مركز الحفنة؟

[اوركيد1]

السلام عليكم
ياليت اللي عنده معلومات عن مركز الحفنه يزودني فيها وين تقع وكم تبعد عن تمير ؟
هل الطريق بينها وبين تمير سالك ومعبد ؟
وايهما اقرب بالنسبه لتمير الحفنه او الارطاوية ؟
وشكرااااا

[المتحـ2007ـد]

الطرق مزفلته كلها

من تمير الى الحفنه 106 كيلو
من تمير الى كبري الحسي 48 كيلو ومن الكبري الى رويغب 38 كيلو ومن رويغب للحفنه 19 كيلو

فديو لقيته في النت يمكن يفيدك

فديو لمركز الحفنه (http://www.safeshare.tv/w/xFPhdcbjlK)


ومن تمير الى الأرطاويه تقريباً 130 كيلو
من تمير للشحمه 50 كيلو من الشحمه للقاعيه 45 كيلو من القاعيه للأرطاويه 25 كيلو
والأرطاويه مثل تمير

[اوركيد1]

يعطيك العافيه اخوي

[اوركيد1]

معليش عندي سؤال ثاني ايهم افضل من حيث امان الطريق الحفنه ام الارطاويه بمعنى لو اختك بتتوظف في وحد من هالمنطقتين وش تختار لها ؟

[المتحـ2007ـد]

والله كلهن خطهن واحد

لكن لو يجي احد متوظف في احد المنطقتين يفيدنا اكثر

اعتقد الحفنه من حيث العمل افضل وبعيده عن المجمعه وغثاها

والراي الاول والاخير لكي

[أبـوحـمـد]

معليش عندي سؤال ثاني ايهم افضل من حيث امان الطريق الحفنه ام الارطاويه بمعنى لو اختك بتتوظف في وحد من هالمنطقتين وش تختار لها ؟


اذا بتسكنين بتمير اختار لك الارطاويه

واذا بتسكنين بالرياض الحفنه اقرب لك ..

هذا من رااايي الشخصي ...

والله يوفقك ويسر امرك ان شاء الله..

[أبـوحـمـد]

من الرياض للحفنه 150 كيلو تقريباَ

[اوركيد1]

جزاكم الله خير اخواني بس طلعت الحفنه مافيها مدرسة بنات اصلا مدري يبونا ندرس عيال !!

[أبـوحـمـد]

جزاكم الله خير اخواني بس طلعت الحفنه مافيها مدرسة بنات اصلا مدري يبونا ندرس عيال !!


وشلووون مافيها مدرسه وانتي موجهه للحفنه من الاساس او كيف..؟

[اوركيد1]

لا لسى ماتوجهت بس طالبين نختار ونرتب الرغبات ومن ضمن هالرغبات الحفنه

[أبـوحـمـد]

اذكر فيها الحفنه مدرسسسه بنات من 13 سنه هالكلام وفيها سواق يودي البنات ويجيبهم في باااص اصفر كني اشووفه الحين قدامي

يعني وووين راحت!

[اوركيد1]

اذكر فيها الحفنه مدرسسسه بنات من 13 سنه هالكلام وفيها سواق يودي البنات ويجيبهم في باااص اصفر كني اشووفه الحين قدامي

يعني وووين راحت!

والله مدري هذا كلام ادارة المجمعة او يمكن الباص اللي تذكره كان يوديهم لقرية ثانيه جنب الحفنه

[أبـوحـمـد]

والله مدري هذا كلام ادارة المجمعة او يمكن الباص اللي تذكره كان يوديهم لقرية ثانيه جنب الحفنه


لا يهمونك اكبر نصااابين ادااره المجمعه توني سألت واحد ويقول موجوده مدرسه بنات بها وللتأكيد رااح اجيب لك خبرها بكره...

[اوركيد1]

اوك يعطيك العافية

[المتحـ2007ـد]

اقتباس من احد المواقع على شان تدرون كذب المجمعه




متعاقدات مدرسة الحفنة ينتظرن التثبيت
متعاقدات مدرسة الحفنة الابتدائية والمتوسطة والثانوية
هوياء سلطان السهلي، طفله بداح السهلي، سوير فهد السهلي، نورة عبدالله السبيعي، نورة ضيدان السهلي، نوير ناصر السبيعي
نحن متعاقدات مدرسة الحفنة الابتدائية والمتوسطة والثانوية التابعة لمحافظة رماح نطرح معاناتنا التي تشغل حيزاً كبيراً من تفكيرنا واهتماماتنا فنحن طرقنا جميع الابواب للمطالبة بالتثبيت ومساواتنا بالمعلمات الرسميات وطرد شبح الخوف من عدم تجديد العقد حيث اصبح بداية كل عام دراسي شبحاً مخيفاً بالنسبة لنا.. والله الموفق

[اوركيد1]

شكرا اخي المتحد على المعلومة

[أبـوحـمـد]

يوجد بها ابتدائيه ومتوسطه وثانويه

تاابعه لمدينه رماح ...

[اوركيد1]

شكرا ابوحمد على المعلومة

[نهى]

السلام عليكم ..
حبيت استفسر بخصوص الروضات
فيها شيء او بس مدارس ..

[أبـوحـمـد]

على كلامه لي يقول بها مدارس وما ذكر روضات !

[نقا الكرم]

الحفنة فيها مجمع تعليمي للبنات. لكن يتبع إداريا للرياض. هذا على خبري قبل سنة.

[نهى]

الله يجزاكم كل خير على الرد ...