه العاشره]

جيتك وانا مدري وش اللي بغيته
جيتك وقلبي دقته تسبق خطاي
جيتك اقول مفارقك ماقويته

ابيات في قممه الاناقهه ,,
تسلمين ع الاختيار